Pavitra Aatma ka Tohfa
Bhaaiyo aur bahano, aaj saanjah ko aapke saath hona ek mahaan ashirvaad hai.
Aaj se teen hafte baad, Badadin ka Din hoga. Us subha, laakho chote bachche samay se pehle jaag jaaenge aur, bhumika badlao hoga, jab woh apne maata-pita ko khaat se kheench ka nikalenge. Utsaah se bhare huwe, woh itne dino se dekhe huwe tohfon ko gher kar khade ho jaaenge.
Mere pita ko Badadin pasand tha; tohfa dene se use bahut khushi milti thi, aur woh aur meri maa usmein bahut nipunn the. Mere bhaai-bahan aur mai, tatha kayi anye bachche, unke gun ka laabh uthaane waale the. Unke kuch behtarin tohfe gine nahin jaa sakte the—kuch anubhavein the jisse prem ke bandhan bandhe the aur anmol yaadein bhi the. Woh yaadein aaj bhi mujhe anand dete hai.
Yeh sahi lagta hai ki tohfe dena aur lena Badadin ka mukhye bhaag hai. Kyunki, hum Parmeshwar ke Putra, Uddhaarkarta Ishu Maseeh, ka anupam tohfe ko mana rahe hai. Bhale hi, hamare tohfe ki is tohfe se tulna nahin ki jaa sakti hai, magar mai vishwaas karta hoon ki tohfa dene aur lene ka anand hamare hridayon ko “Parmeshwar ke tohfon”1 ki or mod sakta hai.
Parmeshwar ke Putra ka anmol tohfa hum sab ko amantrit karta hai “is duniya mein shaanti, aur aane waale duniya mein anant jiwan” 2 dhoondhne ke liye. Aysi duniya mein jahan jhagde aur algaao badhta jaata hai wahan shaanti paana kathin lag sakta hai. Magar woh shaanti wohi hai jo hamare prem karne waale Pita aur Unke Putra hum sab ko de rahe hai, agar hum use apnaaye.
Kalpana karo kitna ajeeb hoga agar, Badadin ke subha ko, hum Badadin ke ped ke paas baethenge, sundar se lapete huwe tohfo ki prashansa karenge, unke andar kya hai par baate karenge, aur phir din bitaenge bina un tohfon ko kholo!
Durbhaagye se, kabhi kabhi hum aysa hi karte hai Parmeshwar ke dwara diye tohfon ko lekar. Uddhaarkarta ke in shabdon par dhyaan do: “Us aadmi ka kya faeda agar use ek tohfa diya jaaye, aur woh us tohfe ko swikaare nahin? Dekho, woh us cheez mein khush nahin hota jo use diya gaya hai, na to woh dene waale par khush hota hai.” 3
Aaj raat hum aapko amantrit karna chahate hai yeh sochne ke liye ki kaise hum sach mein un tohfon ko apnaaenge jo Parmeshwar ne hamein diya hai. Khaaskar, main gaor karunga Pavitra Aatma ke beshumaar tohfe par.
Kyun Pavitra Aatma Itna Chahita Tohfa Hai?
Pavitra Aatma Ishwartav ka teesra sadasye hai. Woh sahanubhuti deta hai,4 ek maargdarshak,5 ek shikshak,6 ek pavitra karne waala,7 aur is tarah manushye ke dilon ko badalne waala.8 Unke zariye, hum Parmeshwar ke shaktiyaan aur gun apne jiwanon mein paa sakte hai.
Tum in mein se kuch gunon ko yaad karoge: “prem, khushi, anand, dheeraj, kripa, bhalaai, vishwaas, namrata, [aur] sanyam.” 9 Mere liye yeh ek achcha varnan jaisa hai “Badadin ke aatma” ka. Swargdut ke vaade “bade anand ka susamachaar” aur “shaanti, manushyon mein mahima” 10 us pehle Badadin ki raatri ko pura karta hai, kuch had tak, jab hum Pavitra Aatma paate hai.
Hum aksar saal bhar Badadin ki Aatma ko kaayam rakhne ki koshish karne ki baat karte hai. Hum prakritik rup se chahate hai ki yeh divye gun hamesha hamare ho jaaye. Aur hamare sampurn Pita chahata hai ki hum, Unke bachche, yeh tohfon ko praapt kare. Yeh hai woh mahaan vaada Ishu Maseeh ke susamchaar ka—taaki hamare hriday badal jaaye, hamein “shaetaan ke kaaryon ko nahin, parantu sadeo achche karm karenge,”11 “aasha aur sampurn prem” se bhar jaaye.12 Pavitra Aatma ko sach mein paane se yehanmol tohfe hamein mil sakte hai.
Mahatvapurn dhang se, Pavitra Aatma ka tohfa hamein in shabdon ke dwara diya jaata hai: “Pavitra Aatma ko Paayo.” 13 Mai teen mukhye chaabiyaan ka sujhaao dena chahata hoon jo hamein madad karegi is anmol tohfa ko praapt karne mein. Aysa karne ke liye, mai Mormon Dharamshaastra ke ek gehre drishye par dhyaan deta hoon. Punarjiwit Maseeh ne ek chamatkaari din bitaya tha logon ke beech dekhrekh karne mein, agle din lautne ka vaada karke. Sab ne yeh khabar suni, aur badi ichcha se desh ke anek jaghon se log ikattha huwe, kuch to raat bhar parishram kiya taaki subha woh wahan pahunch paaye jahan Ishu aane waale the.
1. Ati Mahatvapurn Dhaarmik Ichcha
Jab woh Uddhaarkarta ke lautne ka intazaar kar rahe the, chelon ne bheed ko sikhaya kya Ishu ne ek din pehle sikhaya tha. 14 Yeh likha hai ki woh ghutne par huwe aur prarthna kiye “jiski sabse adhik ichcha thi; aur woh sabse adhik ichcha Pavitra Aatma paane ki [karte] the.”15 Ek pal ke liye sochiye yeh kitna mahatvapurn hai—woh utsukta se Uddhaarkarta ka vaada anusaar waapas aane ka intazaar kar rahe the, magar unhonne iske liye prarthna nahin kiya tha. Woh chahate the ki unhe Pavitra Aatma mile, kyunki uttam shikshak aur phir Unke chune huwe chelon ne unhe sikhlaya tha. Yeh gehra, ati mahatvapurn dhaarmik ichcha hi ek zaroori chaabi hai tohfa ko praapt karne ka.
Pradhaan Henry B. Eyring ne sikhaya: “Kabhi kabhi hum mein se kayi … ke paas paryaapt vishwaas hai Pavitra Aatma chahane ka. Woh ichcha shayad kamzor aur ruk-ruk kar aata ho,par woh aata hai, zyaadatar jab hum musibat mein hote hai. [Magar] aage chal kar suraksha paane ke liye, use nirantar aur gehra hona chahiye.” 16 Bhaaiyon aur bahano, hamein yeh tohfa paane ke liye hamein apne pure hriday se iski ichcha karni chahiye.
2. Dhaarmikta se Dharamsiddhaanton mein Bhaag Lena
Mormon Dharamshaastra ke drishye mein lautte huwe, hamein ek aur chaabi ka pata chalta hai. Prarthna mein apne sabse badi ichcha waale tohfa, Pavitra Aatma, ka niwedan karne ke baad chelein paani mein gaye aur unhonne baptisma liya. “Aur jab un sab ne baptisma le liya tha … unpar Pavitra Aatma aayi, aur woh Pavitra Aatma aur jwala se bhar uthe.” 17 Baptisma ka dharamsiddhaant ek sharirik gawaah hai ki humne yaad aur paalan karne ka vachan liya hai, Maseeh ka naam apne upar lene ka, aur Pavitra Aatma ko praapt karne ki ichcha ki hai.18
Har hafte hamein mauka milta hai prabhubhoj lene se apne gawahi ko mazboot aur yaad karne ka, “ki [hum] Aatma ko [apne] saath hamesha rakhenge.”19 Baptisma aur prabhubhoj ke dharamsiddhaanton ko saath laane se hamare jiwan mein “ishwartav ki shakti” ko laane mein madad milega.20 Ek tarike se, yeh ishwar-jaisa banne ka manzil aur kriya ko dikhata hai. Maseeh mein naye jiv banna, “unke putra, aur putriyaan,”21 hai hamara manzil. Us manzil ko hum har hafta paate hai jab hum yaad aur paalan karne ki koshish karte hai. Mai aapko har hafte Prabhu ke prabhubhoj vishwaas ke saath lene ke liye amantrit karta hoon Unke vaada anusaar ki jab hum vachanon ko nibhaenge Aatma hamare saath rahega, thoda thoda karke, “sampurn din tak.”22
Is saal Badadin ka Din Raviwaar ko padta hai. Kitna ashirvaad hai ki hum Maseeh ka janm aur Unka sampurn Praeshchit manaenge prabhubhoj lene ke din par.
3. Vishwaas ko Badhana
Antim aur sabse mahatvapurn chaabi jo mai batlaunga woh hai Ishu Maseeh mein vishwaas. Chelon ke upar bahutaais se Pavitra Aatma aane ke baad, Maseeh prakat hua aur prarthna kiya, Apne Pita ko dhanyevaad diya unhe yeh anmol tohfa dene ke liye. Usne phir yeh zaroori shabd kahe: “Tumne inhe Pavitra Aatma ko isliye diya ki yeh mujhmein vishwaas karte hai.”23 Uddhaarkarta aur Unke sampurn Praeshchit mein vishwaas se hi sabhi achche tohfe aayenge.24
Zyaada vishwaas se hamare jiwanon mein Aatma ke zyaada ashirvaadein aate hai. Tab hum kaise Maseeh mein apne vishwaas ko badhaye? Hum Unke shabd ka bhog lete aur uska paalan karte hai. Elder D. Todd Christofferson ne sikhlaya, “Sabhi dharamshaastra ka mukhye lakshye hai hamare hridayon ko Pita Parmeshwar aur Unke Putra, Ishu Maseeh mein vishwaas se bhare.”25 Yeh sachchaai lagataar Mormon Dharamshaastra mein paaya jaata hai. Raaja Benjamin ne, uddharan ke taur par, apne logon ko un shabdon ko sikhlaaya jo use devdut se praapt hua tha, jisse unhe madad mila Ishu Maseeh mein “zyaada vishwaas” rakhne mein, aur usi vishwaas ke kaaran Aatma ne unke dilon mein bhari badlaao laaya.26
Agar hum Pavitra Aatma ko apne daenik saathi ki tarah chahate hai, hum Maseeh ke vachan ka bhog karenge aur paalan karenge jo dharamshaastra, jiwit bhavishyevaktaaon, aur Aatma ke fusfusaahat se aata hai. Yeh daenik raushni aur sachchaai ki khoj Masseeh mein hamare vishwaas ko badhaegi, Unke jaisa banne ki hamare dilchaspi, aur hamein Ishwartav ke teesre sadasye ko apna sada ka saathi rakhne ki chamta ko badhaegi.
Bhaaiyo aur bahano, Parmeshwar hamein Badadin par aur saal bhar apne anmol tohfe muft mein deta hai. Mai prarthna karta hoon hum unhe band nahin rehne denge par unhe haasil karenge in chaabiyon ko istemaal karke. Mai gawahi deta hoon ki jab hum aysa karenge, hum thoda thoda karke, prem, anand, shaanti, shudhta, aur shakti ko paaenge. Hum “ishwariye swabhaao ke sanbhogi ho jaaye.” 27 Hum tohfa aur tohfa dene waale mein jayjaykaar karenge. Aur jab Woh phir se aaega, hum tayyaar rahenge “[apne] Raaja ko swaagat karne ke liye.”28 Ishu Maseeh ke naam se, amen.