Peresitene Russell M. Nelson - Suiga i Mataupu Aoaoina o le Seminare ma le Inisitituti
“E amata atu i le tausaga 2020, o le kosi o suesuega mo le seminare o le a suia i se kalena faaletausaga. O le a suesue e vasega le tusitusiga paia lava e tasi o loo faaaogaina mo le mataupu aoaoina o le Sau, Mulimuli Mai ia te A’u. O lenei suiga o le a faaleleia atili ai le auala o le faatotonugalemu-i-le-aiga, ma lagolagoina-e-le-Ekalesia i suesuega o le talalelei e ala i se suesuega laugatasia i le aiga, i le Aoga Sa, ma le seminare.
“A o e mafaufau ai i lenei suiga, ou te valaaulia oe e te mafaufau loloto i lou lumanai. O lou gafatia ina ia i ai se aafiaga e sili atu i le lalolagi nai lo soo se isi lava tupulaga ua mavae, o loo faalagolago atoa lava i le tulaga o lou tuuto atu i le Alii o Iesu Keriso. O loo ia te outou taitoatasi le tiutetauave e fesoasoani e aoao atu Lana talalelei i totonu o lou aiga ia i latou o e o loo outou nonofo faatasi. O le Seminare ma le Inisitituti o le a fesoasoani ia te oe e toe faafou lou fale ina ia avea ma malutaga o le faatuatua—o se nofoaga e aoao atu ai, aoao mai ai, ola ai, ma fiafia ai i le talalelei a Iesu Keriso.”