ថ្នាក់សិក្ខាសាលាផ្ដល់ពរជ័យដល់ជីវិតខ្ញុំ
ការចាក់ផ្សាយការបំពាក់បំប៉នប្រចាំឆ្នាំរបស់ថ្នាក់ស&វ ជាមួយប្រធាន បាឡឺដ ប្រចាំឆ្នាំ ២០២២
ថ្ងៃសុក្រ ទី ២១ ខែ មករា ឆ្នាំ ២០២២
អរុណសួស្ដី ងកំពុងជួបជាមួយបងប្អូនដែលមានទំនួលខុសត្រូវដ៏អស្ចារ្យបែបនេះ ។ ខ្ញុំមានក្ដីសោមនស្សរីករាយដែលបានមកជួបនឹងបងប្អូន ។ ខ្ញុំចងបង្ហាញសេចក្ដីស្រឡាញ់របស់ខ្ញុំចំពោះបងប្អូន ម្នាក់ៗ និង សង្ឃឹមថាបងប្អូននឹងចែកចាយសេចក្តីស្រឡាញ់នោះទៅកាន់សមាជិកគ្រួសាររបស់បងប្អូនដែរ ។ គណៈប្រធានទីមួយ និង កូរ៉ុមនៃពួកសាវកដប់ពីរនាក់ផ្តាំផ្ញើសេចក្តីស្រឡាញ់ដល់បងប្អូន ។ យើងសូមអរគុណចំពោះការខិតខំដ៏អស្ចារ្យ និង ស្មោះត្រង់របស់បងប្អូនដើម្បីបង្រៀនដំណឹងល្អរបស់ព្រះយេស៊ូវគ្រីស្ទដែលនឹងផ្ដល់ពរដល់ជីវិត និង ពង្រឹងទីបន្ទាល់របស់សមាជិកវ័យក្មេងរបស់យើងនៅក្នុងសាសនាចក្រ ។
ខ្ញុំចង់ចាប់ផ្ដើមដោយប្រាប់បងប្អូនពីរបៀបដែលថ្នាក់សិក្ខាសាលាបានផ្ដល់ពរជ័យដល់ជីវិតខ្ញុំផ្ទាល់ ។ វាបានដាំគ្រាប់ពូជនៃទីបន្ទាល់អំពីដំណឹងល្អ ហើយបានជួយខ្ញុំឲ្យត្រៀមខ្លួនបម្រើបេសកកម្ម និង ឱកាសខាងភាពជាអ្នកដឹកនាំរបស់ខ្ញុំ ។
ដូចដែលបងប្អូនអាចដឹងហើយថា ខ្ញុំគឺជាចៅលួតរបស់ ហៃរ៉ុម ស្ម៊ីធ ដែលជាបងប្រុសរបស់ព្យាការី យ៉ូសែប ស្ម៊ីធ ជុញ្ញ័រ ហើយម្តាយខ្ញុំមានឈ្មោះថា ស្ម៊ីធ ហើយខ្ញុំគឺជាចៅទួតរបស់ប្រធាន យ៉ូសែប អេហ្វ ស្ម៊ីធ ដែលជាប្រធានទីប្រាំមួយនៃសាសនាចក្រនេះដែរ ្ញុំ ។
ដោយមានបុរសទាំងនេះជាបុព្វការីជនរបស់ខ្ញុំ បងប្អូនប្រហែលជាគិតថា ដំណឹងល្អបានចាក់ឬសដ៏ជ្រៅក្នុងចិត្តរបស់ខ្ញុំ តាំងពីខ្ញុំមានវ័យជំទង់ម្ល៉េះ ។ តែវាមិនដូច្នោះឡើយ ថែមទៀតអំពីឪពុកម្ដាយខ្ញុំ និងជីវិតខ្ញុំរហូតដល់ការបម្រើជាអ្នកផ្សព្វផ្សាយសាសនារបស់ខ្ញុំ ។
ឪពុកខ្ញុំជាម្ចាស់ហាងលក់រថយន្ត ។ នៅឆ្នាំ ១៩២៩ កាលខ្ញុំទើបតែមានអាយុ ១០ ខែ វិបត្តិសេដ្ឋកិច្ចដ៏ធំបានកើតឡើង ។ បញ្ហាប្រឈមខាងសេដ្ឋកិច្ចដែលកើតឡើងដោយសារតែវិបត្តិនោះបានធ្វើឲ្យមានការផ្លាស់ប្តូរមិនល្អចំពោះឪពុកម្តាយ និងគ្រួសារខ្ញុំ ជាពិសេសនោះ គឺឪពុកខ្ញុំ ។ ដោយសារលោកបានខិតខំយ៉ាងខ្លាំងក្នុងការតស៊ូដើម្បីផ្គត់ផ្គង់គ្រួសារក្នុងកំឡុងពេលដ៏លំបាកនេះ ដែលវាបានធ្វើឲ្យគាត់ឃ្លាតឆ្ងាយពីសកម្មភាពនៅក្នុងសាសនាចក្រ ។
លុះក្រោយមក កាលខ្ញុំធំឡើង ហើយស្ថានភាពហិរញ្ញវត្ថុរបស់យើងមានភាពនឹងនរ នោះ ឪពុកខ្ញុំបានទិញដីមួយចំនួននៅលើភ្នំភាគខាងកើតនៃទីក្រុងសលត៍ លេក ។ គាត់បានចំណាយពេលនៅថ្ងៃអាទិត្យដើម្បីសង់ផ្ទះតូចមួយ ហើយយើងទាំងអស់គ្នាបានធ្វើការជាមួយគាត់ ។ ពួកយើងពុំបានចូលរួមប្រជុំជាមួយគ្នាជាគ្រួសារនោះទេ ។
ការឈប់ចូលរួមសកម្មភាពនៅក្នុងសាសនាចក្ររបស់ឪពុកម្តាយខ្ញុំ មិនបានរារាំងខ្ញុំមិនឲ្យចូលរួមក្នុងការថ្វាយបង្គំជាមួយមិត្តភក្តិល្អៗ ដែលខ្ញុំបានធ្វើពេលគ្រួសាររបស់យើងនៅផ្ទះ ឬអធិស្ឋានជាមួយម្ដាយជាទីស្រឡាញ់របស់ខ្ញុំឡើយ ។ ទោះជាយ៉ាងណា ខ្ញុំមិនបានចូលរៀនថ្នាក់សិក្ខាសាលាទេ ។
នៅពេលខ្ញុំនៅរៀនថ្នាក់អនុវិទ្យាល័យ មិត្តភក្តិខ្ញុំម្នាក់ឈ្មោះ នេដ្រា ម័រតេនសិន បានសួរខ្ញុំថា ហេតុអ្វីខ្ញុំមិនមករៀនថ្នាក់សិក្ខាសាលានៅម៉ោងពេលព្រឹកព្រលឹមយ៉ាងដូច្នេះ ។ ហេតុនេះហើយ នៅថ្ងៃបន្ទាប់ ខ្ញុំបានចាប់ផ្តើមចូលរៀនរាល់ថ្ងៃចាប់ពីថ្ងៃនោះមក ។ ថ្នាក់សិក្ខាសាលាពេលព្រឹកព្រលឹមបានចាប់ផ្តើមនៅម៉ោង ៦:៣០ ព្រឹក ។ ម៉ោងនោះគឺព្រលឹមខ្លាំងណាស់សម្រាប់ថ្នាក់វិទ្យាល័យ—យ៉ាងហោចណាស់ក៏ចំពោះរូបខ្ញុំដែរ ។ ខ្ញុំចាំថា ខ្ញុំបានចូលរៀននៅរដូវរងារនាព្រឹកដ៏ត្រជាក់ដែលមានធ្លាក់ព្រិលនោះ ។ លុះដល់ពេលខ្ញុំចូលរៀនថ្នាក់វិទ្យាល័យ ខ្ញុំត្រូវបានជ្រើសរើសឲ្យធ្វើជាប្រធានថ្នាក់សិក្ខាសាលានៅវិទ្យាល័យភាគខាងកើត ។
ការចូលរៀនរបស់ខ្ញុំក្នុងថ្នាក់សិក្ខាសាលាគឺជា រឿងមួយដែលធ្វើឲ្យខ្ញុំស្ថិតនៅក្នុងទិសដៅ ត្រឹមត្រូវសម្រាប់ជីវិតខ្ញុំ ។ ក្នុងថ្នាក់សិក្ខាសាលា ដួងចិត្តខ្ញុំបានប៉ះពាល់់ ហើយគ្រាប់ពូជនៃទីបន្ទាល់ត្រូវបានដាំនៅក្នុងព្រលឹងខ្ញុំ ។ ខ្ញុំមិនចាំអ្វីៗទាំងអស់ដែលបានបង្រៀននោះទេ ប៉ុន្តែខ្ញុំចាំពីអារម្មណ៍របស់ខ្ញុំ ពេលខ្ញុំនៅទីនោះ ។ ខ្ញុំក៏ចាំពីអារម្មណ៍ថា ខ្ញុំជាសមាជិកនៅទីនោះដែរ ។
ខ្ញុំមានអំណរគុណចំពោះគ្រូបង្រៀនថ្នាក់សិក្ខាសាលារបស់ខ្ញុំ ដែលបានលះបង់ពេលវេលាជាច្រើន ដើម្បីរៀបចំមេរៀនដ៏មានអត្ថន័យ ដែលបានយាងអញ្ជើញព្រះវិញ្ញាណដូចជាបងប្អូនដែរ ។
ខ្ញុំក៏មានអំណរគុណចំពោះគ្រូបង្រៀនម្នាក់ៗ ដែលបានបង្រៀនកូនៗរបស់ខ្ញុំ ។ នៅពេលដែលពួកគេកំពុងតែធំឡើងយើងបានសិក្សាដំណឹងល្អជាគ្រួសារ ប៉ុន្តែការណែនាំបន្ថែមដែលពួកគេបានទទួលនៅក្នុងថ្នាក់សិក្ខាសាលាបានផ្ដល់ពរដល់ជីវិតរបស់ពួកគេ នៅពេលនោះ—ហើយវានៅតែផ្តល់ពរដល់ពួកគេ ។ ក្នុងនាមជាជីតា និង ជីតាទួតមួយរូប—យើងទើបតែទទួលបានចៅទួតទី ១០០ របស់យើង—សូមអរគុណចំពោះគ្រូបង្រៀន ដែលបានបង្រៀន និង ដែលកំពុងបង្រៀនចៅៗរបស់ខ្ញុំ ។ ជួសមុខឲ្យឪពុកម្ដាយ និងជីដូនជីតាទាំងអស់នៅសាសនាចក្រទាំងមូល ខ្ញុំសូមអរគុណចំពោះការលះបង់ដែលបងប្អូនធ្វើដើម្បីរៀបចំបង្រៀន និងស្រឡាញ់ ហើយអញ្ជើញបុត្រាបុត្រីរបស់ព្រះវរបិតាសួគ៌ម្នាក់ៗឲ្យមករកព្រះរាជបុត្រារបស់ទ្រង់គឺ ព្រះយេស៊ូវគ្រីស្ទ ។
បងប្អូនប្រុសស្រី បងប្អូនសំខាន់ចំពោះព្រះអម្ចាស់ និង ផែនការរបស់ទ្រង់ ។ បងប្អូនម្នាក់ៗដើរតួជាផ្នែកមួយនៅក្នុងការប៉ះដួងចិត្តរបស់យុវវ័យដ៏មានតម្លៃទាំងនេះ ។ កិច្ចការ និងការខិតខំរបស់បងប្អូនសំខាន់ខ្លាំងណាស់ក្នុងការពង្រឹងដល់ជំនាន់កំពុងពេញវ័យ និងចំពោះការស្ថាបនានគរព្រះ ។ សូមបងប្អូនជ្រាបពីការដឹងគុណដ៏ជ្រាលជ្រៅរបស់យើងចំពោះឆន្ទៈរបស់បងប្អូនក្នុងការបម្រើ និងចំពោះការខិតខំដ៏ស្មោះត្រង់របស់បងប្អូនដើម្បីបង្រៀន ហើយគ្រប់គ្រងកិច្ចការរបស់កម្មវិធីថ្នាក់សិក្ខាសាលា និងវិទ្យាស្ថាននៅជុំវិញពិភពលោក ។
ខ្ញុំសូមសម្ដែងការដឹងគុណចំពោះអែលឌើល ហូឡិន និងគណៈកម្មាធិការប្រតិបត្តិ ចំពោះអែលឌើរ ក្លាក ហ្គីលបឺត ជាអភិបាល និងចំពោះប្អូនប្រុស ឆាដ វេប ជាអ្នកគ្រប់គ្រង ។ និងចំពោះអ្នកដឹកនាំទាំងអស់ បុគ្គលិក និងចំពោះគ្រូបង្រៀនគ្រប់រូប យើងស្រឡាញ់បងប្អូន យើងអរគុណចំពោះបងប្អូន ហើយយើងមានអំណរគុណរាល់ការខិតខំដែលបងប្អូនគ្រប់គ្នាបានលះបង់ដើម្បីការអប់រំផ្នែកសាសនានេះ ។
ដូចខ្ញុំបានលើកឡើងកាលពីមុន ការចូលរៀនរបស់ខ្ញុំក្នុងថ្នាក់សិក្ខាសាលាបានជួយខ្ញុំឲ្យទទួលបានទីបន្ទាល់មួយ ហើយបន្តទៅមុខនៅលើផ្លូវនៃសេចក្តីសញ្ញា ។ ដោយសាររឿងនេះ ខ្ញុំអាចជួយឪពុកម្ដាយខ្ញុំឲ្យសកម្មវិញ ។ ខ្ញុំបានបម្រើបេសកកម្មរបស់ខ្ញុំ ដែលប្រហែលជាមិនអាចកើតឡើងទេ បើសិនគ្មានមិត្តល្អទាំងឡាយដែលខ្ញុំបានស្គាល់ និងបានសេពគប់ក្នុងនៅថ្នាក់សិក្ខាសាលា ហើយដែលពួកគាត់បានផ្តល់យោបល់ថា ខ្ញុំក៏គួរតែបម្រើបេសកកម្មដែរនោះ ។
ពេលខ្ញុំនិយាយនៅក្នុងការប្រជុំសាក្រាម៉ង់ពីមុនទៅបេសកកម្ម ឪពុកខ្ញុំបានចូលរួមដើម្បីស្ដាប់ខ្ញុំឡើងនិយាយ ។ គ្រានោះគឺជាលើកដំបូងក្នុងជីវិតខ្ញុំដែលខ្ញុំចាំថា ឪពុកខ្ញុំបានចូលរួមព្រះវិហារជាមួយនឹងខ្ញុំ ។ ពេលខ្ញុំត្រឡប់មកពីបេសកកម្មវិញ ខ្ញុំបាននិយាយនឹងឪពុកម្ដាយខ្ញុំអំពីសារៈសំខាន់នៃការចូលរួមការប្រជុំរបស់យើងក្នុងសាសនាចក្រ ។ ឪពុកម្ដាយខ្ញុំបានជ្រើសរើសត្រឡប់មកសាសនាចក្រវិញ ហើយពួកគាត់បានទទួលយកការហៅ និងការចាត់តាំងមួយចំនួនសម្រាប់ពេលវេលាដែលពួកគាត់នៅសល់ ។
ថ្មីៗនេះ សាសនាចក្របានធ្វើការវិភាគមួយចំនួនអំពីយុវវ័យនៅក្នុងរដ្ឋយូថាហ៍ ្ណចូលព្រះវិហារបរិសុទ្ធនោះ ។ ១
ផ្នែកស្រាវជ្រាវទំនាក់ទំនងរបស់សាសនាចក្រក៏បានសិក្សាពីផលប៉ះពាល់នៃថ្នាក់សិក្ខាសាលា វិទ្យាស្ថាន និងមហាវិទ្យាល័យសាសនាចក្រផងដែរ ។ ការសិក្សារបស់ពួកគេបានបង្ហាញថា ថ្នាក់សិក្ខាសាលាគឺជាឥទ្ធិពលដែលឈានមុខគេលើសកម្មភាពសាសនាចក្រ ទីបន្ទាល់ អារម្មណ៍នៃមិត្តភាព អារម្មណ៍នៃព្រះវិញ្ញាណ ការលះបង់ផ្ទាល់ខ្លួន និងការលះបង់ជាគ្រួសារពេញមួយជីវិត ។ ២
បងប្អូនប្រុសស្រី បងប្អូនកំពុងធ្វើឲ្យមានការផ្លាស់ប្តូរមួយ ។ វិញ្ញាណដ៏មានអានុភាពនៃការលះបង់កើតចេញពីបងប្អូនក្នុងនាមជាពួកសិស្សនៃព្រះអម្ចាស់ព្រះយេស៊ូវគ្រីស្ទ ។ ខ្ញុំអរគុណចំពោះការមានស្មារតីនោះនៅក្នុងជីវិតរបស់បងប្អូន និងចំពោះការនាំយកស្មារតីនោះចូលទៅក្នុងថ្នាក់រៀនរបស់បងប្អូន ។ ខ្ញុំអរគុណចំពោះការប៉ះដួងចិត្តរបស់យុវវ័យ និងយុវមជ្ឈិមវ័យយើង ។
ពេលខ្ញុំគិតពីការទទួលខុសត្រូវរបស់យើងដើម្បីបង្រៀន និងប៉ះដួងចិត្តរបស់ពួកគេ ខ្ញុំចាំពីបទពិសោធន៍មួយដែលខ្ញុំមាននៅក្នុងព្រះវិហារសលត៍ លេក កាលពីច្រើនឆ្នាំមុន ក ប្រធាន ហ្គរដុន ប៊ី ហ៊ិងគ្លី បានថ្លែងទីបន្ទាល់អំពីសារៈសំខាន់នៃមនុស្សដែលអនុវត្តតាមដំណឹងល្អ ហើយបន្តចាក់គ្រឹះនៅក្នុងដំណឹងល្អ ។ លោកបានថ្លែងថា ដើម្បីឲ្យមនុស្សអនុវត្តតាមដំណឹងល្អ ពួកគេត្រូវការលើសពីការប្រែចិត្តជឿខាងផ្លូវចិត្តទៅទៀត—គឺពួកគេត្រូវការការប្រែចិត្តជឿខាងវិញ្ញាណមួយ ត្រូវការដើម្បីមានលទ្ធភាពទទួលបានការដឹងគុណចំពោះដំណឹងល្អចេញពីគំនិតចូលទៅក្នុងដួងចិត្តរបស់យើង ។ សូអរគុណដែលបានជួយដល់រឿងនេះឲ្យកើតឡើងជាមួយសិស្សរបស់បងប្អូន ។
នៅថ្ងៃទី២៥ ខែមិថុនា ឆ្នាំ២០១៥ នៅប៉ុន្មានសប្តាហ៍ មុននឹងក្លាយជាប្រធានកូរ៉ុមនៃពួកសាវកដប់ពីរនាក់ និងខណៈដែលកំពុងបម្រើជាប្រធានក្រុមប្រឹក្សាប្រតិបត្តិអ្នកផ្សព្វផ្សាយសាសនា ប្រធាន រ័សុល អិម ណិលសុន បានថ្លែងនៅក្នុងសិក្ខាសាលាថ្នាក់ដឹកនាំបេសកកម្មឆ្នាំ២០១៥ ។ លោកបានបង្រៀនអំពីពួកអ្នកផ្សព្វផ្សាយសាសនាក្លាយទៅជាសំបុត្ររបស់ព្រះអម្ចាស់ ។ លោកថ្លែងថា « ក្នុងនាមជាភ្នាក់ងាររបស់ព្រះអម្ចាស់ យើងមានឯកសិទ្ធិដើម្បីប្រកាសដំណឹងល្អរបស់ទ្រង់ ។ សាវ័កប៉ុលបានបង្រៀនពីគំនិតដ៏អស្ចារ្យមួយ ។ លោកបានប្រកាសថា ភ្នាក់ងារម្នាក់ៗ សិស្សម្នាក់ៗ ពិតណាស់ អ្នកផ្សព្វផ្សាយសាសនាម្នាក់ៗ អាចក្លាយជា« សំបុត្ររបស់ព្រះគ្រីស្ទ ដែល…មិនមែនសរសេរនឹងទឹកខ្មៅទេ គឺនឹងព្រះវិញ្ញាណនៃព្រះដ៏មានព្រះជន្មរស់…គឺ [ បានចាស់ឫស ] ក្នុងចិត្តខាងសាច់ឈាមវិញ »[ កូរិនថូសទី ២ ៣:៣ ] » ។ ៣ ខ្ញុំសូមថ្លែងទីបន្ទាល់ថា សិស្សម្នាក់ៗអាចត្រូវបានប៉ះដោយដំណឹងល្អ នៅពេលពួកគេចូលរៀនថ្នាក់សិក្ខាសាលា ពួកគេអាចមានដំណឹងល្អចារនៅក្នុងចិត្តខាងសាច់ឈាមរបស់ពួកគេ ។
អរគុណចំពោះការរៀបចំផ្ទាល់ខ្លួនរបស់បងប្អូនដើម្បីធ្វើអ្វីដែលបងប្អូនធ្វើបានល្អបំផុត គ្រីស្ទដើម្បីឲ្យព្រះវិញ្ញាណអាចប៉ះដួងចិត្តនៃបុត្រាបុត្រីរបស់ព្រះវរបិតាសួគ៌យើង ។
ក្នុងពិភពលោកដ៏ច្របូកច្របល់នាសព្វថ្ងៃនេះ យុវវ័យទាំងអស់នេះត្រូវការអំណរ និងសេចក្ដីសុខសាន្តដែលប្រទានឲ្យដោយព្រះអង្គសង្គ្រោះព្រះយេស៊ូវគ្រីស្ទតាមរយៈដំណឹងល្អរបស់ទ្រង់ ។ ពួកគេចាំបាច់ត្រូវទទួលបានអារម្មណ៍នៅក្នុងដួងចិត្តរបស់ពួកគេនូវសេចក្ដីស្រឡាញ់ដែលព្រះអង្គសង្គ្រោះមានចំពោះពួកគេម្នាក់ៗ ។
ខ្ញុំសូមនិយាយអំពីការស្ថាបនាថ្នាក់ដឹកនាំនាពេលអនាគត ។ បងប្អូនដឹងហើយថា យុវវ័យ និងយុវមជ្ឈិមវ័យនាសព្វថ្ងៃនេះគឺជាអ្នកដឹកនាំរបស់យើងនាពេលអនាគត ។ ពួកគេនឹងដឹកនាំ—ឬក៏កំពុងដឹកនាំរួចហើយ—គឺក្រុមគ្រួសាររបស់ពួកគេ ។ ពួកគេនឹងជះឥទ្ធិពលដល់ពួកអ្នកជិតខាង និងសហគមន៍របស់ពួកគេ ។ ពួកគេគ្រប់រូបនឹងក្លាយជាថ្នាក់ដឹកនាំ នៅពេលពួកគេបង្រៀន—នៅក្នុងសាសនាចក្រ ផ្ទះ សាលា ឬសហគមន៍ ។ អ្នកខ្លះនឹងបម្រើក្នុងអង្គការបឋមសិក្សា យុវនារី ឬសមាគមសង្គ្រោះ—និងសូម្បីតែនៅក្នុងគណៈប្រធានក៏ថាបាន ។ ខ្លះនឹងបម្រើក្នុងគណៈប៊ីស្សព ជាប្រធានស្តេក ឬថ្នាក់ដឹកនាំបេសកកម្ម ្រទូទាំងពិភពលោកនៅ២០–៣០ឆ្នាំទៀត ។ បងប្អូនកំពុងបង្រៀនយុវវ័យអំពីជោគវាសនានាអនាគតដែលបងប្អូនមិនដឹង ឬយល់នៅពេលនេះទេ ។ អនាគតសមាជិកកូរ៉ុមនៃពួកសាវកដប់ពីរនាក់ ប្រហែលកំពុងរៀននៅថ្នាក់មួយរបស់បងប្អូន ។ បងប្អូនមិនដឹងពីការណ៍នេះនោះទេ ប៉ុន្តែសូមឲ្យព្រះអម្ចាស់ប្រទានពរដល់បងប្អូនឲ្យបង្រៀនកាលដែលបងប្អូនគិតធ្វើ ។
ដើម្បីធ្វើជាអ្នកដឹកនាំដ៏ល្អក្នុងសាសនាចក្រ នោះយុវវ័យរបស់យើងចាំបាច់ត្រូវទទួលការដឹកនាំល្អនៅក្នុងគេហដ្ឋានរបស់ពួកគេជាមុនសិន ។ សូមបង្រៀនពួកគេ ជាពិសេសយុវជន ថា« គ្មានអំណាច ឬឥទ្ធិពលណាអាច ឬគប្បីកាន់កាប់ដោយសារបព្វជិតភាពបានឡើយ លើកលែងតែដោយការលួងលោម ដោយការអត់ធ្មត់ ដោយការទន់ភ្លន់ និងការស្លូតបូត និងដោយការស្រឡាញ់ស្មោះត្រង់ប៉ុណ្ណោះ » និង « ដោយចិត្តល្អ និងដោយការចេះដឹងពេញទី ដែលនឹងពង្រីកព្រលឹងឲ្យធំទូលំទូលាយ ដោយឥតលាក់ពុត និងដោយឥតមានឧបាយកលឡើយ » ។ ៤
ក្នុងនាមជាគ្រូបង្រៀន សូមផ្ដោតទៅលើ និងជួយដល់មនុស្សដែលបងប្អូនបង្រៀន ។ បងប្អូនមិនមែនគ្រាន់តែកំពុងរៀបចំពួកគេសម្រាប់ការបម្រើជាអ្នកផ្សព្វផ្សាយសាសនា ឬចេញទៅមហាវិទ្យាល័យប៉ុណ្ណោះនោះទេ ។ បងប្អូនកំពុងរៀបចំពួកគេដើម្បីធ្វើជាឪពុកម្តាយល្អ ។ បងប្អូនកំពុងរៀបចំពួកគេដើម្បីធ្វើជាសមាជិក និងថ្នាក់ដឹកនាំល្អក្នុងសាសនាចក្រ ។ បងប្អូនកំពុងរៀបចំពួកគេដើម្បីទទួលបានជោគជ័យនូវគ្រប់កិច្ចខិតខំនាពេលអនាគតទាំងអស់ ។ នៅពេលបងប្អូនសម្លឹងមើលសិស្សរបស់បងប្អូនម្នាក់ៗ នោះសូមគិតពីអ្វីដែលពួកគេនឹងធ្វើនៅ ៥, ១០ ឬ២០ឆ្នាំទៀត រួចហើយស្វែងរកការបំផុសគំនិតមកពីស្ថានសួគ៌ដើម្បីដឹងពីរបៀបដែលបងប្អូនអាចជួយពួកគេរៀបចំខ្លួនសម្រាប់គ្រានោះ ។
សូមផ្ដល់ឱកាសឲ្យពួកគេដឹកនាំ អ៊ីស ហាយ ។ គ្រូបង្រៀនរបស់ខ្ញុំបានប្រថុយប្រថានជាមួយនឹងខ្ញុំ ដោយអនុញ្ញាតឲ្យខ្ញុំធ្វើជាប្រធានថ្នាក់ ។ ខ្ញុំមិនចូលរៀនថ្នាក់សិក្ខាសាលាទេ រហូតដល់ខ្ញុំចូលអនុវិទ្យាល័យ ។ ខ្ញុំមិនមែនជាសិស្សថ្នាក់សិក្ខាសាលាដែលមានកំណត់ត្រាចូលរៀនច្រើនឆ្នាំនោះទេ ។ ខ្ញុំសង្ឃឹមថា បងប្អូននឹងឃ្លាំមើលយុវវ័យដែលមានសក្ដានុពល ហើយផ្ដល់ឱកាសឲ្យគាត់ ។ សូមជួយសិស្សម្នាក់ៗឲ្យធ្វើរឿងបន្ថែមទៀតដែលពួកគេអាចធ្វើបាន ។ សូមកុំបណ្ដោយឲ្យពួកគេធ្វើអ្វីតាមតែចិត្ត ហើយរំពឹងឲ្យពួកគេដឹកនាំ ។ ផ្ទុយទៅវិញ សូមបង្រៀនពួកគេពីរបៀបដឹកនាំ បន្ទាប់មកឲ្យពួកគេដឹកនាំ រួចហើយបន្តបង្រៀនពួកគេឲ្យកាន់តែល្អប្រសើរឡើង ។
ឧទាហរណ៍ ពេលពួកចិតសិបនាក់ជាអ្នកមានសិទ្ធិអំណាចទូទៅត្រូវបានហៅ យើងផ្ដល់ឱកាសបង្រៀន និងណែនាំពីមុនចាត់ពួកគាត់ទៅតាមការចាត់តាំងរបស់ពួកគាត់ម្នាក់ៗនៅក្នុងពិភពលោក ។ យើងនាំពួកគាត់ទៅធ្វើការចាត់តាំងជាមួយនឹងយើង ។ បុរសទាំងនេះមានបទពិសោធន៍ដឹកនាំច្រើនណាស់នៅក្នុងសាសនាចក្រ ប៉ុន្តែយើងបន្តបង្រៀនពួកគាត់ពីមុនឲ្យពួកគេគាត់ធ្វើអ្វីតាមចិត្ត ។ សមាជិកកូរ៉ុមនៃពួកសាវកដប់ពីរនាក់បានចូលរួមប្រជុំជាមួយនឹងពួកចិតសិបនាក់ជាច្រើនដងក្នុងមួយឆ្នាំ ដើម្បីផ្ដល់ការណែនាំដើម្បីជួយពួកគាត់ពង្រឹងទីបន្ទាល់ពួកគាត់ និងធ្វើជាថ្នាក់ដឹកនាំឲ្យកាន់តែមានប្រសិទ្ធភាព ជាមួយគ្នា និងរៀនពីគ្នាទៅវិញទៅមក ។ បងប្អូនប្រហែលជាគិតថា បន្ទាប់ពីពួកយើងបានធ្វើការចាត់តាំងរបស់ពួកយើងអស់ពេលយ៉ាងយូរនេះ ពួកយើងប្រាកដជាចេះអ្វីៗគ្រប់យ៉ាងអស់ហើយ ។ ពិភពលោកនេះកំពុងផ្លាស់ប្តូរ ហើយតម្រូវការរបស់មនុស្សគឺ ខុសៗគ្នា—ជាពិសេសនៅកន្លែងផ្សេងៗទៀតក្នុងពិភពលោក ។ ហេតុដូច្នេះហើយ ក្នុងនាមយើងជាសមាជិកនៃកូរ៉ុមនៃពួកដប់ពីរនាក់ ទន្ទឹងរង់ចាំ និងរំពឹងទុកថានឹងបង្រៀនគ្នាទៅវិញទៅមក នូវរបៀបដើម្បីបំពេញទំនួលខុសត្រូវរបស់យើងក្នុងនាមជាសាវករបស់ព្រះអម្ចាស់ព្រះយេស៊ូវគ្រីស្ទឲ្យកាន់តែល្អប្រសើរឡើង ។
ខ្ញុំសូមឲ្យបងប្អូនជួយដល់ថ្នាក់ដឹកនាំនាពេលអនាគតរបស់យើង គឺមានមនុស្សជាច្រើនអន្ទះសាចង់រៀនសូត្រពីបទពិសោធន៍ដឹកនាំរបស់បងប្អូន ។ ពេលវេលារបស់បងប្អូនជាមួយនឹងពួកគេជាសិស្សនៅថ្នាក់សិក្ខាសាលា និងថ្នាក់វិទ្យាស្ថានគឺខ្លីណាស់ ប៉ុន្តែសូមសម្លឹងមើលគ្រាដែលបងប្អូនអាចជះឥទ្ធិពលដល់ពួកគេម្នាក់ៗ ។
សូមឲ្យខ្ញុំលើកឡើងពីតម្រូវការនៃការឆ្លើយតបសំណួរឲ្យបានត្រឹមត្រូវ ។ យើងទាំងអស់គ្នាដឹងថា ការសួរសំណួរគឺជាវិធីដ៏ល្អសម្រាប់សិស្សរៀន ។ សំណួរភាគច្រើនបង្ហាញនូវបំណងប្រាថ្នាដើម្បីរៀន ។ សូមលើកទឹកចិត្តសិស្សឲ្យសួរសំណួរ ហើយបន្ទាប់មកជួយពួកគេឲ្យរៀនពីរបៀបស្វែងរកចម្លើយ តាមរយៈការសិក្សា និងការអធិស្ឋាន ។ ដំណឹងល្អផ្តល់នូវចម្លើយចំពោះសំណួរជីវិតភាគច្រើន សារយើងខ្វះព័ត៌មានដែលចាំបាច់ដើម្បីទទួលបានចម្លើយត្រឹមត្រូវ ។ នៅក្នុងស្ថានភាពទាំងនោះ សូមកុំពិចារណា ។ វាមិនអីនោះទេក្នុងការនិយាយថា « ខ្ញុំមិនដឹងទេ » ឬ « យើងមិនដឹងទេ » នោះ ។ យើងនឹងទទួលបានសុវត្ថិភាព និងការការពារជានិច្ច នៅពេលយើងបង្រៀនសេចក្តីពិត នៅពេលយើងបង្រៀននូវរឿងដែលយើងដឹងនោះ ។ សូមកុំចាកចេញពីសេចក្ដីពិត ហើយគិតពីរឿងដែលយើងមិនទាន់យល់នៅឡើយ ។ នៅគ្រប់ករណីទាំងអស់ បងប្អូនអាចផ្ដល់នូវការបកប្រែដ៏ស្មោះត្រង់ ប្រកបដោយការគិតគូរ និងត្រឹមត្រូវអំពីបទគម្ពីរ និងគោលលទ្ធិនៃដំណឹងល្អ ប្រវត្តិសាស្ត្រសាសនាចក្រ ឬប្រធានបទផ្សេងទៀតដែលបានយល់ដឹង ។ ខ្ញុំសូមលើកទឹកចិត្តបងប្អូនឲ្យបន្តធ្វើតាមកម្មវិធីសិក្សាដែលបានផ្ដល់ឲ្យបងប្អូន ហើយប្រើធនធានដែលបានផ្ដល់សិទ្ធិឲ្យ ។
សូមធ្វើឲ្យសាមញ្ញ ។ ខ្ញុំធ្លាប់ប្រើឃ្លានោះច្រើនណាស់នៅក្នុងជីវិតខ្ញុំ រហូតដល់កូនៗខ្ញុំបានដាក់ឃ្លានោះនៅលើថ្មក្បាលផ្នូរ ជាកន្លែងដែលភរិយាជាទីស្រឡាញ់ខ្ញុំសម្រាកនៅ ហើយនៅថ្ងៃណាមួយ ខ្ញុំនឹងសម្រាកនៅជិតគាត់ដែរ នូរនោះសរសេរថា « សូមធ្វើឲ្យសាមញ្ញ » ។ នៅពេលខ្ញុំទទួលអនិច្ចកម្មទៅ ខ្ញុំសង្ឃឹមថាមនុស្សគ្រប់គ្នានឹងយល់ពីអត្ថន័យនោះ ដែលជាអ្វីមួយដែលខ្ញុំគិតថាវាមានសារៈសំខាន់ ។ សូមធ្វើឲ្យដំណឹងល្អសាមញ្ញ ។ ពាក្យនេះវាស្រស់ស្អាត ហើយច្បាស់ និងអស្ចារ្យខ្លាំងណាស់ ិងបេសកកម្មរបស់ព្រះអង្គសង្គ្រោះរបស់យើងដែលជា ព្រះអម្ចាស់ ព្រះយេស៊ូវគ្រីស្ទ ។
សូមចាំថា នីហ្វៃ បានរុងរឿងនៅក្នុងភាពច្បាស់លាស់ ។ ៥ នីហ្វៃបានបង្រៀនថា « យើងនិយាយអំពីព្រះគ្រីស្ទ យើងអររីករាយក្នុងព្រះគ្រីស្ទ យើងផ្សាយអំពីព្រះគ្រីស្ទ យើងព្យាករអំពីព្រះគ្រីស្ទ ហើយយើងសរសេរស្របតាមពាក្យព្យាករណ៍ទាំងឡាយរបស់យើង ដើម្បីឲ្យកូនចៅយើងអាចដឹងថា តើត្រូវស្វែងរកប្រភពទឹកណាមួយ ដើម្បីឲ្យបានផ្ដាច់បាបរបស់ពួកគេ » ។ ៦ ខ្ញុំសូមថ្លែងទីបន្ទាល់ថា ពេលបងប្អូនបង្រៀន ផ្សព្វផ្សាយ និងថ្លែងទីបន្ទាល់អំពីព្រះគ្រីស្ទ នោះសិស្សរបស់បងប្អូននឹងទទួលអារម្មណ៍ពីទីបន្ទាល់របស់បងប្អូន ហើយនឹងរីករាយនៅក្នុងសេចក្ដីល្អរបស់ព្រះយេស៊ូវគ្រីស្ទ និងដំណឹងល្អរបស់ទ្រង់ ។
ខ្ញុំជាចៅរបស់អែលឌើរ មែលវិន ជេ បាឡឺដ ។ លោកបានបម្រើជាសាវកអស់រយៈពេល ២០ ឆ្នាំ ។ ខ្ញុំមានអាយុ ១១ ឆ្នាំកាលលោកទទួលអនិច្ចកម្ម បានបម្រើជាសាវក បានឮគាត់ផ្សព្វផ្សាយ បានឮគាត់បង្រៀន ។ ខ្ញុំសង្កេតឃើញខ្លួនឯងសួរម្តងហើយម្តងទៀត—ទៅកាន់មនុស្សផ្សេងគ្នានៅកន្លែងផ្សេងគ្នាទូទាំងពិភពលោក ដែលបានឮគាត់បង្រៀន និងផ្សាយដំណឹងល្អ ។ ហើយខ្ញុំស្ទើរតែទទួលបានចម្លើយជានិច្ចថា « ខ្ញុំមិនចាំច្បាស់នូវអ្វីដែលលោកបានមានប្រសាសន៍ទេ » មនុស្សម្នានឹងនិយាយមកកាន់ខ្ញុំថា « ប៉ុន្តែខ្ញុំនឹងមិនអាចបំភ្លេចពីអារម្មណ៍របស់ខ្ញុំឡើយ » ាចនឹងមិនចាំពាក្យសម្តីរបស់យើង ប៉ុន្តែសូមពួកគេមិនអាចបំភ្លេចពីអារម្មណ៍របស់ពួកគេកាលយើងបង្រៀនគោលលទ្ធិដ៏សាមញ្ញ និងដ៏ស្រស់ស្អាតរបស់ព្រះយេស៊ូវគ្រីស្ទឡើយ ។
ខ្ញុំបាននិយាយអំពីសារៈសំខាន់នៃការទទួលខុសត្រូវរបស់បងប្អូន ក្នុងនាមជាគ្រូបង្រៀន និងអ្នកគ្រប់គ្រង ។ ការទទួលខុសត្រូវទាំងនោះមានសារៈសំខាន់ និងចាំបាច់ ។ ទោះជាយ៉ាង ការទទួលខុសត្រូវរបស់បងប្អូននៅក្នុងគ្រួសាររបស់បងប្អូនផ្ទាល់គឺសំខាន់ជាងនេះទៅទៀត ។ យើងរស់នៅលើផែនដីនេះដើម្បីក្លាយជាផ្នែកមួយនៃក្រុមគ្រួសារដែលមានលទ្ធភាពបង្កើតផ្នែករបស់យើងផ្ទាល់នៃក្រុមគ្រួសារទាំងនោះ ។ ស្ថានភាពរបស់គ្រួសារយើងម្នាក់ៗមានភាពខុសៗគ្នា ។ មិនថាបងប្អូនមានស្ថានភាពបែបណាទេ សូមចិញ្ចឹមបីបាច់ ហើយស្ថាបនាទំនាក់ទំនងគ្រួសារទាំងនោះ ។ ចំពោះអ្នកដែលបានរៀបការរួច សូមចំណាយពេលជាមួយនឹងភរិយារបស់បងប្អូន ។ សូមស្វែងរកដំបូន្មានពីភរិយា ឬស្វាមីរបស់បងប្អូន ហើយធ្វើតាមវា ។ ខ្ញុំបានក្លាយជាឪពុក ជាស្វាមី និងថ្នាក់ដឹកនាំក្នុងសាសនាចក្រដ៏ប្រសើរ ដោយសារតែដំបូន្មានដ៏ សប្បុរសគួរឲ្យស្រឡាញ់របស់ភរិយាសំណប់ចិត្តរបស់ខ្ញុំ បាបារ៉ា ។ ចំពោះអ្នកមិនទាន់រៀបការ សូមស្វែងរកដំបូន្មានមកពីឪពុកម្ដាយរបស់បងប្អូន សមាជិកគ្រួសាររបស់បងប្អូន ឬមនុស្សម្នាក់ដែលបងប្អូនទុកចិត្ត ។ យើងគ្រប់គ្នាគួរតែស្ថាបនាទំនាក់ទំនងគ្រួសាររបស់យើង ដោយសារវានឹងបន្តហួសពីជីវិតទៅទៀត រៀននៅក្នុងកម្មវិធីនេះនឹងបញ្ចប់ ប៉ុន្តែទំនាក់ទំនងគ្រួសាររបស់បងប្អូនគឺមានភាពដ៏អស់កល្បជានិច្ច ។
នៅពេលខ្ញុំបញ្ចប់សុន្ទរកថាដែលពេញដោយក្តីស្រឡាញ់របស់ខ្ញុំចំពោះបងប្អូន ខ្ញុំគិតពីអំណរដែលមានក្នុងការធ្វើជាផ្នែកមួយនៃកិច្ចការដ៏សំខាន់នេះ និងកិច្ចការដ៏អស្ចារ្យជាមួយបងប្អូន ។ ខ្ញុំទទួលអារម្មណ៍នូវអំណរដូចគ្នាដែលអាំម៉ូន មាន ពេលលោកបានថ្លែងទៅបងប្អូនប្រុស និងសហការីរបស់លោកថា ៖
« យើងមានហេតុដ៏ធំនឹងអររីករាយ … ?
« … ដែលថាយើងបានធ្វើជាគ្រឿងឧបករណ៍នៅក្នុងព្រះហស្តនៃព្រះ ដើម្បីនាំមកនូវកិច្ចការដ៏មហិមានេះ ។…
« សូមឲ្យព្រះនាមនៃព្រះរបស់យើងប្រកបដោយព្រះពរ ចូរយើងច្រៀងសរសើរដល់ទ្រង់ មែនហើយ ចូរយើងថ្លែងអំណរគុណដល់ព្រះនាមដ៏បរិសុទ្ធរបស់ទ្រង់ ព្រោះទ្រង់ធ្វើការសុចរិតដរាបតទៅ ។ …
« … ខ្ញុំហូរហៀរទៅដោយសេចក្ដីអំណរ ហើយខ្ញុំនឹងអររីករាយនៅក្នុងព្រះរបស់ខ្ញុំវិញ » ។ ៧
បងប្អូនប្រុសស្រីជាទីស្រឡាញ់របស់ខ្ញុំ និងគ្រូបង្រៀនដូចជារូបខ្ញុំអើយ—ហើយខ្ញុំនិយាយពាក្យថាគ្រូបង្រៀនដូចជារូបខ្ញុំ ពីព្រោះទំនួលខុសត្រូវជាចម្បងរបស់សមាជិកនៃកូរ៉ុមនៃពួកសាវកដប់ពីរនាក់គឺត្រូវបង្រៀន ែលយើងបង្រៀនវា ពេលយើងគោរពតាមបទបញ្ញត្តិរបស់ព្រះអម្ចាស់ និងពេលយើងដើរនៅក្នុងសេចក្ដីពិត ។
ព្រះជន្ម ការងារបម្រើ និងដំណឹងល្អរបស់ព្រះយេស៊ូវគ្រីស្ទផ្ដល់នូវអំណរនោះ ។ នៅក្នុងព្រះគម្ពីរសញ្ញាថ្មី ព្រះយេស៊ូវបានមានបន្ទូលទៅកាន់ពួកសិស្សរបស់ទ្រង់ថា « ខ្ញុំបាននិយាយសេចក្តីទាំងនេះប្រាប់ដល់អ្នក រាល់គ្នា ដើម្បីឲ្យសេចក្តីអំណររបស់ខ្ញុំ បាននៅជាប់ក្នុងអ្នករាល់គ្នា ហើយឲ្យសេចក្តីអំណររបស់អ្នករាល់គ្នាបានពោរពេញផង » ។ ៨
ព្យាការីលីហៃបានដកពិសោធន៍នូវអំណរនៃផលផ្លែនៃដំណឹងល្អ ហើយមានបំណងប្រាថ្នាចង់ឲ្យគ្រួសារលោកទទួលទានវាដែរ ។ លោកបានថ្លែងថា « ុកដឹងថា ផ្លែឈើនោះ គួរឲ្យមានប្រាថ្នាជាងផ្លែឈើណាៗទាំងអស់ » ។ ៩
ខ្ញុំប្រាកដណាស់ថា យើងម្នាក់ៗមានអារម្មណ៍ដូចសាវកយ៉ូហានដែរ ពេលលោកបានថ្លែងថា « គ្មានសេចក្តីណាដែលនាំឲ្យខ្ញុំអរសប្បាយ លើសជាងសេចក្តីនេះទេ គឺដែលឮនិយាយថា ពួកកូនខ្ញុំកំពុងតែប្រព្រឹត្តតាមសេចក្តីពិតនោះឯង » ។ ១០
ពិភពលោកសព្វថ្ងៃមិនបានស្ងប់ស្ងាត់ ដោយការខកចិត្ត ការមិនយល់ស្រប ការមិនសប្បាយចិត្ត ការរើសអើង ការមិនគោរពសិទ្ធិ ការបង្អាក់ទឹកចិត្ត និងទុក្ខព្រួយនោះឡើយ ។ ដំណឹងល្អរបស់ព្រះយេស៊ូវគ្រីស្ទនាំយើងឆ្លងកាត់គ្រាលំបាកទាំងនេះបាន ។ ព្យាការីលីហៃបានបង្រៀនគោលការណ៍សាមញ្ញមួយដែលបានបើកសម្ដែងដោយព្រះអម្ចាស់ ។ លោកបានថ្លែងថា « មានមនុស្សលោក [ ប្រុស និងស្រី ] ដើម្បីឲ្យគេអាចមានសេចក្ដីអំណរ » ។ ១១
នៅក្នុងព្រះនាមរបស់ព្រះអម្ចាស់ ហើយដោយសារ និងតាមរយៈសាវកដ៏បរិសុទ្ធ ខ្ញុំសូមផ្តល់ និងទូលសូមព្រះអម្ចាស់ឲ្យប្រទានពរជ័យដល់បងប្អូនម្នាក់ៗឲ្យរកឃើញអំណរនៅក្នុងគ្រួសាររបស់បងប្អូន អំណរនៅក្នុងដំណឹងល្អ និងអំណរនៅក្នុងការទទួលខុសត្រូវរបស់បងប្អូន ក្នុងនាមជាគ្រូបង្រៀន ឬអ្នកគ្រប់គ្រងនៅក្នុងកម្មវិធីថ្នាក់សិក្ខាសាលា និងថ្នាក់វិទ្យាស្ថានរបស់សាសនាចក្រ ។ ខ្ញុំសូមសម្ដែងសេចក្ដីស្រឡាញ់របស់ខ្ញុំជាថ្មីម្ដងទៀតចំពោះបងប្អូនទាំងអស់គ្នា និងចំពោះសិស្សរបស់បងប្អូន ។
ខ្ញុំសូមថ្លែងទីបន្ទាល់របស់ខ្ញុំថា ព្រះយេស៊ូវគ្រីស្ទមានព្រះជន្មរស់—ហើយនេះគឺជាសាសនាចក្ររបស់ទ្រង់ និងដំណឹងល្អរបស់ទ្រង់ ។ សូមព្រះអម្ចាស់ប្រទានពរដល់បងប្អូន ឱគ្រូបង្រៀនដ៏ជាទីស្រឡាញ់ទាំងឡាយ សូមឲ្យយើងអាចឈោងទៅជួយឲ្យអស់ពីកម្លាំងនៃដួងចិត្តរបស់យើង មិនត្រឹមតែប៉ះដល់គំនិតនោះទេ ប៉ុន្តែដួងចិត្តនៃបុត្រាបុត្រីរបស់ព្រះវរបិតាជាច្រើននាក់ ដែលជាអ្នកត្រូវការដឹងថាព្រះយេស៊ូវគឺជាព្រះគ្រីស្ទ ថាទ្រង់បានចិញ្ចឹមបីបាច់ព្យាការី សូម្បីតែ យ៉ូសែប ហើយបានស្តារឡើងវិញនូវភាពពេញលេញនៃដំណឹងល្អដ៏អស់កល្បអស់កាលជានិច្ច ហើយថាអ្វីទាំងអស់ដែលចាំបាច់ដើម្បីស្វែងរកភាពសុខសាន្ត និងសេចក្តីអំណរក្នុងជីវិតនេះត្រូវបានសម្តែងឲ្យឃើញជាថ្មីម្តងទៀត ហើយត្រូវបានរកឃើញនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ខ្ញុំបួងសួងសូមពរជ័យជំនួសឲ្យគណៈប្រធានទីមួយ និងកូរ៉ុមនៃពួកដប់ពីរនាក់មកលើបងប្អូន និងក្រុមគ្រួសារបងប្អូន ។ ហើយខ្ញុំសូមថ្លែងទីបន្ទាល់ដោយរាបសារដូច្នោះ នៅក្នុងព្រះនាមដ៏ពិសិដ្ឋនៃព្រះអម្ចាស់ ព្រះយេស៊ូវគ្រីស្ទ អាម៉ែន ៕