Juon Ennaan ilo Kweilo̧k eo jān Rikanaan eo

Tōmak Enaaj Kōm̧akūt Toļ ko

Jān Būreejtōn Russell M. Nelson

Kar kobaiktok jān “Kraist Em̧ōj An Jerkakpeje; Tōmak Ilo E Enaaj Kōm̧akūt Toļ ko,” Liaona, Māe 2021.

Men otemjej rem̧m̧an ilo mour—im aolep kōjeraam̧m̧an—ej ijjino kōn tōmak. Ilo Baibōļ eo, Jisōs ekar kallim̧ur bwe eļan̄n̄e “ewōr ad tōmak āinwōt juon ine in mōstad,” jenaaj maron̄ in kōm̧akūt toļ ko (Matu 17:20). Toļ ko ami remaron̄ in ajimakeke, pere, nan̄inmej, ak jorrāān ko jet.

Ine in mōstad in ej bōk jikin juon tōmak jidikdik ak tōmak eo ej eddōkļo̧k. Ine in mōstad eo ej ijjino kōn men jidikdik ak ej eddōkļo̧k n̄an juon wōjke kileplep im bwe n̄an an bao ko el ilo ra ko ie. Ij kajjitōk ippemi n̄an jinoe rainin n̄an kaddōkļo̧k tōmak eo ami. Erkein rej jet wāween ko remaron̄ kalōk tōmak eo am̧ im lōke.

Ekkatak kōn Jisōs Kraist jān riiti jeje ko rekwojarjar. Ekkatak kōn menin bwilōn̄ ko An.
Kālet n̄an tōmak ilo E. Ļōmņak kōn E aolep raan.
Jerbal kōn Tōmak. Peptaij im bōk kwojkwoj eo.
Kajjitōk ippān Jemedwōj Ilan̄ bwen jipañ eok.

Am̧ tōmak ilo Jisōs Kraist enaaj kōm̧akūt toļ ko. Tōmak enaaj jipan̄ eok ukōt apan̄ ko n̄an iien ko rem̧m̧an im kabwilōn̄lōn̄.