Sarah im MRI eo
Bwebwenato in ekar bōk jikin ilo Honduras.
“Jadede ej juon raan eaorōk. Ej juon raan jej kōppopo n̄an Jabōt” (Children’s Songbook, 196.)
Jadede an Samuel ekapan̄ Jabōt eo an.
Samuel ekar em̧m̧an ippan alooj tibi ippān Baba, eļaptata ilo raan in Jadede. Baba ekar lukkuun buul jerbal aolep wiik. Ak ilo Jadede, Mama ekar kōmat pastelitos de piña (bilawe im kanne kobban kōn peinabōļ) im rekar alooj tibi ippān doon.
Juon joteneen Jadede, rekar kālet n̄an alooje juon partido de fútbol (ikkure jakar). Ak ikkure eo ekar rūm̧ūj an jinoe, im enaaj kar to an jem̧ļo̧k. Ke ekar jem̧ļo̧k mōttan eo kein kajuon, jikoor eo ekar 0-0. Samuel ekar kōņaan alooj wōt. Ak ekar jab maron̄ bōjrak an mōbōļa.
“Iien kiki, Samuelito,” Mama ekar jouj ilo an ba. “Kwoj aikuj kiki jidik bwe kwon maron̄ emourur ilo m̧ōn jar en ilju.”
“Ak Mamá,” Samuel ekar ba. “Ej ruo iaan tiim ko rem̧m̧an tata ilo Honduras!”
Baba ekar kalimjōk awa eo. “Aolep men rem̧m̧an. Komaron̄ alooj wōt. Ak ej aikuj m̧ōkaj am̧ rūj ilju.”
Ikkure eo ekar limo ļo̧k wōt ilo jim̧ettan eo kein karuo. Samuel ekar kiiō erre ļo̧k wōt! E im Baba rekar jim̧or kan̄in̄i. Jinoin rekar wōr jino jān tiim eo juon n̄an kiiki booļ eo n̄an jait eo juon an tiim eo juon. Innem armej eo ej lale goal eo ekar dāpij jān an booļ eo deļo̧n̄. Juon ekar jikoor, innem eo juon. M̧okta jān an kar Samuel jeļā kake, ikkure eo ekar jem̧ļo̧k. Ekar jem̧ļo̧k ilo an taetaap jikoor 1-1.
Jibbon̄ōn eo tok juon, Samuel ekar lukkuun mōk bwe ekar jab kōņaan jerkak jān ioon kinien. Ak ekar jeļā bwe etal im jar eaorōk.
Ilo iien kweilo̧k in kwojkwoj eo, Samuel ekar jinoo an bar mijki. Bōran ekar emajidjid. Mama ekar dipōjeļo̧k bwe en jipan̄ e bwe en erre wōt. Ak ekar lukkuun mōk jon̄an ekar jab kōņaan leļo̧k an n̄an rikōnono ro. “Ij ļōmņak jadede eo am̧ ej kapan̄ eok n̄an Jabōt eo am̧,” Baba ekar ba.
Ilo Būraimere, rūkaki eo an Samuel ekar kōnono kōn kōjparok raan in Jabōt. Ekar kajjitōk ta eo ajri ro remaron̄ kōm̧m̧ane n̄an kōm̧m̧an bwe Jabōt en jeņoļo̧k im aorōk. Samuel ekar ļōmņak jidik. Innem ekar ba, “En m̧ōkaj am̧ kiki ilo Jadede!”
Ke rekar tōpar m̧weo ālkin jar, Samuel ekar kōnono n̄an Mama im Baba. “Ekar itok limoū alooje ikkure eo bon̄,” Samuel ekar ba. “Ak ej aikuj kar m̧ōkaj aō kiki. Ij ļōmņak jej aikuj kōjerbal jadede n̄an kōppopo n̄an Jabōt.”
“Ij errā,” Baba ekar ba.
Mama ekar emajidjid. “Bar n̄a.”
Jadede eo ļo̧k, ekar bar wōr juon ikkure jie ilo tibi.
“Ta eo jenaaj kōm̧m̧ane joteenin?” Baba ekar ba. “Ikkure jie eo ekar bar mootļo̧k awa in.”
“Jemaron̄ alooje juon pijaan alooje ijjeļo̧kin,” Mama ekar ba.
“Ak jemaron̄ walk,” Samuel ekar ba.
“EM̧M̧AN ke ippam̧ etetal laļ?” Baba ekar kajjitōk ippān Mamá.
“Aaet,” Mama ekar ba. “Elukkun em̧m̧an n̄an ippān doon āinwōt juon baam̧le.”
“Im n̄e jej rool tok n̄an kabijuknen,” Samuel ekar ba, “jemaron̄ aolep kiki aenōm̧m̧an. Innem jenaaj pojak n̄an Jabōt!”