Te Rao nakon te Rao
Te Namakin ae Rau
Man te intawiu ma Lucy Stevenson Ewell.
N te ingabong teuana ngke 11 au ririki, I uti n ongo te maningongo man te katangaina. Akea ae e roko ni kautai ibukin te reirei n aron are a bon kakaraoia. Ngke I otinako n noria bwa tera ae e riki, I kunea bwa ngaia e a mate tamau.
Ngke a marooro kaain au utu n te katangaina, I otinako nakon te onaroka. E rangi ni bubura ara onaroka, ao I a tia ni mwamwakuri ma tamau n tararuaa te onaroka. I tekateka iaon te kaintekateka ae abwabwaki iaan te aroka ao n tang. I namakina ae I rang nanokawaki ao n aki oota.
Imwiin tabeua te miniti, I nora au tia reirei n te Moanrinan bwa e kauka mataroan te onaroka. E roko n tekateka irarikiu iaon te kaintekaeka ao n taku, “Joni, ko uringa ara reirei n te wiiki ae nako iaon te babaire ni kamaiu?” E kabwarabwaraa riki nakoiu au tia reirei bwa maiura a karaoaki n te tamnei ao te rabwata. E taku bwa tamnein tamau e mena ngkai n te tabo ae tamaroa, ao n te bong teuana e na manga kautaki. N te bong teuana ao N na manga nooria.
E ngae ngke I nanokawaki, I namakina te rau. I namakina te rau anne ni katoa tai are I angoa te taneiai anne. Au tia reirei n te Moanrinan e karaoa ana ibuobuoki nakoiu, ao e karaua nanou te Tamnei ae Raoiroi. E buokai ni katea au onimaki n ana tangira Tamara ae i Karawa ao n te babaire ni kamaiu.
Bwa tao tera are ko rinanona, te Atua e tabe ibukim. Ko aki n ae ko na riki ni ikawai moa n namakina te Tamnei bwa e na tuangko bwa a na bane n nakoraoi bwaai ni kabane. Ko kona ni karikirakea am onimaki n ana babaire Tamara are i Karawa. Ko kona n namakina te rau.
Kamataata n te tamnei iroun Arthur Lin