New Amigos (Te Rao)
E maeka te tia korokaraki i Utah, USA.
E kabi Brigit te taetae n Spanish. E na kanga ni kaitiboo ma tabeman?
“Te iruwa Ngai, ao kam akoai” (Mataio 25:35).
E tarataraa tinaniku Brigit man wintoon te kaa ngke a buti ana utu n te kawai ae irariki ni kawan Caracas Venezuela. Iai auti aika a tokatoka karaia ao te maunga ae bubura ae mawawa. Bon te tabo ae tamaroa. Mom ao Dad a taku bwa te maeka ikai e na riki bwa te mwananga ae boou.
Ma e tiku n raraoma Brigit. Te bong aei bon aia moan tai ni kaea te taromauri n abaia ae e boou.
Mom e rairaki nakon Brigit. “Ko Raoiroi sweetie?” e titiraki. “Ko aki taraa n ae ko nakoraoi.”
E minominota baina Brigit. “I maaku. I kabi te taetae n Spanish. N na kangaa ni karekeia raraou?”
E einako Mom n taua bain Brigit. “I ataia ae ko raraoma. Ma e na bon nakoraoi. Ikerake teutana.”
E baraaki Brigit n tarai baina. A mwaitorotoro, e ngae ngke e rang kabuebue i tinaniku. E tata burona, ao e namakina ae biritona e aki rau ngke a butirake nako nanon aia tabo n tei kaa n te tabo n taromauri. Kanga e na aekakira aron te taromauri ikai? E na mataata ni bwai ni kabane?
Te rinnako inanon te umantabu, Brigit e namakina bwa ngaia te iruwa. E taratara nako n taraia utu ake tabeman, a bane n taetae n Spanish. Ngkanne e a noriia uoman ataeinaine ae ti tebo rorona ma ngaia.
Ngke ataeinaine akekei a nora Brigit, a biri nakoina. A rang witata ngke a taetae n rangi ni kukurei, ao ni moangare.
Ma e aki ataa te bwai teuana are a taekinna. Tao a na bonako ngkana a ataia ae I kabi n taetae n Spanish? e iango.
E ikerake ni kamaana Brigit. “No hablo español,” e taku , ao e ioioa atuuna. “I kabi n taetae n Spanish.” Ranin matana a kaoti i matana.
A tii kakuii angaia ataeinaine ao aanga riki te moangare ae bubura. Te ataeinaine temanna e koteia ao e taku, “Dayana.” Ngkanne e a manga kotea are temanna ao n taku, “Andrea.”
Raraoman Brigit e a moana ni mauna. E wingare nakoia ataeinaine ao e koteia. “Brigit.”
Dayana ao Andrea a tekateka irarikin Brigit. A reireinna aron atongan “booki aika tabu” n te taetae n Spanish ao tabeua riki taeka. Ngke e a moanaki te bootakin te toa, Brigit e namakina te aabuee inanona ao te rau.
Imwiin te Moanrinan, Brigit ao raoraona aika boou a tekaeka iaon te uteute i tinanikun te umwantabu ngkai a kakaraki aia karo. Dayana ao Andrea a reireina Brigit tabeua riki taeka n Spanish. Ngkanne Dayana e kotea te aroka ao e titiraki, “¿Inglés?”
E wingare Brigit ao ni koteia naba. “Te aroka,” e taku. E oti ni moana ae e kukurei ao e kotei tabeua riki bwaai, n taekinii araia n te taetae ni Imatang. Dayana ao Andrea a manga taekin n te taetae ni Imatang. Ngkanne a reireina Brigit bwa e kangaa atongana n te taetae n Spanish. E reiakin taeka aika mwait Brigit, n aron libro (boki), casa (auti), ao coche (kaa). Ma ae rangi n tamaroa riki, a reireinna bwa e kanga atongan amigos (raraom).
Imwiina e a roko aia tai n okira mweengaia. E kaboo Brigit nakon Dayana ao Andrea.
“E uara am moan bong n te taromauri i Venezuela?” E titiraki Dad.
E ngare Brigit. “E tamaroa! A reke tabeman raraou. Ao a reireinai te taetae n Spanish!”
“E rang tamaroa anne! I rangi ni kukurei bwa e nakoraoi am bong.”
E iango Brigit bwa a kanga Dayana ao Andrea ni butimwaai nakoina. E aki namakinna ae kanga ngaia te iruwa. E ataia bwa Tamara are i Karawa e buokia ni karekeia raoraona. Ao e a aki kan tautau ni kan noria bwa teraa riki ae e na riki inanon ana tai n tiku i Caracas!
Kamataata n te korotamnei iroun Julia Castaño