Bainier ro ilo Aolep Āne
Olga Šnederfler
Matron eo an Tampeļ Jinoin tata jān Czechoslovakia
Olga ekar jeļā ke juon raan enaj kar etal n̄an Tampeļ.
Olga ekar kalimjōke pija eo an tampeļ eo ej etoto ilo wall eo an. Ekar bōk kūtwōn. Eļan̄n̄e baam̧le eo an wōt emaron̄ kar etal n̄an tampeļ. Bōtaab ekar ejjeļo̧k tampeļ ko rejaak, im ekar kanooj pen n̄an em̧m̧akūt jān laļ eo an.
Olga ekar peptaij iiō ko m̧oktaļo̧k. Bōtaab kar kipel mijenede ro n̄an em̧m̧akūt jān laļ en. Ro uwaan Kabun̄ in kar jab bar kōtļo̧k aer etal n̄an jar. Em̧ool rekar jab maron̄ kōnono n̄an doon kōn tōmak eo aer.
Olga ekar baj mour wōt kōn gospel eo. Barāinwōt kar ļeo pāleen, Jirí. Rekar jar im riiti jeje ko rekwojarjar. Raar kōm̧m̧an nokon in jota im kar katak ajri ro nejier. Ilo Raan Jabōt ko, rej kōm̧m̧an kweilo̧k in kwojkwoj apartmen eo edik im̧wer. Rekar katoto elōn̄ pija ko an tampeļ.
Im ke Olga im baam̧le eo an rej en̄jake aer ajimakeke, rraar keememej bwe ekar wōr taujin ro uwaan Kabun̄ in ipeļaakin laļ in.
Juon raan juōn men ekam̧ōņōņō ekar waļo̧k. Būrejitōn Russell M. Nelson, Būreejtōn eo Eutiej an Jabōt Jikuuļ, ekar etal n̄an laļ eo aer n̄an loļo̧k. Olga ekar etōn̄dikdik ke ekar idik pein Būreijitōn Nelson. Innām ekar kōm̧m̧ane juon kallim̧ur ejenolo̧k n̄an e. “Sister, juon raan kwonaaj itok n̄an tampeļ.”
Būruwōn Olga ekar okmeņeņ. “Kom̧m̧ool” liin eaar unoojdikdik.
Allōn̄ ko raar eļļāļo̧k. Innām iiō ko. Olga ekar ajimakeke ilo an lale pija ko an tampeļ rej alitoto ilo dipin m̧weo. Etal n̄an eaar āinwōt epen!
Ālkin emān iiō ko, Olga im Jirí kar karuwaineneik er n̄an etal n̄an kwelok eo eļap ilo Salt Lake City, Utah, USA. Olga ekar inepata kōnke remaron̄ kar jab maron̄ etal. Men ko ilo laļ eo aer raar eppen wōt. Enaaj kar bōk elōn̄ jerbal in peba ko n̄an keļok. Bōtaab ilo juon jekjek aolep men raar jerbal. Olga ekar en̄jake ikūm̧kūm̧ ilo lo̧jien ke baļuun eo waer ekar kelo̧k n̄an United States. Ekar juon menin kabwilōn̄lōn̄!
Olga im Jirí rekar etal n̄an kweilo̧k eo eļap im ron̄jake rikanan eo. Im rekar loe Tampeļ Square im etal n̄an visitor center eo. Bōtaab m̧ōttan eo em̧m̧an tata ej ilo̧k n̄an lowaan Tampeļ!
Nuknuk mouj, Olga ekar en̄jake āinwōt ekar pād ilo lan̄ ke ekar kōm̧m̧ani kallim̧ur ko raorōk ippān Anij. Jon̄an liin ekar liāp n̄an Jirí. Kallim̧ur eo an Būreejtōn Nelson ekar m̧ool!
Olga im Jirí rekar rool n̄an ijo jikier. Ke iien eaar eļļāļo̧k, men ko rekar em̧m̧anļo̧k ilo laļ eo aer. Āliktata rekar maron̄ etal n̄an m̧ōn jar eo, im mijenede ro rekar bar maron̄ katakin.
Juon raan taļboon eo ekar riin̄. Ekar Būreejtōn Thomas S. Monson. Ekar kūr Olga n̄an juon matron an Freiberg Germany Tampeļ. Jirí enaaj ekar tampeļ būreejtōn eo.
Olga ekar ettōn̄ dikdik ke ekar jutak ilo nuknuk mouj, aitok eo an ilowaan Freiberg Tampeļ. Tampeļ eo kar juon iien kanooj in ettoļo̧k. Bōtaab kiiō liin emaron̄ kaorōke aolep raan! Ekar juon ettōņak aiboojoj ekūrm̧ool.
Eria eo Olga ekar jokwe ie tokālik kar erom m̧ōttan Czech Republic.
Ewōr buki em̧ eļļap in etto ko ilo Czech Republic.
Tampeļ matron ej juon kōrā ritōl ilo tampeļ.
Olga ewōr an elōn̄ļo̧k jān 20 pija in tampeļ ko ilo apartment eo an.
E im Jirí ewōr juon nejierro ļaddik im leddik.
Liin ekar kōjparok wōt ippān juon bok in pija ko kōn pija ko an mijenede ro me raar katakin e.
Kōmeļeļe ko jān Shawna J. C. Tenney