Jān Būreejtōnji eo Kein Kajuon
Al n̄an Jisōs
Kakobaik jān “Worship through Music,” Ensign, Nob. 1994, 9–12.
Al al in jar ko im al ko an Būraimere ej juon wāween n̄an kwaļo̧k ad iakwe n̄an Jisōs. Ej kōm̧m̧ane juon waanjon̄ak n̄an kōj. Ilo jem̧ļo̧kin Kōjota eo Āliktata, Jisōs im Rijilōk ro An raar al ippān doon (lale Matu 26:30).
Al emaron̄:
-
Kwaļo̧k ad iakwe n̄an Jisōs.
-
Bōktok Jetōb Kwojarjar.
-
Kōpooj kōj n̄an ekkatak gospel eo.
-
Letok n̄an kōj kajoor ilo jetōb.
N̄e kwoj kom̧ij al, ļōmņak kōn ta eo naan ko rej ba. Eļan̄n̄e ej kapo kwe n̄an kōm̧m̧ane juon kāālet enana, kajjieon̄ alin̄irn̄iri juon al in Būraimere. Ilo ami al, kom̧ naaj en̄jake ami epaakeļo̧k Jemedwōj Ilan̄ im Jisōs Kraist.
Aenōm̧m̧an ilo Kraist
Juon bon̄ ke Jisōs im ro Rikaļooran raar pād ilo juon wa, ekar wōr juon lan̄ ekilep. Rikaļoor ro raar mijak. Raar karuj Jisōs im kar kajjitōk kōn jipan̄ Ippān. “Im [Jisōs] ej jerkak, im kauwe kōto, im ba n̄an lom̧aļo, Kwōn jab m̧akūtkūt, im eļap lur. Im ekar jako an kōtoto, im eļap lur” (Mark 4:39).
Kōļare pija eo. Im jei jet iaan al ko rem̧m̧an ippam̧ kōn Jisōs. N̄e kwoj en̄jake am̧ make ak mijak, al kōn juōn iaan al ko n̄an en̄jake m̧ōņōņō im aenōm̧an.
Kōmeleļe jān Jared Beckstrand