Juon Rilotok Aorōk
Rijeje eo ej jokwe ilo Dar Es Salaam, Tanzania, im Utah, USA.
Ewi wāween an Ammon jipan̄ baam̧le eo an karuwaineneik tok rilotok eo aer aorōk?
”Kajutak juon em̧ … im̧ōn koņ, juon im̧ōn Anij” (Katak im Bujen Ko 88:119).
Ekar ālkin raelep in Jadede. Ammon ekar kōņaan m̧ōņōņō.
“M̧am̧a,” ekar ba, “imaron̄ ke etal im ikkure nabōj?”
“M̧okta kwoj aikuj karōk ruum̧ en am̧,” M̧ama ekar ba.
“Ak, M̧ama,” Ammon ekar ba, “ruum̧ eo aō emaron̄ ke kōttar?”
“Jekōņaan kūrtok juon eo aorōk bwe en ad rilotok. Kōn menin jekōņaan bwe m̧weo imōd en erreo im koņ.
“Juon rilotok aorōk?” Ammon ekar ba. “Ilo m̧win im̧ōd?”
“Aaet, im im kwomaron̄ jipan̄ karuwaineneik e,” M̧ama ekar ba. “Kōn menin etal im kakoņ ruum̧ eo am̧.”
Ammon ekar m̧ōņōņō. Ekar em̧m̧an ippān ilo an lōn̄ rilotok ro. Ekar lōmņak wōn eo enaaj kar rilotok. Mayor eo? Eo ej jeban jān jikuuļ eo? Emaron̄ bisop eo!
Ammon ekar etal n̄an ruum̧ eo an. M̧oktata ekar lo jito̧kin ettoon ko an ioon būļoor eo. Ekar likūti er ilo iiep in kwaļkoļ eo. Innām Ammon ekar karōk bok in jikuuļ ko an ioon tebōļ eo. Ekar kōņan bwe rilotok eo en jeļā bwe ekar kōņan ekkatak men ko rekāāl.
Leddik eo jein Ammon, Angel, kar itok n̄an ruum̧ eo an. “Ta ņe kwoj kōm̧m̧ane?” ekar kajjitōk.
“M̧ama ekar ba bwe ewōr juon ad rilotok aorōk,” Ammon ekar ba. “Ekar kajjitōk ippa bwe in pojak n̄an e.”
Erro jim̧or kar reilo̧k n̄an Jinier ilo kōjām eo.
“Bar ta ko jet kōm̧ro maron̄ kōm̧m̧ani n̄an pojak?” Ammon ekar ba. “Jekōņan bwe rilotok en ad aorōk en en̄jake an ruwainene.”
“Ta ļōmņak ko repād ippamiro?” M̧am̧a ekar kajjitōk.
“Jemaron̄ ba karibu,” Ammon ekar ba. Ilo kajin Swahili ej meļeļe in, “Kwoj ruwainene tok n̄an m̧win im̧ōm̧. Kwoj ruwainene n̄an ekōnono.”
“Kōm maron̄ ron̄jake,” Angel ekar ba. “Ej aorōk n̄an ron̄jake.”
“Men ko rej ļōmņak ko rem̧m̧an,” M̧am̧a ekar ba. “Jen lale ta eo Baba (Jemed) ej ba n̄e etōpraktok m̧win.”
Emaron̄ ilo juon awa, Baba ekar itaktok.
Ammon eaar kōttar. “M̧am̧a ej ba jej karuwaineneik to juon rilotok aorōk n̄an m̧win im̧ōd. Jeļakkar kōppopo.”
Baba ekar ettōn̄ dikdik. “Ij m̧ōņōņō. Itok. Jijet. Jen kōnono. Angel, jouj im bar itok.”
Ke raar alep ippān doon, Baba ekar ba, “M̧am̧a im n̄an kar ekōnono kōn rilotok eo ad aorōk im ta eo jemaron̄ kōm̧m̧ane n̄an kōm̧m̧an bwe en en̄jake ruwainene. M̧oktata, Inaaj jiron̄ komro wōn eo ad rilotok. Ej Jetōb Kwojarjar? Ej juon iaan rilotok ro relukkuun in aorōk iaan aolep.”
Ammon im Angel rekar kalimjōk doon. Ekar jab eo Ammon ekar kōtmene!
“Im E eo ej rilotok eo jemaron̄ karuwaineneik n̄an an pād ippād aolep iien,” M̧am̧a ekar ba. “Angel, ālkin am̧ kar baptiji, kar kaben eok. im kar lewej n̄an kwe juon menin letok. Kwoj ke kemijmij ta eo Baba ekar ba ilo kōjeraam̧m̧an eo?”
“Ekar ba n̄an n̄a n̄an bōk Jetōb Kwojarjar?”
“Ejim̧we,” M̧am̧a ekar ba. “Kar karuwaineneik eok n̄an bōk Jetōb Kwojarjar eo. Innām, Ammon, ke Iaar ba komaron̄ jipan̄ karuwaineneik E, Ta meļeļein aō kar ba?”
Ammon ekar ļōmņak. Ekar karōk n̄an kōm̧m̧ane juon kaat n̄an karuwaineneik rilotok eo aer. Bōtaab ewi wāween an karuwaineneik Jetōb Kwojarjar? “Ij ļōmņak bwe jān kōm̧m̧ane men ko n̄an kōm̧m̧an bwe En en̄jake ruwainene,” Ij karuwaineneik E, Ammon ekar ba.
“Ejim̧we!” Baba ekar ba. “Juon wāween jemaron̄ karuwaineneik E n̄an m̧weo im̧ōd ej kōn kōm̧m̧an bwe en koņ im erreo.”
“Ej ke un eo M̧am̧a ekar kōņaan bwe jen kakoņ kuum̧ ko ad?” Ammon eaar kajjitōk.
“Aaet!” M̧am̧a ekar ba. “Ta ko jet jemaron̄ kōm̧m̧ani n̄an karuwaineneik E bwe en ped ippād?”
“Jemaron̄ jar,” Ammon ekar ba. “Im riiti jeje ko rekwojarjar.”
“Jemaron̄ ron̄jake al ko rem̧m̧an,” Angel ekar ba. “Jemaron̄ al kōn al in jar ko ippān doon.”
“Jemaron̄ em̧m̧an n̄an doon im jab ire,” Ammon ekar ba.
“Ejim̧we,” Baba ekar ba. “N̄e jej kajjieon̄ kōm̧m̧ane ta eo Jesōs Kraist ekar katakin, jej karuwaineneik Jetōb Kwojarjar bwe en pād ippād. Im Enaaj jipan̄ im̧weo im̧ōd erom juon jikin ijo jemaron̄ en̄jake iakwe im aenōm̧m̧an.”
Ammon ekar ļōmņak ium̧win juon minit. “Kwojim̧we, Baba Jetōb Kwojarjar eo ej juon iaan rilotok ro relukkuun aorōk iaan aolep!”
Kōmeļeļe ko jān Mark Jarman