Ti a Kaoia Aomata Nako
E maeka te tia korokaraki i Utah, USA.
Jarom e tangiriia ana utu ae bwanin bwa a na roko n ana bwabetito.
“I always want to be with my own family, and the Lord has shown me how I can [I tangiria n tainako n raoniia au utu, ao e kaota arona nakoiu te Uea bwa N na kanga]” (Aia boki n Anene Ataei, 188).
Jarom e tekateka iaon te uteuteu n ana tabo tibuna i matan ana marae. E a kan boo te tai ni waakina te bootaki!
E tararake n tara te bwai ae e kaaraki ae uraura n iteran te kateitei. “Mum, ko kanga n atonga aran Nana n te taetae n te bai?” e titiraki. Tibun Jarom te unnaine e bonotaninga. N tabetai a kakaraoa te taetae n te bai ni kauringnga iai.
“E kangai,” e taku Mum. E karaurau ni katea arana ma baina. Jarom e karaoa naba te kanikina ni baina. E tatangiria ni kan ata rongorongon ana utu.
“I kan kataia!” Ai tarin Jarome ae Kati e tekateka ni kaniia. Mum e manga katea riki te ara ni baina.
“N te namwakaina ae e na roko n au bwabetito, ti kona n anenea te kuna n te taetae n te bai?” E titiraki Jarom.
“Kam kona,” e taku Mum.
“Tera te bwabetito?” E titiraki Kati.
Angiina ana utu Jarom bon tiaki membwa n ana Ekaretia Iesu Kristo Ibukiia Aika Itiaki ni Bong aika Kaitira. “Ngkana ko bwabetitoaki bon te bwai ae e onoti n au ekaretia,” e taku Jarom. “Bon te tai are ko karaoa iai te berita bwa kona iriira Iesu, ao E berita bwa e na buokiko.”
“Ai kanra,” e taku Kati.
“Ko na roko n au bwabetito?” E titiraki Jarom.
“Eng!” E matangare Kati. Imwiina Jarom e rairaki nakon tinana.
“Ko kona ni butiia ai tariu ma ai mwaneu bwa a na roko naba? Ao ai tinau ao ai tamau?”
E katoutoua atuuna te Tina. “I taku bwa anne te iango ae rang n raoiroi.”
Jarom ao Tinana a tuangiia nikiraia kain te utu bwa a na roko nakon te bwabetito. Ai tinana ao ai tamana aki rang n atatai n taekan te bwabetito naba. Ma a atia bwa bon te bong ae e onoti ibukin Jarom. “Tina roko ikanne!” a taku.
E a nako te wiiki. N tokina e a roko ana bong ni bwabetito Jarom! Ngke e nakonako inanon te umwantabu Jarom, e rangi ni moangare. Ni kabane rinan ni kaintekateka a kaonaki irouia kain ana utu!
Te moan ana karo Jarom e anga te maroro iaon te bwabetito ao ana bwaintangira te Tamnei ae Raoiroi. E taetae naba iaon kakaawakin te utu. “Ti rang kukurei n roko n ana bwabetito Jarom n te bong aei. Ao ti rang kukurei n raonaki irouia kain ara utu!” e taku. “Tera te bwai ae moan te kakaawaki n te aonaaba?” e titiraki. “Bon aomata, aomata, aomata.”
A bane ni wiingare. Aia taetae kain Māori n taekinna ae a bane n tangiraki.
Imwiin ana taetae te Karo, ngkai ai ana tai Jarom ao ana tai Mum. A anenea kunan te Moanrinan n te taetae n te bai. E karika Jarom n namakina ae kaan riki nakon ana nana.
Imwiina Jarom ao Dad nakonako inanon te tabo ni bwabetito. Ngke e tei inanon te ran, Jarom e tararake n taraia ni kabane ana utu. Ai tarina nako, ai tinana nako, ai tamana nako. A bane ni mena ikekei!
Jarom e kamatuui matana. E namakina te namakin ae abue, ae rau. E namakinna ae kanga iai ae E anganna te inga ae bubura. E iangoa ana nana. E iangoia ana bakatibu. E ataia bwa a kakatonga irouna naba.
Jarom e oneia n oneana aika a mau. Imwiina e inga ma kain ana utu n tatabemaniia. E rang kakaitau ibukiia ni kabane. Ao e kakaitau ibukiia kain ana utu i karawa ake e na kaitibo ma ngaiia n te bong teuana. Jarom e tangiria n teimatoa ni karaoi rinerine aika tamaroa bwa a na kamoamoa iai.
Te kamataata n te tamnei iroun Oksana Grivina