Moan Mwanangau Nakon te Tembora
Hola! Ngai Elena. Bon au moan tai n nakon te tembora.
Tabeua te wiiki n nako, I kaitibo ma au bitiobi. E titirakinai titiraki tabeua ni buokia bwa e na kakoaua raoi bwa I a tauraoi n nakon te tembora. (Ko kona ni wareki titiraki iaon iteraniba 22!) Imwiina e anganai au beeba ni kariaia n nakon te tembora.
Ti a katauraoi n nako. I karini oneau aika tamaroa n te Tabati. I karini naba tabeua bwain irau ngkana e mwaimwai. Ao I kakoaua raoi bwa iai au rekomente. Ngkai ti a nako ni katei bwati!
Arei te tembora! E rangi n tamaroa.
Ngke I a nakonako inanon te tembora, I namakina te rau. I kaota au rekomente nakon te tia mwakuri n te tembora are e mena n te taibora mai moa. Temanna riki te tia mwakuri n te tembora e anganai kunnikaiu ae mainaina. I nakon te tabo n onono bwa N na oneai.
Ngkai I a tataninga au tai ni bwabetitoaki. Ngke ai ana tai mwaneu, I tei irarikin te tabo ni bwabetito n riki bwa te tia kakoaua. Na kakoaua bwa e tebonako raoi iaan te ran.
Ngkai ai au tai! E abuee te ran. I bwabetitoaki ibukiia tabeman aomata n te rinan.
Ngke I otirake, te tia mwakuri n te tembora e anganai te taara. I rautariiai n te ruu n onono ao I oneai nakon oneau n te Tabati. Ngke I otinako, te tia mwakuri n te tembora e kairai bwa N na kamatoaki ibukiia tabeman aomata.
Au tai n te tembora e bon rangi n onoti! I kukurei bwa I kona ni buokiia tabeman ni bwabetitoaki ao ni kamatoaki ibukiia. I aki kona n tataninga au tai ni manga oki ae waekoa.
Kamataata n te tamnei iroun Rachel Hoffman-Bayles