« Heheura’a tāmau, » Nō te pūai o te feiā ’āpī, Māti 2021, 16.
Parauhope’a
Heheura’a tāmau
E a’ora’a tei rave hia i te ’āmuira’a rahi nō ’Ēperēra 2020.
Fa’ahōho’ara’a na Ben Simonsen
’Ua fāri’i te peropheta Iosepha Semita i te heheura’a tāmau. E rave rahi heheura’a i fāri’ihia e te peropheta Iosepha tei fa’ahereherehia nō tātou i roto i te Parau Ha’api’ira’a ’e te mau Parau Fafau.
Ta’a ē noa atu ā i te reira, ’ua ha’amaita’ihia tātou nā roto i te heheura’a tāmau a te mau peropheta ora ’o tei « fa’atōro’ahia ’ei mau ti’a nō te Fatu, tei ha’amanahia nō te paraparau nōna ».1
’Ua matara te heheura’a nō te ta’ata iho ’e nō te mau ta’ata ato’a e ’imi ma te ha’eha’a i te arata’ira’a a te Fatu. E mea faufa’a roa te reira, e au mai te heheura’a a te peropheta.
Te tumu o te heheura’a o te ta’ata iho o te parau mau ïa tei fāri’ihia nō ’ō mai i te Vārua Maita’i. Te Vārua Maita’i e tino heheu ’e te fa’aitera’a pāpū nō te mau parau mau ato’a, nō ni’a iho ā rā i te Fa’aora. Mai te mea ē, ’aita te Vārua Maita’i ra, ’e’ita tātou e ’ite maita’i ē o Iesu te Mesia. Tōna ti’ara’a niu o te fa’a’itera’a ïa i te ’itera’a pāpū nō te Metua ’e nō te Tamāiti ’e tō rāua ti’ara’a ’e te hanahana.
Tē ha’apāpū nei au ia ’outou ē, e ti’a ia tātou tāta’itahi ’ia fāri’i i te arata’ira’a tei heheuhia ’a rave ai tātou ma te ha’eha’a i roto i te ’ō vine a te Fatu.
Tē tāparu nei au ma te ha’eha’a ē, e ’imi tātou tāta’itahi i te heheura’a tāmau nō te arata’i i tō tātou orara’a ’e ’ia pe’e i te Vārua ’a ha’amori ai tātou i te Atua te Metua ’e i tō tātou Fa’aora, ’o Iesu Mesia.