« ឥឡូវនេះព្រះគ្រីស្ទទ្រង់មានព្រះជន្មរស់ឡើងវិញហើយ » ដើម្បីកម្លាំងនៃយុវជន ខែ កញ្ញា ២០២៣ ។
មួយ បន្ទាត់ ម្តងៗ
ឥឡូវនេះព្រះគ្រីស្ទទ្រង់មានព្រះជន្មរស់ឡើងវិញហើយ
រៀនពីអ្វីដែលសាវក ប៉ុល បានបង្រៀនអំពីការមានព្រះជន្មរស់ឡើងវិញរបស់ព្រះយេស៊ូវគ្រីស្ទ ។
ព្រះគ្រីស្ទបានមានព្រះជន្មរស់ឡើងវិញហើយ ដោយ វីលសុន ជេ អ៊ុង
ឥឡូវនេះព្រះគ្រីស្ទទ្រង់មានព្រះជន្មរស់ឡើងវិញហើយ
ព្រះយេស៊ូវគ្រីស្ទបានសុគតនៅលើឈើឆ្កាង ត្រូវបានគេដាក់ក្នុងផ្នូរមួយ ហើយបានមានព្រះជន្មរស់ពីស្លាប់ឡើងវិញនៅថ្ងៃទីបី ។
ផលដំបូងពីពួកអ្នកដែលបានដេកលក់ទៅហើយ
ពាក្យក្រិកដែលបានប្រើនៅទីនេះសម្រាប់ពាក្យ ផលដំបូង មានន័យថាដំណាំដំបូងបំផុតប្រចាំឆ្នាំនេះ ។ វាគឺជាលើកដំបូងបង្អស់ដែលត្រូវបានប្រមូលផល—ជាលើកដំបូងនៃការប្រមូលផលដែលនឹងមកដល់នៅពេលក្រោយទៀត ។
ឃ្លា ពួកអ្នកដែលបានដេកលក់ទៅហើយ នោះមានន័យថា « ពួកអ្នកដែលបានស្លាប់ទៅហើយ » ។
ព្រះយេស៊ូវគ្រីស្ទ គឺជាមនុស្សដំបូងគេបង្អស់ដែលបានមានព្រះជន្មរស់ឡើងវិញ ហើយបន្ទាប់ពីការរស់ឡើងវិញរបស់ទ្រង់ នោះមនុស្សទាំងអស់នឹងបានរស់ឡើងវិញផងដែរ ។
សេចក្តីស្លាប់បានមកដោយសារមនុស្ស
ការណ៍នេះគឺនិយាយអំពីលោកអាដាម ។ ការធ្លាក់ចុះរបស់លោកមានន័យថា មនុស្សទាំងអស់ដែលនឹងមកនៅលើផែនដីនឹងត្រូវស្លាប់ ។ ( សូមមើល ម៉ូសេ ៤ ) ។
គ្រប់គ្នាក៏នឹងបានប្រោសឲ្យរស់ក្នុងព្រះគ្រីស្ទ
ដោយសារការរស់ឡើងវិញរបស់ព្រះយេស៊ូវគ្រីស្ទ នោះមនុស្សទាំងអស់នឹងបានរស់ឡើងវិញដែរ ។ នោះមានន័យថាមនុស្សគ្រប់រូបដែលធ្លាប់រស់នៅ ឬនឹងរស់នៅនឹងត្រូវបានរស់ឡើងវិញ ។ ព្រលឹងរបស់យើងនឹងផ្គុំគ្នាជាមួយនឹងរូបកាយរបស់យើងឡើងវិញ ហើយរូបកាយរបស់យើងនឹងមានភាពល្អឥតខ្ចោះ និងអមតៈ ។ ( សូមមើល អាលម៉ា ១១:៤៣–៤៥ ) ។