“Fakafehokotaki,” Ki Hono Fakamālohia ʻo e Toʻu Tupú, ʻEpeleli 2024.
Fakafehokotaki
Bengy R.
13, Polovitenisialesi, Tēki mo Kaikosa
Faitā ʻa Christina Smith
ʻOku ou nofo ʻi ha motu. ʻOku ou saiʻia ʻi he lahi ko ia ʻa e iká mo e keleʻá ʻi hení. ʻOku ou saiʻia ʻi he ʻalu ki he matātahí ʻi he ngaahi ʻaho ʻafú—ʻoku fakalata ia! ʻOku ou saiʻia ʻi he kai lahi ʻi heʻemau kātoanga fakapaku ika fakataʻú.
ʻOku ou lea faka-Pilitānia mo faka-Haiti Keleioli, pea ʻoku ou ako ʻa e lea faka-Falaniseé mo e faka-Sipeiní ʻi he akó. ʻOku ou saiʻia ʻi he vaʻingá, sio katuní, mo e kaukautahí.
ʻOku ou saiʻia ʻi hono vahevahe ʻo e ongoongoleleí ʻaki ʻeku kau fakataha mo e ongo faifekaú ʻi heʻena tā-lēsoní, ʻaʻahi ki he kāingalotu ʻo e Siasí mo ʻeku kau taki fakakoló, pea mo hono fakalotoʻi hoku ngaahi kaungāmeʻá ke nau omi ki he lotú. Naʻe ʻi ai haʻamau ʻaʻahi holo mo hoku tokouá mo e palesiteni fakakoló, pea naʻa mau fanongo ki ha kaikaila.
Naʻa mau lele ke sio ki he meʻa naʻe hokó pea naʻa mau ʻilo ai kuo pongia mo lavea ha foha-ʻi-he-fono ʻo ha kāingalotu. Naʻa mau tā ki he meʻalele ʻa e falemahakí, pea naʻe fai ʻe he palesiteni fakakoló ha tāpuaki lakanga fakataulaʻeiki kiate ia. Naʻe akoʻi au ʻe he meʻa ko iá, neongo ʻoku ʻikai ke tau ʻiloʻi maʻu pē ʻa e taimi ʻe hoko ai ʻa e ngaahi meʻa faingataʻá, ka te tau lava maʻu pē ʻo moʻui faivelenga.