Kikao cha Jumapili Asubuhi

Nia ya Mungu ni Kukuleta Nyumbani

Dondoo

Na Mzee Patrick Kearon

Wa Akidi ya Mitume Kumi na Wawili

Kila kitu kuhusu mpango wa Baba kwa ajili ya watoto Wake wapendwa kimesanifiwa ili kumleta kila mtu nyumbani. …

Je, hii inamaanisha kwamba kila kitu huendana na jinsi tunavyoishi maisha yetu? Hapana, si hivyo. … Kinachojitokeza kimsingi katika mafundisho Yake yote ya kuishi kwenye uwanda wa juu zaidi wa tabia ya maadili ni wito wa maendeleo binafsi, imani katika Kristo yenye kugeuza, kuwa badiliko kuu la moyo. …

Kama tunaamini nia ya mpango wa Baba wenye kuwafikia wote ni kutuokoa sisi, kutukomboa, kutupatia rehema, na kwa hiyo kutuletea sisi furaha, ni ipi nia ya Mwana na kupitia kwa nani mpango huu mkubwa unatimizwa? …

Mapenzi ya Yesu ndiyo mapenzi ya ukarimu ya Baba! Yeye anataka kufanya iwezekane kwa ajili ya kila mmoja wa watoto wa Baba kupokea lengo la mwisho la mpango—uzima wa milele pamoja Nao. Hakuna aliyezuiwa kutokana na uwezekano huu mtakatifu.

Mwokozi, Mchungaji Mwema, anaenda akiwatafuta kondoo wake waliopotea mpaka anawapate. …

Hapana, Yeye haweki vizuizi na vikwazo barabarani; Yeye huviondoa. Hakuachi wewe nje; Yeye anakukaribisha ndani. …

Hii ndiyo habari njema! Mimi nina shukrani isiyo na kifani kwa ajili ya kweli hizi rahisi. Usanifu wa Baba, mpango Wake, dhumuni Lake, nia Yake, matakwa Yake, na matumaini Yake yote ni kukuponya wewe, yote ni kukupa wewe amani, yote kukuleta wewe na wale unaowapenda nyumbani.

Mjue Mzee Patrick Kearon

Alizaliwa Julai 18, 1961 huko Carlisle, Cumberland, Uingereza.
Aliishi Uarabuni kwa miaka kadhaa pamoja na familia yake.
Alianza kuhudhuria shule ya bweni huko Uingereza alipokuwa na umri wa miaka 10. “Harry Potter hakika alikuwa na raha kwenye shule ya bweni ya kichawi kwa kulinganisha,” alisema juu ya shule ya bweni. “Haikuwa rahisi.” Lakini, kote Uarabuni na Uingereza, alisema, “Nilikutana na watu wengi tofauti” na “nilijifunza kupitia uzoefu kwamba tofauti nyingi ni nzuri, hata za kupeneza! Maisha yangu yametajirishwa kupita kipimo kutokana na mchangamano na watu wa tamaduni na imani tofauti katika sehemu nyingi za ulimwengu.”
Aling’atwa mguuni na nge alipokuwa na umri wa miaka saba alipokuwa kwenye kambi nje ya nyumbani.
Kama mtoto wa miaka tisa katika jangwa la Uarabuni, alifundishwa na baba yake jinsi ya kuendesha gari.
Alibatizwa kwenye Mkesha wa Krismasi mnamo 1987 katika umri wa miaka 26.
Alikutana na mkewe, Jennifer, wakati alipotembelea London katika kusoma nje ya nchi. Walifunga ndoa katika Hekalu la Oakland California mnamo Januari 1991.
Ana watoto wanne: Sean (aliyekufa akiwa mchanga), Elizabeth, Susannah, na Emma.
Alifanya kazi Uingereza, Saudi Arabia, na Marekani katika tasnia nyingi. Yeye na mkewe wakati mmoja waliendesha biashara zao za mawasiliano.
Alikubaliwa kama Kiongozi Mkuu Mwenye Mamlaka mnamo Aprili 3, 2010.
Aliitwa kwenye Akidi ya Mitume Kumi na Wawili mnamo Desemba 7, 2023. “Wito huu mtakatifu ni mkubwa sana na wa kunyenyekeza kwangu,” alisema. “Nitahitaji kuweka imani yangu yote kwa Mwokozi ninapotafuta kuwa kile anachohitaji mimi niwe na kushiriki ushahidi wangu wa upendo na nuru Yake. … Ninampenda. Nitajitahidi kumtumikia Yeye kwa uwezo wangu wote.”