Kikao cha Jumapili Asubuhi

Mzunguko Wenye Nguvu, Ulio Safi wa Mafundisho ya Kristo

Dondoo

Na Mzee Dale G. Renlund

Wa Akidi ya Mitume Kumi na Wawili

Kasi ya kiroho hujengwa “kwa maisha yote wakati tunaporudia rudia kukumbatia mafundisho ya Kristo.” Kfanya hivyo, Rais Russell M. Nelson alifundisha, kunazalisha “mzunguko wenye nguvu ulio safi” [Ushinde Ulimwengu na Upate Pumziko,” Liahona, Nov. 2022, 97]. Ndio, yaliyomo kwenye mafundisho ya Kristo—kama vile imani katika Bwana Yesu Kristo, toba, kuingia kwenye uhusiano wa kimaagano na Bwana kupitia ubatizo, kupokea kipawa cha Roho Mtakatifu na kuvumilia hadi mwisho—havikusudiwi kutoa uzoefu wa mara moja, kama matukio ya kuweka alama ya vema kwenye visanduku.

Imani yetu katika Yesu Kristo inahitaji kulishwa kila siku. Hulishwa wakati tunaposali kila siku, kusoma maandiko kila siku, kutafakari juu ya wema wa Mungu kila siku, kutubu kila siku na kufuata misukumo ya Roho Mtakatifu kila siku.

… Kasi pia hujengeka wakati tukijitahidi kutii sheria za Mungu na kutubu. …

Kipengele kinachofuata cha mafundisho ya Kristo ni ubatizo, ambao unajumuisha ubatizo kwa maji na, kupitia uthibitisho, ubatizo wa Roho Mtakatifu. Wakati ubatizo ni tukio moja, tunafanya upya kwa kurudia agano la ubatizo wakati tunapokula sakramenti.

Roho Mtakatifu anapotumia ushawishi mkubwa katika maisha yetu, hatua kwa hatua na mara kwa mara tunakuza tabia kama za Kristo. Ndipo tunafikia nguvu za mbingu zinazohitajika ili kuvumilia hadi mwisho. …

Ninawaalika kuyaishi mafundisho ya Kristo tena na tena na kuyatumia mara kwa mara kwa kukusudia na kuwasaidia wengine kwenye njia yao.