Kam convert ko Gospel Rok nge Fare Galasia Rok

Rok Elder Donald L. Hallstrom

Ko fare Presidency ko Medlip i Ragag

Fan fare Galasia e nge ayuweg dad ni ngad pired u fithik fare gospel

Guba’adag fare Gospel ku Yesus Kristus ngeFare Galasia ku Yesus Kristus ni Fan ko Gidii’en Got ko Tin Tomur e Ran. Boech ningyal’ gadad ra yog fagali thin gospel nge Galasia nib ta’abrogon, machane gathi ta’abrogon. Yow e arragon, ni, yow bay u ta’abang, ma yow ba tu’f ko gubin.

Fare gospel i’ir fare kanawo’ nib ma’ang’ang ku Got ni gadad gubin, e bitir Rok, ra gay rogon ni ngad athapeged gubin e tirok fare Chitamangiy (muguy ko D&C 84:38). Kanoeg e yafas nib manemus ma kan weliy ni’ir e bin thabi fel’ ko fapi taw’ath ku Got (muguy ko D&C 14:7). Thabi ga’fani yang ko biney e kanawo’ i’ir e yafas u fayleng, ngiyal’ ko ga’nag e mich (muguy ko Moroni 7:26), kalngaen’ (muguy ko Mosiah 3:12), ngad sobutaen’dad ngak Got (muguy ko Jacob 4:11).

Bachane Got e manang rogon e downgin ra togopluw ko biney e yafas, bay e “togopluw u gubin ba’nen” (2 Nephi 2:11), ma dabiyog ningad be’echnogdad e denen rodad, ya bat’uf e Tathapeg. Nap’an Elohim, fare Got ni Machalbog nge fare Chitamangiy ko ya’el rodad, weliy’ e kanawo’ Rok ko yafas ni dariy’ n’umngin nap’an, bay e bee’ u fithikdad ni ke yog ni nge pii’ ir (muguy ko Abraham 3:27)…Fithingan e Jehovah. I’ir e bin somm’mon e Bitir nib ya’el ku fare Chitamangiy nge mang facha’ ni M’agirag ni Fak u downgin.

Gargeleg ku Chitamangiy nu Tharimiy, ko ya’el rok nge dowef rok, bay gubin e gelngin ni nge gelnog fare fayleng. Gargeleg ku Chitangin u fayleng, ira thamiy e amith nge gafgow ko yafas u fayleng. Fare Jehovah nib ga’ fel’ngin kan tunguy nge pii’ fithingan i Yesus nge reb e fithingan ni Kristus, ba yip fan e Messiah fa En Gapgepeg. Bin thabi’ fel e muruwel rok i’ir e Bayul, nap’an Yesus fare Kristus ke yaen u tangin gubin n’en (muguy ko D&C 88:6), ni ke bing wo’en Ngak ni nge pii’ e bayul ni fan ngodad.

Yesus Kristus e ke yarmiy fare Galasia nap’an e muruwel Rok u fayleng, “kan ubungmed nga daken fare def nike toy e pi apostel nge pi profet” (Efesus 2:20). U tiney erran e dispensation ni kan fe’leg ko pi ningyal’”( muguy ko D&C 128:18), fare Somoel ke sulweg e tin ni bay u fayleng u kakrom me yog nira yarmiy e Galasia rok ufithikraed (muguy ko D&C 31:7). Yesus Kristus ke nge irba suwey ko Galasia Rok. Ke fek lun nga dakaen e fayleng ko reb e profet, tathogthog, nge tayi’iy ni bay e gelngin e apostal roraed.

Aray e Galasia nib ma’ang’ang. E rogon, bugwaen, nge tin nib fel’ riy’ nibe pinning e liyoer ko gubin gidii’ nira gay e nang fan riy’. Bay bo’or e program ko fare Galasia nifan ngak gubin e bitir, gidii’ ni felal’ yangren, mo’on, nge pinn. Bay bo’or e naun nifan e mo’ulung nib fel nib mus ni yaen nga daken e 18,000. Bo’or e temple nib ma’ang’ang, chiney ba 136, nib ulangob e fayleng, ma bay 30 ni yibe toey e chiney fa kan yarimiy ngan fa’leg. Bay ba ulungi tamachib nib ma yean nga daken e 56,000, ni bay gidii’ nib fel’ yangren nge galabthir, ma yaed be pigpig ulane 150 e nam. Ma muruwel ko ayuweg e gidii’ i’ir e ma’ang’ang ko egol nge fel’ laniyaen’ ko gubin e chongin rodad. Nap’an bay yib e magothgoth fa gidii’ e ba gafgow, ma Galasia rodad ra ayuweg. Ma welfare system rodad e ba ayuweg e chonging rodad nge fil e self-reliance ko rogon kemus ulane galasia rodad. Ulane Galasia ney bay e tapowiy’ nge e ulungi Saints nra ayuweg u reb e rogon nib ma’ang’ang. Dariy’ reb e Galasia ni woed e biney ulane fayleng.

Nap’an nni gargaleg, kug paered e tabinaw rog ulane na’un u binaw ko reb meetinghouse nib fel’ ko fare galasia, fare Honolulu Tabernacle. Chineye gube yog e sirow ngak fapi fagar rog ulane Presiding Bishopric, ni kar be’echnog e na’un ko fare Galasia, machane nap’an kug pagael kug waen ngalan e yoror mug waen nga gubin yang riy’, ko toarngin e reflecting pool-ni kan sug ko rran nga tolang nge ulangin e steeple. Kug waen u gakiy (woed-Tarzan) ko fare pa’anging e gakiy urom.

Ma Galasia ke ba ga’fan ngomad. Kug uned nga bo’or e mo’olung, nib bo’or ko daba’. Kug uned ko Primary nap’an e misiw’ ko Thursday. Mu’lung ko Relief Society nap’an e Tuesday ko kakadabul. Mutual ni fan e gidii’ ni falal yangren nap’an e Wednesday ko nep. Nap’an e Sunday mo’on nge pagal ra yaen nga mo’olung ko priesthood ko kakadabul. Misiw’ ni bay e Sunday School. Nap’an thig e yal’ kug suloed ko sacrament meeting. Nap’an e wub nge waen nge mo’olung, ke fek bo’or e time ko muruwel ko Galasia gubin e Sunday nge reb erran ko week.

Guba’adag fare Galasia, machane nap’an gag e pagal, ko sommo’on e yay, kug thamiy ni bay reb e n’en riy’. Nap’an ba lal e duw rog, kan pinning e conference nib ga’ ulane tabernacle. Kug waen u but ko tafen e na’un rodad nga meetinghouse nib fel’ mug pired nga chiya’ ulane bin ragag e row ulane chapel. Ke suwey nge non ko re mo’olung nem i David O, Mckay, e President ko fare Galasia. Dabiyog ningu pug erran e tin ne ke yog, machane gu pug erran mang kug gu’ nge tin ni kug thamiy. President Mckay e ke chuw ko mad nib fel’ usun ni ra’en e cream, nge fi’leg e pi en loeligen woed e pilune. Ka yalen ko binaw, ere ke chuw ko nuwnuw. Nap’an ke non, kug thamiy e tham tham nib gel ma fanag. Reb erran kug nang fan i thamiy rog i’ir e ayuw ko fare Kan Ni Thothup. Kug yin’ed e tang ko tomur.

Mini’ e bee’ ko ba’roek Somoel? Mini’?

Chiney e ningyal’ ngam dag.

Kug fithed ni dani rus riy’

Mini’ e bee’ ko ba’roek Somoel? Mini’?

(“Who’s on the Lord’s Side?” Hymns, no. 260)

Kar yin’ed la’agruw e biyu’ e gidii’ fapi thin nem machane kug lemnog i’ir e duwer nikan fith ngog, guba’adag ningu sak’iy ngog, “Gag!”

Boech e gidii’ ba lemnog e activity ulane Galasia i’ir e bin thabi ga’fan e pulwaen’. Ba arame riya’. Rayog ni ngam active ulane Galasia machane less-active ko fare gospel. Guba weliy’: activity ulangin fare Galasia i’ir thabi fel’ puluwaen; machane, dani gaman. Activity ulangin fare Galasia i’ir e pow nga fayleng ko athap kuo ya’el rodad. Fa’anra ngad uned ko fapi mo’olung rodad, fek nge rin’ e muruwel ko Galasia, pigpig ngak bee’, ra guy e gidii’.

Machane, tirok fare gospel e dani guy nge momaw ni ngam fanayed, machane ke ga’fan ni manemus riy’. Sasun, uw fini ga’ e mich rodad? Uw rogon e kal’ngaen’ dad? Uw fini ga’fan e gam’ing u yafas rodad? Uw fini ngad puluwnoged ngak e mich micheg rodad? E duwar nib yip ni, mang ngad rin’ed nap’an de guy bee’?

Gube yog bayay: gadad e ba t’uf fare gospel nge fare Galasia. Riyul’, e fan ko fare Galasia nira ayuwegdad ningad pired ko fare gospel. Gadadma lemnog, Urogon bee’ ra active ulane Galasia nap’an ke bitir machane gathi tomur nike ilal? Urrogon e bee’ ni ke ilal nima un nge ayuweg ra ta’leg e wub? Urogon bee’ ni ke pinning e mul’uwaen’ ko tapowiy’ ko fare galasia fa reb e chongin ra ta’leg ni nge un ko fare Galasia? Sana fan dar michaen’ nib polo’ ngak fare gospel—e tin ko manemus.

Gube pii’ delip e rogon nib ga’fan ngad feked e gospel nira mang e dayif rodad:

1. Gelnog e lowaen’ marunga’gen Got. Nib t’uf ni ngan nangfan nge t’ufeg ngak bogi chongin ko Got. Tiyaen’num ngam meybil ngak en Chitamangiy, udakaen fithingan e en Fak, ngam piriyeg e lowaen’ ko fare Kan ni Thothup. In e meybil nib mu’un ni ngam fil mag lemnag nib sobutaen’, athamgil ngam toey e mich ni dabi mithmith rok Yesus Kristus. “Ya bu’uw rogon me nang bee’ nib mo’on fare masta … ma bee’ ni denang, ma kub palog ko pi tafnaey nge pi lem u gum’ircha’en?” (Mosiah 5:13).

2. Puluw ko fapi gam’ning nge mich micheg. Fa’anra bay reb e gam’ning nib t’uf ni daworiy rin’ ko yafas rom, ram taermedliy nib fel’ ni ngam athapeg. Me yog ni ngad yarmiyed laniyaen’dad ningad pired madfolgad ngak fapi michmicheg rodad, ngongoliy fare towa’ath ni sacarament gubin e week. Bo’or e gidii’ ufithikdad nibe’echnogdad udakaen e gelngin ko be’ech riy’ bachan gidad be lioyer ngak nap’an fare gam’ning nib tothup nem.

3. Un nga ta’abang fare gospel nge fare Galasia. Napan ni gadad ra pluw ko fare Gospel, fare Galasia e ragel gathi waer e taw’ath ko yafas rodad. Nap’an ngad dared nga gubin e mu’ulung ni ngad taer’medliygad ko gay e lowaen’ udakaen e mafil nge mich (Muguy ko D&C 88:118), fare Kan ni Thothup ra mang e sensey rodad. Fa’anra dared ko fafal, ra mulwaen’dad. President Spencer W. Kimball ke fith, “Mang gara rin’ napan ngam man nga mo’olung u nap’an e sacrament nib chachalban? Fulweg rok: Dagunang. Dawrug un nga reb” (ke yog i Gene R. Cook, ulane Gerry Avant, “Learning Gospel Is Lifetime Pursuit,” Church News, Mar. 24, 1990, 10).

Ulane pi yafos roadad ngad adaged e tin ni ke buch u tomuren en Somoel ni ke yaen nga gidii’ ku fare Be’ech e Nam nge sunmiy e galasia Rok. Ulane chep e ba ga’ar: “Me yibi buch ni aray rogon ni u ranoed [bay yib fan gubin gachalpen Rok] u fithik’ gubin fapi gidii’ ku Nephi, mar machib niged fare gospel rok’ Kristus ngak’ gubin e gidii’ u dakean fare nam; me michaen’raed ngak’ fare Somoel, mar manged gidii’en fare galasia rok’ Kristus, ere aray rogon nni tawa’ath nag e gidii’ ko binem e mfen” (3 Nephi 28:23).

En Somoel ba’adag gubin e chongin ko Galasia Rok ni ngar michaen’raed nib polo’. Aray rogon nib fel’ ko ayweg e ya’el nge faflaen’ ko manemus. U daken fithingan ni Yesus Kristus, amen.