Pi Burey ni ngam Farteg

Rok President Henry B. Eyring

Bin Somm’on e Counselor u lane Bin Somm’on e Presidency

Fa’anra bay e mich rodaed nga Yesus Kristus, ma tin tha’abi momaw’ nib mu’un e tin ni tha’abi moem u lane yafas e rayog ni ba tawa’ath.

Kug rung’ag President Spencer W. Kimball u lane mo’olung ko conference ni fith Got ni ra pii’ e burey ni nge farteg. Ke ga’ar: “Bay e murwel nib momaw’ nga m’on rodaed, ma pi wo’ e ran aw ngay. Gube pining e binem e muruwel ma gu ba’adag ni ngga’ar ngak Somoel u fithik e sobutaen, ‘Pii’ e biney e burey ngog,’ mpi’ e tiney e murwel nib momaw’ ngog.” ¹

Gum’racha’eg e ba adag, ni kug nang, rogon i gumanang, boech e pi murwel nib momaw’ nge togopluw nike mu’ i buch rok. Ku thamiy ni gu ba adag ni ngug boed ir, e tapigpig nib madangdang ku Got. Ere reb e nep ni gu meybil ni fan e sikeng ni nge mangil nag e athamgil rog. Ku gumang nib fal’ rogon. Balayal’ mug ragbug nga but u senggil rog u fithik e mich ni chuchgur ni nge suguy gumircha’eg.

Lan ta’areb fa l’agruw me buch e meybil rog. Bin tha’abi momaw’ e sikeng u lane yafas rog e ke gin’ nigeg ma ke sobutan’ nigeg. Ke pi’ ngog l’agruw e lesson ngog. Somm’on, ke yib e pow ngog ni ke fulweg Got e meybil rog u fithik e mich. Machane bin l’agruw, mug tabab nag ba lesson ni kugbe fil e bin daba’ney e rran e ngug fil mornga’agen ko mongfan ni kug thamiy e gapas e ra nep nem ni tawa’ath nib falel’ e ra yib ko tin momaw’ ban’en ni ra fulweg gubin ban’en.

Fare sikeng nike aw ngog nike n’uw napan e boed nike achig ko n’en nike buch kafram—ngog nge e picha’an nib t’uf ngog. Oren i gimed e be yaen u fithik e m’ar, mental, nge sikeng nib kirbaen ni rayog ni nge n’angginem ngam tolul ni boed reb e tapigpig rok Got nib ul’yul’ ni gumanang nib mangil rogon. Nurse rok e rung’ag lungun ni non u dakean e bet rok u fithik e amith. “Napan ni guma gay rogon u lane yafas rog ni ngug mangil, ma mongfan ni nike buch e biney rog?”

Gamanang rogon nike fulweg Somoel e binem e duwer ngak Joseph Smith u lane kalbus:

Yoeg Somoel ngak JosephSmith ni fa’anra nin’ nga lane loew, fa nga lan pa’ e gidii’ nib ta li’ e gidii’ ngem’, ma fare rogon ni nge yim’ e ra yaen u dakean; fa’anra noen’ nga maday nib to’aer, ma gubin e pin’en ni ran puthuy nga ta’abang ni nge yan ngalang; nge gubin ban’en, fa’anra maab langan e infiyarno iyib ngak, ma ra nang ni gubin e pin’ey e ra pi’ ngak gubin ban’en ni nge nang, ma fan ngak.

Ke yoeg Somoel ni ke yib e en Fak e Gidii’ ngoraed, ba gel Joseph ngak?

Ke yoeg Somoel ni nge athamgil fare kanawo’, ma fare priesthood e ra paer rok; ya mithil riy e kan mudugliy, dabiyog ni ngar tha’abeth. I go’ yimanang mornga’agen Joseph, ma urngin e duw e dabin tha’eg nib boch’uw; dabi ruw ko n’en ni rayog ni nge rrin’ e gidii’, ya Got e bay rok nib manemus (muguy ko D&C 122:7–9). ²

Boed ni dariy reb e fulweg ko fare duwer ko mongfan ni ma yib e sikeng nge mang e ngad rrin’ed ko fapi thin ni Ke yog Somoel, ni ke yaen ufithik gubin e magawon ni fan ngodad nib alamrin e magawon riy ni dabyog ni ngad tafney niged.

Tafineyem ko pi thin Rok napan ni fil ngodad ni thingar di, u fithik e mich, ni ngan kalngan’uy:

Fare Tathapeg e ke yoeg ngodaed ni ngad kalngan’ gaed richey ma Ir e ra madil nogdad ko thin u l’ugun nge udakaen e damomuw Rok nga puwaen’ Rok, ma magawon rodaed e ra alamrin—uw fini gafgow ni dan nanged, uw fini gel ni dan nanged, uw fini tomal ningad puged ni dan nanged.

Fare Tathapeg e ke yoeg ni ke gafgow u fithik e pin’ey ni fan ko gubin e gidii’ ya ngeyog ni dabir gafgow gaed fa’anra yaed ra kalngan’.

Fare Tathapeg e ke yoeg ni fa’anra dabi kalngan’e gidii’ ngari gafgow gaed ni boed Ir.

N’en nike gafgow riy e ke n’anggin, mus ngak Got, cha’an tha’abi’ gel, ni dada’ ni bachane amith, ni maap rach’en u gubin yang, me gafgow e e ya’el rok nge dowef rok. Fare amith e rib alamrin ni fith fa’anra rayog ni ninge chuw riy;

Machane, Ke pi’ e rir ngak e Chitamangiy. Me feek me mu’ nag e ta’armedliy Rok ni fan ngodaed (muguy ko D&C 19:15–19).³

Gur nge gaag e bay e mich rodaed ni kanawo’ ni ngan sak’iy u fithik nge gubin e pi sikeng e ngan mich u wun’uy ni bay e “falay ku Gilead” ⁴nge en Somoel ni ke ga’ar, “Dabgu … pagem.” ⁵Binem e e n’en nike fil President Thomas S. Monson ngodad ni nge ayuweg dad nge picha’an ni gadad be ayuweg napan nibe yaen u fithik e pi sikeng nib momaw’. ⁶

Machane President Monson e kiki fil ngodad nib fal’ rogon e dayif ko mich u nib ryul’ ma t’uf e ningyal’ ningan toey. Rayog ni kam guy e n’en nib tu’uf, woed kug guy, ni fan e ra dayif nem, rogon gag, u to’ban e bet rok bee’ niban ni nge milan’ ni dabki athamgil nge mada’ ko tomur. Fa’anra dabki toey e dayif ko mich ulane e gum’racha’dad, fare gelngiy ni ngan athamgil ko tomur dabiyog.

Fag e daba’ e ngug weliy mornga’agen e n’en ni gu manang ko rogon ni rayog ni ngad toyed e ra def nem nib gel. Nggu rrin’ u fithik e sobutan’ ni l’agruw fan. Somm’on, n’en ni ra goeg e rayog ni ra kireb ko tafney rok e picha’an nibe magawon u fithik e tin momaw’ ban’en ma rayog ni ngar thamiyed ni boed ni def roraed e ke aw nga but. Ma bin l’agruw, e gumanang ni pi pi skieng ni rib momaw’ e bay nga m’on rog um’on ko tomuren e yafas. Machane, n’en ni nggog ngom e daworug piryeg e riyul’ riy’ ko yafas rog u fithik e athamgil nge mada’ ko tomur.

Nap’an falal’ yangreg kug muruwel ko e mo’on nima toey dayif ko na’un nib be’ech. Nap’an e gawal ko summer marib gel re muruwel nem ningu fel’eg e butbut ko e mold ningu upnguy e cement riy’ ni fan e dayif. Dariy’e masin. Kug usenog e shovel nge pick. Marib gel e muruwel ko tinem erran ningu toey e dayif ni dabi kireb ko nuw nap’an.

Irba t’uf e gumaen’nug. Tomuren kug upnguy e cement kug soen ninge gel’nog. Gadadba’adag ningu muruwel bayay, ma ka gadad be soen nike nuw nap’an tomuren kug upnguygaed ko fare dayif ou’mon kug fek e lud ko yil form riy’.

Nge reb e muruwel nib ga’ usun ko gag e bee’ ni ke fini tabab ningu tatoey ni e rogon nra tay e yangi wasey ulane fare form ninge pii gelngin ngak fare dayif.

U ta’abrogon, nra fi’leg e butbut ko e dayif ko mich ninge miyuluy ko e yoko’ thingari buch u gubin e yafas. E likngin e dayif ko mich i’ir e personal integrity.

E mel’eg ko tin nib mat’aw nap’an e wo’en bay yib ngodad bay yaeni fel’eg e butbut miyulyul utangin e mich rodad. Rayog ninge tab’ab nap’an kug tir gaed bachan gubin e ya’el kan gargelen ko taw’ath ni dariy puluwaen’ riy’ ku fare Ya’el rok Kristus. Ko re Ya’el nem rayog ningad nanged nap’an kad ngongoliyed e mat’aw u poewchen Got nge nap’an kad ngonoliyed e kireb u Poewchen.

Fapi me’leg nem, yo’or i biyu’ boech erran, ma fe’leg e butbut nib miyulyul nra toey na’un ko mich ngadakaen. Fare frame nib wasey nira upnguy ulongaob e tin ku mich rodad i’ir e gospel ku Yesus Kristus, ko gubin e m’ag, gam’ning nge likngin riy’.

Reb ko fapi kiy ko fare mich nib athamgil nge mada’ ko tomur e nge pufthin nib man gil rogon ni nge pil’al me yol’uw. Arame fan danug minaen’ ni ngug meybil u yafas rog ko e reb e burey nib tolan ningu garar nge reb e sikeng nib mom.

Binem ko ilal dani yib udakaen e time, machane be t’uf e time. Mang ga’ yangren dani rin’. I’ir e pigpig ngak Got nge reb e gidii’ ko polo’ e gum’racha’em nge ya’el rom nra thilyeg e m’ag ko tin nib riyul’ nga gelngin e ya’el ni darma waer.

Chiney, guba’adag ningu gay fel’ laniyaen’ ngak e gidii’ ufithik e magawonnib mom, i yaedba thamiy e mich roraed ba waer ufithik e magawon. Magawon ra mang rogon ningam mang gel meyob e mich nib gel. Moroni, fare tir ku Mormon ulane fare Bayor ku Mormon, ke yog ngodad urogon re taw’ath nem ra yibi buch. Ke fil e tin riyul’ nib falel’ nge mom ni ngam ngonoliy ko mich woed e yangi gak’iy Got ra puf nag:

“Ere chiney, e gag, Moroni, e nggu weliy boech ban’en ni mornga’agen e pinn’ey; bay gudag ko fayleng ni mich e bogi ban’en ni yibe athapeg ma danur guy; ere, dabi yo’or lungmed ni bachan e damur guyed, ya dabi yib e mich riy ngomed nge yaeni mada’ nga tomuren ni kan sikeng nag e mich romed.

“Ya dakean e mich e m’ug Kristus riy ngak’ e pi chitamangdaed, u tomuren ni ke fos ko yam’; ma de m’ug ngoraed nge yaeni mada’ nga tomuren ni ke michaen’ raed ngak’; ere, dabisiy ni boech e gidii’ e bay e mich roraed ngak’, ya de m’ug ko fayleng.

“Machane bachan e mich ko gidii’ me m’ug ko fayleng, me ta’fan fithingan e en Chitamangiy, me fal’eg rogon wo’en ngak’ e gidii’ ni ngar manged boech e pi tafek tawa’ath nu tharmiy, ni gomanga yog ni ngar athapeged e pin’en ni dawor ruguyed.

“Ere, gimed e kurayog ni nge yog ni mu athap gaed, magmed mang tafek tawa’ath nu tharmiy, ni kemus ni fa’anra bay e mich romed.”⁷

Binem yangi mich thabi ga’ puluwaen’ ningam matangiy mag ngongoloiy u gubin e rayog rom i’ir e mich ulane en Somoel i Yesus Kristus. Moroni ni ke fil e gelngin ku mich aray rogon: “Ma dariy bingyal’ ni ke gagyeg nag e gidii’ e ma’ang’ang nge mada’ nga tomuren ni ke yog e mich ngoraed; ere somm’on e nge michaen’raed ngak’ facha’ ni Fak Got.”⁸

Kug mada’nog e pinn ni ke athapeg e ma’ang’ang ko gelngin ni nge athamgil nib gel ufithik bo’or e gafgow ni bay rogon ni nge sul bukun yay u dakean e thin ni “Gumanang ni ba fas e Tathapeg rog.” ⁹Re mich nem nge fapi thin nem ko m’ag ba yu’yu’ ufithik e lem ko fapi duw nap’an keb tir.

Kug gin’aen’nug nap’an kug fil reb e pinn ni ke n’ag fan e bee’ ni ke gafgownog ngak ko nump’ngin e nap’an. Kug gin’aen’nug mug fith mang fan ke me’leg ni nga pii n’ag fan tomuren bo’or e duw ko fekthin.

Ke sulweg u chigchig laman, “I’ir e bin thabi mom’ e n’en kug rin’ u yafas rog, machane gumang thingari rin’. Ere kug rin’.” E michaen’ ngak en Somoel ra n’agfan ngak fa’anra irra n’agfan reb gidii’ ke taermedliy ninge thamiy e gapas me athap nap’an ke pii’ oewchen nga yam’ boechi pul tomuren ni ke n’agfan e tin kireb rok.

Ke fith ngog, “Nap’an gu taw arame, urogon u tharimiy?”

Mug fulweg, “Gumanang ko e tin ni kug guy ko rayog rom ngongolem e mich mag n’ag fan ra yog e sulweg nga tabinaew nib felel’ ni fanam.”

Bay reb e thin nira gay fel’ laniyaen’ ko e gidii’ ba lem nag fa’anra e mich roraed u Yesus Kristus ke fel’ nira thapraed mar athamgilgaed mada’ ko tomur. Kan taw’athnigeg i gumanang reb e gidii’ ufithikmed ba motoyil chiney nap’an ke falel’ yangrenmed, gel bugwaen’med, nge bay yo’or e taw’ath ke ga’ ko e gidii’ u to’obem. U gumiracha’em kam pir’yeg bo’or e rogon ningam ayuweg ngam golnog ko e gidii’ kam pagtalin fa ufuf ngak ko e girom u yafas.

Nap’an e magawon e ke yib, e mich ningam athamgil ra yib ngom, kan toey i gamanang chiney machane sna damnang ko re time nem kam rin’ udakaen e ngongol ko e t’ufeg nib machalboeg ku Kristus, pigpig nge n’agfan woed en Tathapeg ra rin’. Kam toey e dayif ko mich ko t’ufeg woed en Tathapeg ke t’ufeg ngak reb mag pigpig ni fan Rok. E michaen’ Ngak ke yaeni gay e ngongol ko t’ufeg nira pii’ athep ngom.

Darma sasagal’ ningam gel nag e dayif ko mich. Bay e time. U mich u en Tathapeg, ram kalngaen’num mag wenig ko n’agfan. Bay reb ningam pii’ n’agfan ngak. Bay reb ningam mog e magaer ngak. Bay reb ningam pigpig ngak. Ram rin’ u gin ni gabay riy’ nge urrogon gab thamiy i yigo’ gur.

Dabiyog ninggu micheg nra ta’leg e magawon rom ulane biney yafas. Dabiyog ningu micheg ngom dani yaen nga nuw nap’an e magawonrom. Likngin e magawon ul ane yafas ney ni yaedma sasagal’nog e clock mada’ ko ta’leg.

Bay e fan ko pin’nem. Fan ni gamang e dani fi’leg fel laniyaen’num, machane rayog ninge pii’ gumaen’num. Tinem e fan nem bay yib ko ta’areb e riyul’: udakaen e t’ufeg rorow ngom, Chitamandad nu Tharimiy nge en Somoel ba’adag ni ngam taermedliy ni ngam paer Rorow mag paer ulane tabinaw ko manemus. Kemus e gidii’ nra be’ech udakaen e Bayul ku Yesus Kristus ranoed aram.

Chitanag ke cham ko malad u downgin ko ragag e duw. Falay nge surgery nge dabiyog ninge pug ko bet rog, tinem ko pi sikeng rok.

Gube pug erran e chitamag ke yog nap’an ke thoy e bin tomur e fan ko nina’, “Boechi bulyol e ke yaen nga tabinaw ni nge tofan.”

Reb e tanon nap’an e magawon rok i’ir e walagen e figirngin nge fagar President Spencer W. Kimball. Ko fel’ thin ni ke yog, gube pug erran reb n’en woed: “Boech e gidii’ u fithikmed ba lemnog ni ke gafgow Mildred ko nuw’ nap’an bachan e n’en ni ke rin’ nib kireb ko magawon.” Me ga’ar, “Dangay, bachan ni Got e ba’adag ninge bachagnog boech.” Gube pugerran ni kug lemnag “Fa’anra e pinn nib fel’ woed ir ba t’uf bachagnog, mang bay yib ngog.”

Fa’anra michaen’dad ngak Yesus Kristus, fapi rran nib mom nge mom’aw ku yafas ra mang e taw’ath. U gubin e rogon, rayog ningad me’leged e mat’aw nge gagyeg ku e Ya’el. Bay fare Gospel ku Yesus Kristus rodad ninge fi’legdad ma powiy’nagdad ko yafas fa’anra ngad me’leged. Nge bay e profet nima dag ngodad e tafen rodad ulane fare kanawo’ ko yafas nib manemus ni rayog ni ngad paered ko athap nin machalboeg nge e thamiy ko gapas. Dabi t’uf ningad thamiyed ni kad malog gaed fa dani t’uf unlane e muruwel ku Somoel, bachane dani riyul’. Rayog ningad thamiyed e t’ufeg ku Got. Tathapeg e ke micheg ni bay a angel ko gilal’ nge mat’aw rodad ni chibiydad nga lang.¹⁰ Nge gubin ngiyal’ ma darma thilyeg e thin Rok.

Gube micheg nag ni Got e Chitamangiy e ba fas ma Faak nib Tu’uf Rok ni Tabiyul rodad. Fare Kan ni Thothup ke pii’ m’ag ko tin nib riyul’ ko re conference ney nge pii’ biyay napan ni gara pir’eg motoyil mag bi’eg fapi milwol ko e tapigpig rok Somoel ara’. President Thomas S. Monson i’ir profet ku en Somoel ni fan e fayleng. En Somoel ba matangiyem. Got en Chitamangiy e ba fas. Fak nib T’uf Rok, i Yesus Kristus, i’ir e Tathapeg rodad. Darma waer e t’ufeg rok. Gube pii’ e m’ag u dakean e fithingan ni Yesus Kristus, amen.