“Biney E Muruwel nge Gel’ngig Rog”

Rok Elder M. Russell Ballard

Ko Fare Ulung Ragag nge La’agruwi Apostle

Got ni ke pii’ e gelngin Rok ngak e gidii’ nira thapeg mar liyoergaed e priesthood Rok, nira yaen nga fapi taw’ath ni kan micheg ko e yafas dariy’ tungun nge e yafas nib manemus.

President Packer, gamaedba athapeg fare bin 98 yang ko fare poem nib fel’ nem. I’ir e fanow nib fel’ ni ke pii’ ngodaed.

Fa l’agruw e wiik ka fram, u neap, nib lumor nge ulom, ppin rog, Barbara, nge gag kug sap’ew e nga lane lang. Ba’ million pi t’uf marib gel e magal ma fel’ ya’an. Kug bing fare Pearl of Great Price nge bi’eg bayay ufithik e ma’ang’ang fapi thin rok Somoel Got nga Moses. ni Ke sunmiy urungin e pi feyleng ni dabiyog ni ngam tha’ ni ma Ke sunmiy fan Rok; nge udakaen e Fak,, ma facha’ ni Ma’agirag Rok’, ni Ke sunmiyread. (Moses 1:33)

U tiney e rran rodad fare Hubble deep-space telescopema gelnog tin ga’fan ni ke guy Moses. Pi scientist ku Hubble ke yog, fare Milky Way galaxy, ba gin ko e feylang nge yal rodad yow ba rib achigchig e yang riy’, yad ba lem nag i’ir kemu ta’areb ufithik 200 billion galaxies boed rogon ni’ir. Rib mo’om ni nggu nang fan, dabiyogningu lemnag, sunmiy rok Got ir rib ga’ nge dariy tungun.

Pi walagegppin pou’mon nge ppin, fare gelingin ku Priesthood ke sunmiy tharimy nge feyleng. Gamaed e tin nug mang e chon e Galasia ma nang ginn’en ni gelingin ko Priesthood i’ir Got ni Gubin Rayog Rok nge Fak, Yesus Kristus. Gathi yigo’ e gelingin ko priesthood ke sunmiy e tharimy nge fayleng, machane i’ir e gelingin Somoel ke ngongoliy nap’an e machib ko fayleng ninge rin’ e ma’ang’ang, yibily nge golnag gidii ka maer, ke faseged e yam’, nge, bachaen ir Fak ni Ma’agiran Rok’, ke athamgil uringin e amith nib almarin ko Gethsemane nge Calvary—ere ni ke mugu’ul e motochiyel ko justice nge murunguy nge ke pii’ e Bayul ni dariy n’umngin i nap’an nge gelnag i yam’ udakean e Faskoyam’.

Fapi key ku mata’woniy priesthood ney ni Ke pii’ ngak Peter, James, nge John nge reb e pi Apostle Rok ni ngar yibliynoged reb e gidii’ nge m’ag u tharmiy n’en kar m’ag u fayleng.

Fare gelingin ko priesthood maki thothup ni rib ga’ fan e tawa’ath rok Got. Bay thil ko mat’awon ko priesthood, aram e mat’awon rayog ni nge muruwel u fithingan Got. Mat’awon ney fa ordination ngan thapeg i yib udakaen e tay pa’ay nga dakean loelugey. Fare gelingin ko priesthood ra yib kemus napan e bee’ nib mat’aw ra muruwel u rogon laniyaen’ Got. Boed President Spencer W. Kimball ke yog, “Fare Somoel ke pii’ ngodad, i gadad pi’in ma kol fare priesthood, boech e mat’awon rok, machane rayog ni ngad ngongoliyed e fapi gelingin ko tharmiy tomuren e mat’aw rodad.” (“Boys Need Heroes Close By,” Ensign, May 1976, 45).

Nap’an fapi rran ni rib fel’ngin ko e Fulweg nge sunmiy bayay ni fan e Galasia Rok Yesus Kristus u feylang daba’, John fare Tawfe; Peter, James, nge John; Moses, Elias; nge Elijah kar sulgad nga feylang mar fulweged udakaen fare Profet Joseph Smith urngin e pi key nge mat’awon ko priesthood ni fan e muruwel rok Got u lan e tin tomur e rran.

Udakean e pi key ney, mat’awon ney, nge gelingin ney ni ke yarmiy e Galasia rok Yesus Kristus daba’, ni bay Kristus u somm’on nima powi’iy e profet Rok niba fas, Thomas S. Monson, ma ayuweged fapi Apostle ni ke mel’eg nge yibliynog.

U kanawo’en nib ga’ ko Chitamangmad nu Tharmiy ma pii’ e pou’mon e gelingin ko priesthood, fapi pou’mon rayog ni ngar murwel ko priesthood, machane pi’in dar manged e priesthood. Bay e thil ko murwel ko pou’mon nge ppin machane yow be ga’fan. Bppin dabiyog ni nge deian fa’anra dariy e pou’mon, ere e pou’mon dabiyog ni nge gagyeg nag mat’awon ulanginn e tabinaew fa’anra dariy e ppin. U reb e thin, fil nib manimus, ba t’uf ni ngad ngolngoliyed uta’abang fare gelingin ko diean nge priesthood u fithik e figirngin nge le’engin. Ko figirngin nge le’engin, pou’mon nge ppin ma gayed e rayog rorad ni ngar fol e Chitamangdad nu Tharmiy. Fapi likngin e Gidii’en Kristus ko t’ufeg, sobutaen’, nge gumaen’ i yaed lulukngun e puluw roraed nap’an yaedra gayed fapi taw’ath ko priesthood ulane yafas roraed ma tabinaew roraed.

Rib ga’fan ni ngad nanged e Chitamangdad nu Tharimy ke fal’eg e rogon uringin e bitir ni pou’mon Rok nge ppin Rok rayog ni ngar thapeged e taw’ath ngan gay gelnag udakaen e gelingin ko priesthood. Kenginn e kanawo’en Got ni fan e bitir Rok nib ya’el u thin ni Ke yoeg: e e muruwel nge fel’ngin nima yog e yafas nib manechubog nge dowef ni dab ki yim’ ko pou’mon (Moses 1:39).

Ulan e thogthog ke pii’ ngak fare Profet Joseph Smith ni fan section 81 ko fare Doctrine nge Covenants, ba weliy Somoel ngad ngongoliyed e gelingen ko priesthood ni fan ayuweg gidii’ ba mo’owaer, pug paa’ gidii’ nib maerwaer, nge gelnag gidii’ ke kireb lukngun ey (verse 5).

Napan ngam rin’ tiney ga ra rin bin thabi mangil ngak e gidii rom, nge ga ra gel nag e fal’ngin rok I ir e Somoel (mu guyD&C 81:4).

Napan ngad lemniged ya’an marunga’gen ayuweg gidii ba mo’owaer, pug pa’ gidii’ nib maerwaer u wun’raed, nge gelnag ragbug, Gu ba puguran e bitir ni medlip e duw rok ke dag ngak e tituw rok e gakiy ko tomato ni ke tugul me l’eag lik’ngin ni fan e second grade muruwel ko school.

Ke weliy fare gakiy ra yib udaken ta’areb e awoch ni achigchig. Nge fa’anra kug fogloliy e ga’kiy, rayog ni nge pii’ bo’or e tomato bay bo’or e awoch riy.

Ke yog, ”Nge fa’anra e awoch ney kar yunged nge tugul nga pii reb tomatoes, nge ngam yung uringin e awoch ney, tomuren bochi ngiyal’ inn’em gara thapeg million pi tomatoes.”

“Bachaen,” ke yog u ma’ang’ang, “ko ta’areb e awoch nib achigchig.”

Tomuren ke yog, “Chuchugur ni nggu lii’ e gakiy rog. Kug tay u langinn e single nib talmar nge patalin ni nggu pii e raan. Napan kug manang e gakiy, ni ke mororoy nge ba e ya’an boed e yam’. Kug yor bachaen kug lemnag marunga’gen e million pi tomatoes dabiyog ni nge tugul.”

Ir ba’adag ni nge weliy ngak e tuutuw rok marnga’agaen e “ma’ang’ang” e ni ke buch.

Ke weliy’, “Nina rog ke yog sana de yim’ e gakiy. Sana kemus e gakiy batuf bochi raan nge magal nge ir ra faskoyam.”

“Nge ir ba riyul. Kug pii’ fare gak’iy bochi raan nge tay ulonginn e winda ba’ e magal. Nge, mu lemnag?” ke fith. “ Ke faskoyam’, nge chiney ir ra tugul e million pi tomato!”

Gakiy ko tomato nib achigchig rok, bay sug ko chirogon ni rayog machane ke mo’owaer nag nge mororoy bachaen kam fek oechem, ke gelnag nge faskoyam’ udakaen ayuw nib moom ko raan nge magal u fithik e pa’ e ppin nib achigchig nib t’uf.

Walageg nib ppnn nge pou’mon, gadad e bitir ku Chitamangdad nu Tharmiy ni ma t’ufdad—bay e chirogon ni rayog rodad nib thothup, ko manimus. Fa’anra ngad kolchiya’, ran gad manged boed gakiy ko tomato nib mororoy. Rangad iyaen nga orel e machib nge gospel rok Yesus Kristus nge e ya’el de fek e fogloliy nge mororoy, bachaen ngad fek’ed e magal nib thothup nge alublub i raen ko e t’uf nib manimus nge gelingin ko priesthood rok Tathapeg.

Pi’in ba kol fare priesthood, machane de liyor ngak gubin yay napan ke pigpig e tibinaw nge reb gidii ra mang ta’abrogon e baa’ ma dabi thapeg e taw’ath ko fare priesthood nge ya’el ra mororoy, bachaen ke pag tin nib fel’ ko ya’el, magal, nge gelingin rok Got u yafas rok—boed rogon e gakiy ko tomato bay yo’or e rayog rok machane de fek e ayuw nge ke mororoy.

Ta’abrogon e gelingin ko priesthood ma sunmiy pi feylang, galaxy, nge fare universe rayog ni nge ying e yafas nge ayuweg, gelnag, nge yibily e tabinaew rodad, fagar rodad, nge cha’ ni buguli yoror rodad—fa’ u reb e thin, ni ngad rin’ed tin Tathapeg ra rin’ fa’anra ir ba murwel ufithikdad.

Thabi ga’ fan ko priesthood ir ma yibliy, thothup nag nge machalbog nag dad nirayog ni ngad pared uta’abang ko tabinaew rog ufithik gin bay Labthir rodad nu Tharimy riy, kad ma’ag udakaen e priesthood sealing, ngam un ulan e muruwel rok Got nge Yesus Kristus ni ma gelnag magal nge fel’ngin Roraed ko manimus.

Arfan, bochi pul’ kafram Kug ayuweg ni nge sunmiy e kachido ko ma fil ngak e pi leaders ulangab e feylang ma kanoeg Strengthening the Family and the Church through the Priesthood.

Ke pilyeg Biney e DVD nib be’ech u lan 66 pi mite thin ko nam. Ma Fil urogon e gelingin ku priesthood ra yibliy, gelnag, nge tabab be’ie e yafas, yafas rok e tabinaew, nge uringin e pi chongin Galasia.

Ir ma dag nogdad—pou’mon, bppin, bitir; gidii ke mabgol, pi’in ni ke yim’ figirngiraed, fa pi’in ni dar mabgol; dariy fan e magowon—rayog ni ngag fek e taw’ath ku fare priesthood. Ba’ bochi medlip ko ragag nge la’agrow e yang ko kachiido ma weliy fare pi key, matawon, nge gelingin ku fare priesthood nge urogon ir ma gelnag baa’, tibinaw, nge Galasia.

Ta’areb e yang ko kachiido ke buch u lan e na’un nib achigchig rok e dangtaaw rog nib pioneer, Mary Fielding Smith. Ke mang e ni ke yim’ figirngir, Hyrum, e Walageg rok fare Profet Joseph. Napan ke mang e, udakaen e mich nib gel ulanginn e priesthood, ni ke fith nge taga’ ngak e gelingin ney ere rayog ni nge duruw’iy nge yibily e bitir rok udakaen e t’uf nge magal ko gospel. Daba’ ba pi biyu pifak rok kar manged tapowii’ nib ge mich rorad nge chonginn e Galaisa bachaen e mich, m’uthan, nge susun rok.

Biney e milwol ko fil bay u lan fare internet u LDS.org ma gubin e gidii’ ragam guy nge fil riy’. Ragam sap u LDS.org, fa ragam download nga computer rom, smartphone, fa pi tablet device.

Fare Bin Somm’on e Presidency ke fith e “stake presidencies nge bishopric koeled ta’areb e mo’olung ko stake fa ward council ni ngar daged fare DVD. . Stake nge ward council ba t’uf ni ngar weliy’ed rogon ni ngar ngongoliyed e pi machib riy’. (First Presidency letter, Feb. 1, 2013).

Fil rok ra athamgil u laniyaen’ pi chongin u pi priesthood quorum, Relief Society, Sunday School, Young Men, Young Women—rib mangil nifan pi’in ma taeredmedliy ko mission—nge u mo’olung ko Primary, fa nap’an gara mada uta’abang u nel’ e Madnam. Pi chongin council rayog ni ngar athamgilgad nga laniyaen’raed e gidii nge gallabthir ni ra ngongoliyed e kachiido ni fan e tabinaew. Pi walageg nib ppin nge pou’mon, biney e kanawo’ ni ngan Fil ni fan gubin e chongin e Galasia. Gallibthir, mu sap, pii’, nge turuuy’ ngak e bitir rom marunga’agen fa tin kam filed ma thamiyed, mu dag ngorad ngar rin’ed ta’abrogon e tin’ey ngom yira gelnag e tabinaew udakaen e priesthood.

Key yog Yesus:

“En ni ke yib e belel ngak e nge yib ngog nge garbod” (John 7:37).

“En ra unum e ran ni gu ra pi’ ngak e dab ki sul e belel ngak bayay;ya ran ni gu ra pi’ ngak e ra ngal’ nib a alublub u fithik’e dow, ni ir e bay I pi’ e ran ngak ma pi’ e yafas nib manimus” (John 4:14).

“I gag e tamilang ko girdi’ni fayleng. En ra lekeg eg … ra thapeg e tamilang ko yafas” (John 8:12).

Fa’anra ga ba thamiy ke waer e mich fa mich rom ulan e kanawo’en Chitamangmad nu tharimy, ram chel nga Tathapeg nib gel. Mu fek e magal Rok nge raan ma fas Rok ba ayuweg em nge tabinaew rom ta’abrogon bochi rran nge magal ke rin ngak e ga’kiy nib tomato nib waer.

Chiney, kug lemnag ufthik e ma’ang’ang marunga’agen pi’nen ke sunmiy Got udakean e gelingin ko priesthood. Guba sakiy, boed yo’or ngomed ma sakiy, ma ginaen’ fa’anra ngad ra nanaged gubin yang ko gelingin Got nge taw’ath rok. Yow ma rib ga’, rib fel’, rib mangil.

Key yog Joseph Smith, “Fare priesthood ir e kenginn e gospel nib manimus, nge bay rok Got u manemus, nge ra paer u manemus, ni dariy tabab ko rran fa mu’ tomuren e duw” (Teachings of Presidents of the Church: Joseph Smith [2007], 104).

Got ke pii’ gelingin Rok ngak urngin e pi’in ma ba’adag mar liyorgad ngak e priesthood Rok, nibe soer nga pi taw’ath ku faskoyam’nge yafas nib manemus.

Ya mich rog ma muruwel rok Yesus Kristus ran mugu’ul udakaen e priesthood. Udakaen e gelingin Chitamangdad nu Tharimy nge Fak nib T’uf Rok kar sunmiygow e feylang ney nge tab’ab e kanawo’ ko faflaen’ nib ga’ ni fandad. Rayog ni ngad mang lowaen’ nge gayed gel ko yafas rodad, yafas rok e tabinaew nge fare Galasia ku Yesus Kristus ni fan e Gidii’en rok udakaen e gelingin priesthood rok Got i’ir a meybil rok, u fithingan ku Yesus Kristus, amen.