Dį́įdi haz’á, Akéedi Dáádilkáł
Diyin God yéego hadabinitáhii ya’iilé, t’áá naníłts’in. ne’kóónééh. Diyin God nijéí ałtso bee hanitá. Óodlą’ bee íniitá. Diyin k’ehjí yinááł.
Ayóó bee nihik’ihojídlíigo díí nihokáá’góó áłah yidlééh nihí kwe’é ałhííkai bá yáłti’í nihił danlínii binahjį’ dóó ásizį́ dóó Naat’áanii, Thomas{nb)S. Monson. Naat’áanii, ayóóadéinii’ní dóó bił deiyíniilníísh!
Shí ayóó’iinish’ní díí ayóó’át’áo áłhiiká ntsáo áłah Áleeh bikéé’soodzį́ Sodízin báhooghanjí sáánii.
Shilákéí, shí nihíitséehgo, sáánii t’áá’ íiyisíí she’íina’ bee łáhgo ádzaaígíí baa tsídiskós: shimásą́ní dóó shimá éí áłtsé doóh’ash bi’doo’níidgo lą́ asłį́į́’ dóó Sodizin bighan lá ha’íí yaa naakai łeh.1 Áádi shich’ooní ayóó’iinísh’níi, Harriet, éí t’óó yiiłtsą́ǫ ayóó’iinísh’ní sélį́į́’. Áádi Harriet bimá, éí Sodízin bíghan bahástįį łóód doonáziihíí biishxį́ bik’ijį’ yidiiyá. Áádoo shádi, shich’é’é, shitsóí, dóó t’áałáhidi nátsóí—díidi ałtso binahjį’ she’íina łáhgo ádzaa. Bí t’áá’aaníí she’íina’ yishándiin danilį́. Bí binahjį’ hastįį yá’át’éhii yishłééł dóó ayóó Sodízin báhooghanjí shá áhwiinít’į́. She’íina’ shį́į́ ts’ída łáhgo at’ée ńt’ę́ę́’!
Ha’íí íiyisíí jooba’ áshiił’į́į́hii baa’ákodineesííłii eíí t’áá shidíisna’ą́ą ’ąądeeyá dikwiishį́į́ dimiil tsoh Sodízin Bíghan biyi’góó sáánii yee hósin, ádeiił’į́, bini’ yee hósin, dóó yiiltsą́ǫ yee bił bééhózin nihe’óodlą’ hólǫ́nii.
K’ad, nihí ła’ doo bíneesh’ą́ą da nóhsin akwǫ́ǫ́ bee niháá ha’iihígíí. Nihí bee tsídidoohkós ha’íí biká nihi’dinél’į́ nihee dine’é be’íina’ łáhgo ádiilnííł. Nihí íiyisíí doo bee ádinół’į́į da “Asdzání óodlą’ choyóoł’į́į” nihí łáhda ne’nóhłį́ éí doodáo náłdzid biniinaa nihił nahódiką́’.
Díijį́, shí íinisingo t’áa háiida nigháidę́ę́ díí ádzaaí bich’į’ haadzííh—dóó t’áa’ániiltso shį́į́ eíí ákodeidzáá. Shí óodlą’ baa hádeezdzíh—éí ha’iísh át’é, ha’íí éí íídoolííł dóó doo íídoolíił da, dóó nihí ha’íí ts’ída íilyao óodlą’ be’ádziil nihe’íina’ biyi’ hididoo’nááł.
Óodlą’ Ha’iísh Át’é
Óodlą’ yee’ níłdzilgo asdzį́h ha’íshį́į́ yiniidlánii—niłdzilgo asdzį́h eíí áko t’áá doole’é hii’náałgo íil’į́į́h doo ákot’ée dago doo íil’į́įh da. “Óodlą’ ts’ída hólǫ́ǫ ha’íí nihí laanáá baa dóó akót’é nihí doo yiit’į́į́góó íil’ii.”2
Díí ła’ da’óodląnígíí bich’į’go akót’é danízin, doo da’óodląnii éí t’óó bił dahałą́. Bí tsiits’iin déiiłmaz dóó na’ídiłki’, “Hait’áosh ła’ dayoo’į́nii akót’é nízin?” Doo óodląnii bich’į’go, díí nahágha’ bee bééhózinii eíí doo yá’át’éégóó tséékos át’é.
Ha’íí bí doo yik’ida’diitį́įh da łeh eíí akwǫ́ǫ́ lą’ída yit’į́ doo danhináá’ t’éi bee. Akwǫ́ǫ́ lą’ída doo yilá t’éiyá bee bidíilchíł da, Lą’ída doo nihijáá’ t’éiyá bee didíits’íił da.
Éí t’áa doole’é at’éé yázhi ła’ ádzaaígíí náhalin éí bimásąní tł’óó’góó yił yi’ásh. Tsídii dabiyįįn at’éé áłts’iisígíí bił ayóó’anóolnin, dóó t’áa’át’é íitsa’jóó bimásąní yá dah nídiilníh.
“Eiísh dinítsa’?” at’éé áłts’iisígíí yaa dóó yaa nina’ídíłki’. Ndí bimásąní doo adíítsa’ da silį́įgo dóó ídeitsa’ígíí doo yidíítsa’ da.
Áádóó, amásąní nitsidínigo’ dóó kóní, “shi akǫ́ǫ́, shitsoí. Nimásąní doo ayóó adíitsa’ da.”
Ayóó bi’diil’áo, at’éé yázhi bilá’ yee bimásąní yiniijį’ yisíł, yináá’ yéego yinéł’į́, dóó kóní, “shimásąní, yédígo íisiiníłts’ą́ą́’!”
Díí hane’ biyi’ na’nítin dahólǫ́ t’áa’áłah doo óodląnii dóó óodląnígíí bá. Nihí t’óó doo diitsa’ígíí bąą doo didoots’įłígíí ádin da. Dine naakigo saad t’áá ła’ígíí yidiizts’ą́ą’ éí doodáo God bízaad t’áała’ígíí yiyííłta’go, dóó ła’ Ii’sizį́į yinahjį’ bił ch’i’dinídláád, yę́ęni’ ła’ígíí t’áadoo da.
Ákondí łahjígo, nihí ła’ ayóó’iinii’níí bee biká iilyéedgo Ii’sizį́į biinéé’ yaa ákodinóozįįł dóó ayóí aníłtso, ahool’áo, dóó ayóó nizhónígíí Jesus Christ bá hane’, ábidóhní “yédígo íisiiníłts’ą́ą́’” doo shį́į́ yéego biká adoolwółígíí bee háinidzii’ da.
Díidaats’í yihóhgo bee hółhodooníh—háiida óodlą’ ąą kódoonííł níziníí—łahgo át’áo azdiitsa’dóó. Paul bá sizį́į iinéé hanóhtá nihá yíneedlǫ́ǫ eíí nihiyi’sizį́į yivh’į’ yáłti’ doo nihijáa t’éiyá da. Bí yee na’néeztą́ą́’,3 “diné doo Ii’sizį́į bił hólǫ́nii eíí Diyin God bi’Ii’sizį́į t’áá doole’é bits’ą́ą́dę́’ígíí doo néidiyiilée da ndí néidiilée da ndí baa yáhasin nízin, dóó Ii’sizį́į binahjį’ t’éiyá bik’idiitį́įhgo biniinaa doo yik’idiitį́į́h da.” 4
Óodlą’ yee Bítse’ dóó yee niitłóh
Łáhda, óodlą’ doo tsííłgo diyinjí doole’é dah dínooséeł da nihokáá’ biyi’ hinii’náo. Ndí éí ááh hanéehee’ bíniitá, óodlą’ nihe’íina’ biyi’ bidzíilgo biniinaa íhwiyiil’ááh. Diyin God bizaad yee na’nítingo eíí óodlą’ binahjį’ nidahasdzáán ádaalyaa, tó ałts’ą́ą kódaalyaa, daneezná naadabidiilzá, tó danilį́į dóó dził dani’áii łáhjoo kódaalyaa.5
Yę́ęni’ ła’ na’ídidóołkił, “óodlą’ ayóó bidzíilgo, ha’át’áosh t’áá’aaníí baa sodiszinę́ę doo bee shił hane’ da? Shi doo tónteel éí doodáo dził ła’ hidoo’nááł nísin da. Shi doolna’íí ádoodįįł nísin éí doodáo shi neesą́ k’é na’áhididoo’nííł éí doodáo ahool’áo bił íina ásh’į́įdooígíí ch’e’étiijį’ nidoogááł bila’ łáhjí ch’il látáhózhóon yee dah yóołjółgo dóó łáhjígo yóóstsáh dah yoo’áałdoo. Ha’át’áosh she’óodlą’eíí doo ye’ádeeh da?”
Óodlą’ ayóó bidzííl, dóó éí álílee aghą́ą́h bee hoolééł. Ndí óodlą’ lą’ída nihee hólǫ́ǫgo ya’, naaki t’áá doole’é doo óodlą’ íidoolíił da. Ła’í góne’, éí doo ła’ biníík’eh naaghá yidóołchǫǫł da.
Ashdzání ła’ sodílzingo lą’í binááhai eíí bich’é’é tsi’naagháhii t’áá Christ yaa nídoodááł dóó bąą náhoołkaadíí eíí bisodizin doo bee bił náhane’ da. Díí dine’é ła’ ba’áłchiní bibąąhá áts’á deiidiist’ą́ bee baa dahane’go t’áá’ íiyisíí dinííhłí.
Bee ne’kót’éhii doo bá sózdilzin éí doodáo doo óodlą’ ádinígíí bą́ą da. Asdzání ts’ída yik’i’ dídootį́líí eíí nihiZhe’é Diyiníí ayóó bił neezghá, Bí doo háiida diyin k’ehjí iiná yíniłchée da. Nléí t’ahdoo nihokáá’ biih yiidááhgóó t’áa Bí ba’áłchiní doo yii niłchééhgóó bikéé’ dah díikai—, nihi doo díí atsíís biyi’ yiidáłígíí biká yínihi niłchéeh doo?
Shaa nínááh dóó bina’óokąąh. Bí dooniighááhgóó dadoolní ayóó’o’o’nóo dóó nił yit’į́ a’áł’į́įgo dóó bíínagháhnóo. Ndí Bí doo yínihiniłchée da—eíí Bí ayóó’at’éii nihá ahool’áo yináhaz’ánée biniiyéhee yił ádoosííh.
Naakigi óodlą’ doo íidoolíił daaígíí yee’ niiziníí doo Diyin God bee bik’eh didiidéeł da. Nihí doo shá konínééh bididii’níił da—shíjígo t’áa’ ákot’é éí doodáo t’áá’aaníí baa sodíilzingo. Paul ádzaaígíí nół’į́, éí Bóhólníihii dikwíidi shį́į́ yaa náyooską́n yik’ee ti’hóoníhíí, bí éí kwíiłní “ats’íís biih yi’á.” Ndí Diyin God doo eíí iinízin da. Hónáásii’ Paul binítáhii eíí bee bik’ihojidlį́, dóó Diyin God yaa laanáa nízingo yich’į’ sidilzinée t’áadoo ye’iilaagóó ahéhee’ yił ní.6}
Ba’ódlí dóó Óodlą’
Ndagha’, óodlą’ binahjį’ Diyin God łáhgo ádinóoziił doo biniiyé da ndí Diyin God íiniziníí bik’ehgo í’diilnííł biká. Óodlą’ ba’ódlí—a’ódlí eíí Diyin God yoo’į́ nihí doo yiit’į́į da dóó Bí eíí ha’át’ii bił bééhózin nihí ádin. 7 Łáhda, t’áa nihí yiit’į́ dóó kódii’nííł ba’ííniidlíigo doo yídinóol’ą́ął da.
Shí na’áshta’go díí bóhooł’ą́ą́’, éesht’áhgo áhí éí doodáo k’os dóó shitsíjį’ dikwiishį́į́ adées’eez t’éiyá hoot’į́. Shí ba’íínishłí atsinílts’ísh nidéiłkidgo eíí háadi shił óót’áh dóó háajigo. Shí béésh biyi’ diné biinéé’ yisinísts’ą́’ígíí bik’ehgo. Shí dabik’ehgoígíí bada’íishlíigo eesht’áh, doo yish’į́ yoo’į́nii be’íinishlí. Shí eíí ba’íishishłíigo dóó bik’eh áashníiłgo, t’áadoo át’éhígóó yisht’áhígíí shił dinóodaał nísin.
Óodlą’ ááyiłníi doo Diyin God bihódza t’éiyá eíí ba’iiníidlíi da ndí Be’ayóó’o’o’ní ałdó’. Ááyiłníi éí Diyin God ts’ída ayóó’ánho’nóo be’íiniiłí, Bí ałtso íił’į́į eíí—yee ak’ijídlį́į dóó Bí, t’ąą kóyohsin , haashį́į́ nizáhjį’—binahjį’ ahool’áo nihił hózhǫ́.8
Óodlą’ díígi’át’áo, nihí t’áá doole’é áhoot’įįdígíí doo hazhó’ó bik’i’díítą́ą da éí doodáo ha’át’áo ła’ baa sohódizin doo bee íłnáháni’ da, nihił bééhódoozį́į́łii eíí t’áá doole’é ałtso baa’ákodíniizį́į́ł. “T’áá doole’é ałtso [lá] bá yá’át’éehgo ałkéé’ nidookáh eíí Diyin God ayóó’áyo’níi bá.”9
Ałtso t’áa’ákot’é ádoolnííł. Ałtso yá’at’éehdoo.
Nihí t’áa naaki nilį́ní eíí hane’ niháadoot’áá, dóó nihí baa ha’ííniilnóo eíí nihí ts’ída hane’íí nihił yá’át’éeh doolééł, nihí nihii’ ha’didoobį́į́ł jooba’, aah ghą́ą́nízin, bił hadléé’, dóó nihiZhe’é Diyiníí nihí ayóó’ánho’ní, ba’áłchiní daniidlį́į.
Daadílkał Nánółts’ín
Nléí áájį’, nihí óodlą’ nihéehólǫ́nii bee yiikáh,10 áłahjį’ nihe’óodlą’ noosééł biká. Łáhda, díí biká íít’į́į́ ayóó nanítł’áh.háida tsííłgo ch’ééh digháhii, éí bił hódiik’ą́ą́h, doo ya’ádit’áahii, éí doodáo yaa’áhalyą́ii óodlą’ ayóó nanitł’áhgo nidiilyééh. Háida t’áa hodina’í doo yíneedlį́į́hgóó éí doodáo yąąh nidiltáłgo. Jooba’ nilį́į óodlą’ bee halééh, yéego hát’į́, náás yidiilkáál.
Éí háishį́į́ óodlą’ yee yik’éh ni’níláii baa didoot’ááł.
Díí t’áá’aaníí nléí Europedi na’nítiní naakigo baa hóóne’ígíí bił áhoot’į́į́d náalnishgi doo lą’ída dine’é tó bee dabi’dilzį́į́h da. T’áashį́į́ aanííh bí eíí ha’íísh ayóó’át’éii ádiilnííł nízin ńt’ę́ę́’ nísin.
Ndí díidi naakigo na’nítiní be’óodlą’ hólǫ́, dóó eíí yee náanish yíneedlį́. Bí doo ła’ hane’ yidíizts’ą́ą’ da nihí áádi tádiit’áázh, nihí éiyá doo t’óo’íít’į́nígíí biniinaa dadoo.
La’ájį́ bí t’áa baa’áhayáagi kéédahat’į́nii bídiniitáh níizii’ kin dį́į’go áłkáá’ dah náhast’ą́. Áłtsé haz’áadoo hahóólzhiizh dóó ałkéé’ dáádilkáł ninéidiiłts’į́į́h, Jesus Christ dóó biSodízin Ninályáii yaa náhalníhgo.
Áłtsé haz’áagi doo ła’ biísts’ą́’í da.
T’áadoo nanitł’áayí ádidoonííł, “Bíneetą́ą́’. Tį́’ kógi’nídiit’ásh. Tį́’ dóó ła’ kin si’ą́ bidiniitá.”
Ndí díidi naakigo na’nítiní be’óodlą’ hólǫ́ dóó náanish yaa’ádeet’ą́, dóó akó bí naakigi haz’ánii ałtso dáádilkáł ninéidiiłts’į́įgo yi’ash.
Naaná, doo ła’ íistsą́’í da.
Táá’ haz’áagi t’áa’ákot’é. dóó dį́’ígíí ałdó’—eíigi, nléí dį́į’di haz’áadi dáádilkáł néineests’ingo índa.
Eíí dáádilkáł ’ąą’ ádzaagó, at’éé yázhi bich’į’ ch’ídooldlo’ dóó t’áh shimá bił yáshti’ ní.
Bimá, éí índa 36 bináahaigo, ánii báhastįį bąą ásdiid. Bimá doo yich’į’ yáłti’ da Na’nítiní, nááht’ásh bidiní.
Ndí bich’é’é yaa nábooką́ą́h. Díidi ashiiké nooséłii bá ahwiinít’į́, ní. Dóó t’áá dikwíhí dah álzhinjį’ doolééł.
T’áá ne’nilį́į ndí, bimá łą́ asłį́į́’. Na’nítiní baháne’ yee bił hóólne’ dóó amá nilį́į naaltsoos ła’ yéini’ą́ yiyííłtah yił ní—Mormon Bínaaltsoos.
Dah nidiit’áázh, amá t’áá dakwíhígo yidéeshtah niizį́į́’.
T’áádoo dikwíi da yiłkaahí naaltsoos ałtso yiyííłta’.
T’áá nizaaníhoolzhíshí, bí dóó bich’e’e naakigo tó bee bi’doolzį́į́’.
Hooghan áhoots’íísídoo Damǫ́ǫgo yah ánájah Frankfurt, Germanydí, díígin naníse’ígíí ła’ at’ééd nizhónii yaa ákoniizíí’ dóó yaa tsídeezkééz, “Díidi na’nítiní ayóó’át’éii yináálnish!”
Eíí díígi’át’áo bízhi’ Dieter Uchdorf. Dóó at’ééd nizhónii—shą́ą́’ bimá náyooką́ngo na’nítiní báhane’ deidiizts’ą́ą́’—éí bízhi’ diyinígíí óolyá Harriet. Bí éí nihokáágóó dine’é dabidíizts’ą́ą́’ naasháo bił ałnánasht’ásh. Dine’é t’óó’ ahayóí yik’idajisdli’ hane’ yá’at’éehii ayóó’ayo’níigo dóó t’áa doole’é ayóó yineedlį́įgo. Shishándiin nilį́.
T’áa’ághą́ą́h shijéí biyi’dí shił hózhǫ́ǫ łeh naakigo na’nítiní be’óodlą’ dóó yináashnish. T’áa’ ághą́ą́h ahéhee’ dishnííh eíí náás yitáh yi’ash—azhą́ nléí díidi haz’áajį’, akéedi dáádilkáł.
Éí Nich’į’ ’Ą́ą’ Ádoolnííł
Nihí óodlą’ ííti’ígíí há niitáh, bí niitá doo ninít’i’ yiidiilts’ół, nihí béneiilnííh Bóholníihii yee haadzíí’: “Dáádilkáł nániłts’ín, dóó éí nich’į’ ’ąą’ ádoolnííł.”11
Nihiísh t’óó dáádilkáł ła’ éí doodáo naaki náneelts’ínígo dah didíídááł? Ła’ haz’á éí doodáo naaki?
Éí doodáo t’áash haníítá nléí dį́į’di haz’áajį’ hadiidááł, akéedi dáádilkáłjį’?
Diyin God “háida yéego habíntáii ya’iiléh,”12 ndí eíí doo áłtsé daadílkałígíí bine’dę́ę́’łeh. Akó daadílkał naníłts’in. ne’kwóonééh. Diyin God nijéí ałtso bee hánitáh. Óodlą’ chooníł’į́. Diyin k’éhgo yínááł.
Shí eíí díí iiniláo bik’éh naadoodíł—azhą́ nléí dį́įdi haz’á, daadílkał akéedi—bíhwiidííł’ááł nididíílééł. Óodlą’ bikídiinááł. Dóó náás yoołkáałdi adínidíín nii’hódooléełgo eíí “ayóó bee hoot’į́ ąą kweenííł nléí hadíłt’é silį́į’jį’.”13
Shiláh Christ binahjį’ ayóó’iinísh’ní, Diyin God naaghá.
Hiná
Bí ayóó’ánho’ní
Bí niheéhósin.
Bí nik’i’diitą́.
Bí nijéí t’áa íítsa’í bee sodílziníí bił bééhózin.
Bí doo naayóóznáh da
Bí dóó nits’ádoogáał da.
Éí shí yish’į́ dóó bá sezį́į bee nihik’ijisdlííh t’áała’í noozíngo eíí nihijéiidi dóó nihini’di díí t’áá nihí t’áá’aanínii yidiyoołnááł.14
She’óodlą’ nihaadinísh’aah, bee ha’iinish’níi, dóó bee nisdzíl dóó yiiłtsą́ doo hididoo’nááł dago eíí díí yee’ Diyin God bináanish át’é. Díí bízhi’ baa hasti’íí Yisda’iinííł ayóó’iinii’níí, Jesus Christ, áamen.