15:42

“Shéé Dahosóhsíídgo”

Eldir David A. Bednar Áyiilaa

Hastóí Naakits’áadah Bá Naazį́į́doo

Nihiísh t’óó Yisda’iinííł baa ákoniizin, éí doodáo nihiísh yiwóhgo baa íhwiil’ááh? Hait’áosh nihi Bóhólníihii béé wódiilzį́į́ł?

Yisda’iiniił nléí dził yikáa’di áłtso na’neeztą́ą’go, bí ts’ída kot’é ahool’áo t’áá’aaníí eíí “Azhe’é yinízin íil’į́įgo t’éiyá Aye’ bijooba’ bee yisdáá’doodááł dine’é néiididoolééł.”¹

Bí yee haadzíí’:

“Ałtso shich’į’ kódaaníí, Bóhólníihii, Bóhólníihii, yá’ąąshdi haz’ánii yiih doo gáał da; ndi bí eíí shiZhe’é nléí yá’ąąshdi biyi’di hólǫ́nii yinízin íił’į́įnii.

“Eíí jį́ biyi’di lą’í ádashididoonííł, Bóhólníihii, Bóhólníihii, shą́ą́’ nízhi’ bee ádahodoonííł baa dahwiilne’ni’? dóó nízhi’ bee ch’į́įdii hadahineelchą́ą́’? dóó nízhi’ bee lą’í baa daha’níihii ádeelyaa?

Dóó áadi shí ha ach’ídeesh’ááł, shí doo nihééhasin da: shits’ánohkááh, nihí eíí łááhida yin dáal-nishíí.”²

Díí na’nítin kót’áo bik’i’diitą́ ąą kódzaagi saad ánalyaa Ii’sizį́į yit’į́ baa nitsíikees. Ayóó áká íilwo’, Bóhólníihii nléí Ánant’a’í James yaa halne’ Bíble biyi’ baa hóone’, “shí doo nihééhasin da,” Joseph Smith yii’ łáhgo áyiiláii “Nihí doo shééhosohsíid da.”³

Baa nitsókees neeznáách’ikę́ę́h bee éédeetįįh. Benáłniih ashdla’ eíí t’áa yaa tsídaníkéez da dóó doo hast’e’ ádadólzin dago dah diikai akáh shódeidoołt’eeł diltł’í biká ła’ áádę́ę́’ dííniidgo dóó iiyáh yił ahíidookáh.

“Dóó nida’íiniihgóó eekaigo, iiyéhígíí niyá; dóó hast’e’ ádadolzinę́ę eíí iigéhgóó bił dah diikai: dóó daadilkał dadeetą́.

“Bik’ijį’ yíkai ałdó’ [ashdla’ t’áa yaa tsídaníkéez da] at’ééké, kódaaníigo, Bólhólníihii, Bóhólníihii, nihá ąą’ ánlééh.

Ndi bí haadzáá’ dóó kóní, Áaníí, ánhidishní, doo nihééh hasín da.”⁴

díí bee éé’diitį́į́h ááh yił nínígíí t’áała’í níizį́nigo nihá náasdi hazhó’ó diyiníí bik’ehgo ánalyaa. Bee bikáá’ haa’nil, saad dah shijaagi “Dóó nihééh hásin da” éí Bible biyi’ Ánant’a’í James Áyiilaají biká’ii Joseph Simth Áyiiláii biyi’ bééhózin áyiilaa “Dóó shééh hóhsin da.”⁵

saad dah shijaagi “T’áá shéé hósinsíi da” dóó “Dóó shéé honísin da” ts’ída bąąh yéego diyinjí t’áała’í niidzínigo ádeediilká. Yisda’iinííłiiísh t’óó baa hósidiits’ą́ą́’, éí doodáo nihiísh lą’í baa íhwiil’ááh? Díidi hayi’sizį́į yina’ídiłkidíí ts’ída baa haashzííh. Shí t’áa hanéehee’ Diyin Ii’sizį́į shiká anilyééd bidishní nihí kwii t’áa ániit’é díí bee óodááł diníil’į́į́ł.

Hwił bééhóozįįh

Jesus koní:

“Shí atiin, t’áá’aaníí, dóó iiná nishłį́: diné nléí Azhe’é yaa doo gáał da, ndi shee.

Ní shee hónisingo ya’ ní ałdó’ ts’ída shiZhe’é bee hónisin ńt’ę́ę́’.”⁶

Nihił bééhóozįįh Azhe’é nihí BíYe’ Ayóó’ayo’níí bee hwiilzįįłgo.

T’áała’ígo biká nihokáá’ hinii’náii lá doo Ázhe’é T’áała’óo Bá Yizhchí t’éiyá bee nanihi’dintin da ndi Bí ałdó’ bééhódiilzííł biniitá. Dį́į́ íiyisíí be’diilníłíí eíí nihiká eelwódgo Bóhólníihii bééhódiilzííłígíí éiyá óodlą’ bee Bí niitá, bikéé’ yiidááł, bá néiil’a’, dóó Bí yiniidláh.

Bí Bąą ’Óodlą’ Bee Ádiiltl’is

Óodlą’ bee Jesus Christ bee biniitá lá Bí yá’at’éhíí ádayiiláii ba’ííniidlí, bijooba’, dóó be’íł’í-dlį́.⁷ nihí áádoo Yisda’iinííł béé hwiilzíiłgo nihii’naazį́į yíneel’ą́nii ch’énéiilzi’ dóó Bí nida’nítin bíniitáał, ahzą́ nléí nihii’naazį́į biyi’di bá hwiil’áahgo Bízaad yiyíiłtso’.⁸ Áko Bóhólníihii yiniidlą́ aayigáał, nihí Bí ba’ííniidlí dóó Bíbee’ádziil yee íidoolíiłgo nihik’én’doolééł, nánhidoołdzíh, dóó nihitse’ ánhidoolííł.

T’áá’aaníí óodlą’ Bóhólníihii binahjį’ hoolééł dóó bee ba’jólí dóó diyin k’ehjí í’joolííł. “ [Christ wóodlą́ lá] átsé nahágha’ ííshją́ ályáii biyi’ be’íl’į́, … ałtso diyinjí dahiná yeda’iilaa, … dóó ałtso ééhósiníí ye’íił’įįh.”⁹ T’áa’ákot’áo e’él’į́ bik’éhgo í’iil’įįłíí biniinaa nihá Nina’ídláii anóo t’áá’aaníí óodlą’ bee nízhdiilééh dóó bízhnóotáh ní, “Óodlą’ doo bee ooníshgóó lá daatsááh.”¹⁰ Nihí yee’ “saad bee yíinish, dóó t’áa t’óó yísiiltsą́’í.”¹¹

Diyin God biinéé’ dintsá’ dóó Yisda’iinííł wóodlą́ aa dit’áahgo dasdę́ę́’ áłheełt’é, akǫ́ǫ́ “adiitsá’ bee óodląąh, dóó Diyin God bizaad bee ádiitsa’.”¹² Bí náasjį’ dóó Bí biinéé’ bee hwiilzííł nihí diyingo bizaad yiníilta’ dóó hazhó’ó baa nitsíikeesgo,¹³ aZhe’é bich’į’ Bízhi’ t’áá’aanínii bee sodíilzin,¹⁴ dóó áłahjį’ Diyin Ii’sizį́į nihił hólǫ́ haníitá.¹⁵ Christ bina’nítin bíhwiil’ááh dóó bee hinii’náo lá bee Bí yiniidlą́ǫ aa yilyéhii nidiilyééh.¹⁶

Bóhólníihii bąą óodlą’ bee ádiiltł’isgo t’áá’ íiyisíí binahjį’ Bí bikéé’ yiidááł.

Bí bikéé’ yiidááł

“Dóó Jesus, Galilee bitónteel yiigháh yigááł, naaki bik’is yiyiiłtsą́, Simon éí Peter wóosye’, dóó Andrew bik’is,

“Dóó bí kwíił ní, shikéé’ wó’ash, dóó Shí dine’é háhohléehgo ánhishłééh.

Dóó t’áa’áłah yee ha’iiléehí yitsáajį’ dah dii’áázh, dóó bikéé’ dah dii’áazh.”¹⁷

Peter dóó Andrew bítse’go bee ééhózin Ásizį́į yidiizts’ą́ą́’ dóó yikéé’ dah dii’áazh.

Yisda’iinííł t’áa’ akót’áo ní dóó shí nánhinítin, “Éí dine’é shikéé’ dah diiyáii, bį’dii ádeidoo’náh, dóó bítsin ałnáoz’á néididootį́į́ł, dóó shikéé’ yigáałdoo.”¹⁸ Bí tsin ałnáoz’á nidízhdootį́į́ł lá déiizhdoo’náh ałtso diyin yik’ijį’íí dóó nihokáá’ binaadééł bidin ídlį́ dóó Bóhólníihii bibee náhaz’ą́ bik’eh hójíł’į́.¹⁹

Yisda’iinííł yee’ nihich’áhooshkéedgo Bí beniilt’é diidlééł lá.²⁰ Áko, Bóhólníihii bik’éh yiidááł bóolta’ Bí be’iilnííł. Nihí náasjį Bóhólníihii béé hódiilzííł nihí Bí Nina’ídlá yee bídziilíí hániitáalgo Bí gi’ániit’é diidlééł.

Bí ni’ bikáa’gi na’nítingo, Jesus áhoot’i’ yidzóh, ákon ííyá, dóó be’él’į́ át’éii ye’iiláá. T’áa’ akó-t’áo bí at’éii, hadáałt’e, dóó íinizin binahjį’”²¹ bił oodáał hólǫ́ dóó joogáałjoo beehóziní Bí bikéé’ yiikáhgo dahódiníilzin bee baa’átįįn.

Yisda’iinííł bikéé’ oodáał ałdó’ nihí bee nídiilyééh “t’áa’at’éii bik’i’diitį́į́hii eíí bee hinii’náo háiit’į́”²² lá Diyin God íiniziníí bik’ehgo. Akót’áo éehózin lá doo t’áa nanil’į́ doolééł dóó lá ats’íís k’ehjí ha’íit’į́nii binahjį’ da éí doodáo iináagi baa danhíne’ígíí bee. Kónidzáhjį’, náás dóó nízaagóó bee aha’deet’ą́ bikéé’ hazhó’ó oodáałgo lá eíí Bí yaa bił hózhǫ́.

Lehi Mormon biNáaltsood biyi’ nayiizyéél ts’ída bikéé’ oodálíí ch’ííni’ną́, ha’íí bee nihich’į’ náhwii doo’nááł, dóó ha’íí diyinjí nihá hólǫ́ǫgo bee bikéé’ yiidááłgi nihiká adóólwół dóó yisda-iinííł baa diidááł. Náás k’éhazdon dóó áłts’óozigo atįįn lá Bí ádiilnííł nihó’ní. Tsin bineest’ą’ diilníh dóó t’áá’ awółíbee “Bóhólníihii bee yidiidlááł”²³ nihí bee nihik’ihózhdoodlííł nízin. Akó, Bí hwóshdę́ę́’ ní, Hágo, shikéé yinááł.”²⁴

T’áa’áłah óodlą’ bi’nitáh dóó Jesus Christ bikéé’ oodááł yee’ bee hast’e’ ázh’diil’į́įhgo Bí nizhó-nigo bá nijil’a’ łeh.

Bí bá nijil’a’

“Shoo háit’áo diné ásizį́į yee hóósįįh éí t’áhdoo yá naal’ááhgóó, dóó éí bich’į’ dé’ayooní nilį́, dóó bijéí yits’ą́ądi lá séékos dóó yiká át’į́į́.?”²⁵

Nihí Bóhólníihii ayíwóhgo bééhwiilzį́į́h Bí bá yiilníshgo dóó Bíł haz’áají yiilníshgoo. Áhwiiníiłgo, Bí yá’ąąshdę́ę́’ ak’ihojidlį́ yee nihiká iilwó’, dadiyinii nihaayiilé, dóó yiwógo yíilnish. Nihí Bí da’ák’éh góne’ yíilnishgo doo t’áá niisáhí da.

Bí yee haadzíí’: “Shoo shí nihinii bitsijį’ deeshááł. Shí nihinish’áají sezį́ dóó nihiníshtł’ájí, dóó Shii’ sizį́į nihijéí biyi’ hólǫ́ǫ dooleeł, dóó shá nidaal’a’í nihínáákah, déi wódani-wóhsin.”²⁶

Yisda’iinííł bééhódiilzííł t’áa bíniilánjį’ íinizinígíí íil’į́į́go, íinízinígíí bá bee yéiilti’go, íinízinígíí nihi be’niilt’é yiidléełgo.²⁷ nihí t’áá’ íiyisíí ba’ííniidlí, bee bá yíilnishígíí noosééł. T’áá hazhóó’óó, Bí nihá yinízinígíí hiniizííh, dóó yiká yílnishíí bá bee ch’íilnish, hónaasíí’ “doo Bí bits’áajiigíí eíí Bíí diikíł da.”²⁸

Bí bá yíilnish nihijéí, nihidziil, nihini’, dóó nihitsxe’ ałtso bee.²⁹ Ákwii’níiłgo, t’áá ádaa nitsíjikeesí dine’é biká anjílwo’ ni’gi ats’íís adá yinízin dóó bee sháá hodoo’níh yił áłch’į’ nani-dééh. Biká ahiiyeedígíí ayóó’ii’ní yiidééh. Dóó dine’é biká ajiiyéedgo Diyin God biká ánjilwo’, nihí Bí ayóó-’ii’ní yiidlééł dóó nihik’is dóó nihiláh áhyiwóhgo. Ákot’áo ayóó’o’o’nóo lá bee yit’į́ yilééł diyin bi’áashinee’, azhą́ Christ niłtóoloo yee ayóó’o’o’ní.³⁰

Ázhe’é bich’į’ sodílzin nijéí bee ałtso bínindlíigo, díí ayóó’o’o’ní eíí nihíí’ ha’didoobį́į́ł, bí ałtso t’áá’aaníí biYe’, Jesus Christ, yikéé’ deiyikáhii ałtso yéiidiiz’ą́ǫ; eíí Diyin God biye’ké dah dadooléełgo; eíí yit’į́ í’diiyáo be niilt’éedoo, shoo nihí át’éii yidiiltséełgo; eíí díí dah nihiláanáo; eíí nił tódiidééł azhą́ bí nił tólí gi’át’áo.”³¹

Nihí Bóhólníihii béé hwiilzį́į́ł Be’ayóó’o’o’ní nihii’ ha’dibį́įhgo.

Bí yiniidlą́ągo

Éí lá óodlą’ bee Bí diníitáh, Bí kee’yiidááł, Bí báneiilnish, ndi doo Bí yiniidláa da?

Shí béé dahásin Sodizin bighanjí ídahidiikáii éí t’áá’aaníí dayiiłtsóód dóó bik’ehgo iiná diyingo saad biyi’íí dóó díí yá’áti’doo yee hádaasdzíí’. Dóó bił nidanítłá hane’ yá’at’éehii be’íina’ yee íidoolíiłgi dóó bił haz’ą́ągi. Yisda’iinííł dayoodláa nídi, ndi yee bił ahada’deest’ą́ doo nihich’į’ kódoolníił da danízin éí doodáo be’íina’ yii’ ch’ídoolnish. Shí ałdó’ shik’is dóó shiláh danlį́į nizhónígo déiyilníísh ndi hane’ yá’at’éehii t’áhdoo be’íina’ łáhgo ádeiiléeh da. Nihí Bóhólníihii bééhwiilzį́į́ł doo t’óó yiniidlą t’éiyá bee da ndi Bí ałdó’ yiniidlą́ dóó Bí ákot’éedoo níi.

“Ánii Áha’deet’ą́nii biyi’, azhe’é ła’ Yisda’íinííł she’awéé’ hadíłt’é ánandlééh. Jesus yee háádzii’:

Niísh éí yinídlą́ǫ, bí eíí yóodlą́nígíí óodlánígíí eíí t’áá doole’é ałtso yíneel’ą́.

Dóó awéé’ bizhe’é áádę́ę́’ hááchá, dóó binák’eeshgo adíiniid, Bóhólníihii, íinishdlą́, doo wóoshdlą́ bá anilyééd.”³²

Shí díí azhe’é yókeedíí łą́ądi baa nitsínasekééz: “Doo yiníshdlą́ biká anilyééd.” Shi hastįį daats’í íiyisíí Jesus nihá Nina’ídláii doo t’óó wóodlą t’éiyá yíyokéed da dóó Bí yee na’áłziihíí. Bí t’áá’ iidą́ą́’ Christ yee’ Diyin God yiYe’ nilį́ diiniid. Bdi bí daats’í Áyiilzį́ na’áłzííh yiníshdląąh nóo t’áa’ éi t’éiyá dóó biye’ yee yik’ijidoodlííł. Bí daats’í t’óó Christ yóodlą ndi doo Christ nilį́įgo dóó éí at’ǫ́ǫ yóodlááh da.

Nihí t’áa’ághą́ą́h t’áá’aanii shił bééhózin dii’ní, ndi hazhó’ó binanhídikid t’áała’í niidzinnígo lá yiniidlą́ąsh nihí bééhózinígíí.

Baa hasti’go bee áda’ool’įįł bee’ádziil bi’óholnííh hazhó’ó bee’é’el’íigo Yisda’íinííł ts’ída bee yóodlą́, Bí bee hwiilzį́įł, dóó honáasdi, ha’íí nihił bééhózin yinidlá.

“Dóó [Melchizedek] be’ádziil hane’ yá’at’éehii yee ánootį́į́ł dóó diyin bił haz’ą́ądi t’áhdoo yit’į́ ádaalne’íí bee’ąąnídítįhí dah yoojíhii,azhą́ Diyin God baa íhwoo’ááh bee ąąditį́hígíí.

“Díí bąą, bee áda’ool’įįł biyi’, God k’ehjí bee’ádziil íishją́ní yilééh.”³³

Yiiniidlá dóó bééhódiilzííł Bóhólníihii bee ąązhdítííh Diyin God bi’ééhózin béé ąąnídítį́į́h biyi’ Melchizedek bibee’ádziil daadilkáł ’ąą’át’į́į́h dóó nihá bóhoneedzą́ t’áała’í niidzínigo nidoolyééł be’átse’ nihe’íina’ bee diyin k’ehjí yiidááł. Yiiniidlá dóó bééhódiilzííł Yisda’iinííłíí Bí kéé’ yiikáhgo diyinjí bee áda’óol’į́į́ł binahjį’ nihaadoolyééł dóó yiwóhgo beníilt’é yiidléeł.³⁴ yiníidlą́ dóó Christ bééhwiilzííł nihí łahgo ádeiyiníi’nííł, ńdeizííh, nihitse’néiidleeh, dóó Bí nihá Nina’ídlá bibee’ádziil bee diyingo áshilééh. Yiniidlą́ dóó Ábiilzį́’ bééhwiilzį́į́ł akó “bizaad bítse’ii nihiyi’ [dah ádidootł’óół]”³⁵ lá nihini’ dóó nihijéí biyi’di yisdzóh,³⁶ dóó nihi ałtso [nihi] bąąhá yóó’adiilníiłgo [Bí] bééhódiilzįįł.”³⁷

Bí yiniidlą́ lá ba’iiniidlóo eíí Bí yee ak’ijidlįį doo niníti’ii akǫ́ǫ́ dahólǫ́ dóó nihe’íina’ dóó niha’-áłchiní bá ályaa. Nihii’sizį́ ałtso bee Yíniidlą́ǫ nihí náás bił aha’diniit’ą́³⁸ bee yiidááł, niizįnée ni’ kwíil’įįh Bíjoo íil’įįh, dóó Bí atsijį’ yooníł íilnííł dóó bini’ da’ílkeed. Yíniidlą́ǫ—nihił t’áa’áko be’ádziil dóó aayidini’ąąí—bee nihe’íina’ bee níil’į́, bii’ hoozyéél, dóó bił hózhǫ́.

Aa deet’ą́ dóó t’áá’aanínii

Náásdi jį́įgo, “nitsidazh didoogóh, dóó hatsóó’ bee háhizhdoodzíh”³⁹ Jesus eíí Christ nilį́. Eíí jį́įgo, nihił bééhódooziił nihízhi’ yeéhósingo nihił béédahodoozį́į́ł. Dóó shí ádishní dóó t’áa t’óó Bóhólníihii bééhóniilzin ní ndi Bí ałdó’ bééhódiilziił óodlą’ bíniitáhgo, bikéé’yiidááł, bá néiilnish, dóó Bí yiniidlą́. Shí t’áá’aanii baa hasti’i’go t Jesus Christ bízhi’ díshní, áamen