Tį́’ Ahéhee’ dóó Hodílzin Bee Hinii’ná
Iił-káahjį’ Dabóodlą’nii, Damǫ́ǫgo oo’ááł lá ahééh hásin dóó ayóó’o’o’ní biniiyé.
Shik’is dóó shiláh éí nihokáá’góó oołáhígíí Jesus Christ biSodizin bighan Iił-káahjį’ dayóodlą’nii. Shí baa ahéeh nísin Naat’áanii Thomas S. Monson díí Damǫǫ biyi’ nihich’į’ hadíídzih shidíí-niid. Shi Diyin Ii’sizį́į shizaad nihijéí yiih yidoojíhii biká sodiszin.
Shí dííjį́ ajéídi na’ííłnaníí baa yádeeshtí nísin. T’áa ła’í íiyisíí dííjį́ dinóoł’iiłíí ahéhóó’—kána’adá biníí’dę́ę́’ íiyisíí.
Nihí lą’ígo t’áá doole’é baa ahéhóó’ níizin: doo bééhoniilzin bá’ahwiinítį́, dichin niidlíigo ła’ niha’áłtso’, dahódiłtį́įhgo hooghan bikáá’ dah azhóózh, tsin k’e’éltǫ’ę́ę eíí nádzíh, dóó awee chi’í bítse’go hááchá. T’óó’ ahonii’yóí ákohootį́įhgo ahéhóó’ dadii’níídíí béédeilnííh.
Shoo Iił-káahjį’ Dayóodlą́, Damǫǫ biyi’ ahéhee’ dóó ayóó’o’o’ní bá alyaa. Bóhólníihii yíiyá yił ní Dayóodląníí nléí Jackson County, Missouri, 1831 biyi’ eíí bisodízin dóó be’ahéhee’ ts’ída yá’ąąsh jígo íiti’doo. Ánii dayóosdląądígíí yee’ hait’áo Damǫǫgo dóó t’áa adą́ní dóó sohódizin bił yit’į́ ályaa.1
Áají, dóó nihijí, Damǫǫ Bóhólníihii yee bił hóone’ hait’áo hódilzin dóó Damǫǫ ahéhee’ ha’ní. Baa shį́į́ ákonoozíí’, agháago éiyá hait’áo a’iiláii haayiléhii hwóyooł’nááł. Kwǫ́ǫ́ hait’áo Bóhólníihii bizaad baa ahéhee’ dii’ní dóó hait’áo Damǫǫ ayóó’í’ii’ní:
“Shí bee haz’ą́ ła’ bich’į’ kóshłééh, kóníigo: Ní Bóhólníihii niDiyin God ałtso bee ayóó’iini’ní nijéí, ałtso ne’ádziil bee, níni’, dóó ne’atsxe’; dóó Jesus Christ bízhi’ binahjį’ ní bá nanil’a’ doolééł. ...
“Bóhólníihii niDiyin God t’áa doole’é ałtso biyi’ ahéhee’ bidóhní.
“NihiBóhólníihii Diyin God t’áa doole’é ałtso biyi’ ahéhee’ bidóhní.”2
Dóó índa Bóhólníihii yíiyá doo ayóó’iinóh’ní dóó doo baa ahéeh nóhsin da aZhe’é Diyiníí dóó Jesus Christ niha’iilé nilį́į: “Dóó diné doo Diyin God yee yi’íitsíhí da, éí doodáo doo ła’ yik’ijį’ bá hachį’ da, t’áa hazhó’ó diné doo t’áa doole’é ałtso ádaach’íít’aah, dóó doo bibee náhaz’áanii ye’áł’į́nii.”3
T’óó’ ahonóhyói k’ad da’íisółts’ą́’íí Damǫǫgo Diyin God benáłníigo baa nihił hózhǫ́ dóó nihik’iji-dlínii baa ahéhee’ bidóhní. Nihí haashį́į́ nidzáadę́ę́’ sin nidadiit’a’:
Ne’íina’ bił halbáo ni naaná-hiitáł,
Naah ná honiikáadgo, ałtso doo silį́’í da,
Nik’ijisdli’ yiniłta’ t’áała’óó yinzhíh,
Dóó Bóhólníihii áyiiláii niyá hodidoołhís.
Nik’ijisdli’ yiniłta’;
T’áała’óó yinzhíh.
Nik’ijisdli’ yiniłta’;
Diyin God áyiiláii nin’į́. …
Niyéél’ísh áyói’ aniłdáás?
Yitį́į́ł ni’di’níniísh nidááz?
Nik’ijisdli’ yiniłta’ iłhalą́ áhidoot’á,
Dóó yoołkááłgóó adii’ááłdoo.4
Iił-káahjį’ da’óodląnii náaltsoo shich’į’ ádeiił’į́ dóó shaa nídaakáh éí biyéél danídáazgo. Ła’ ídei-nízin, bí naazį́įdoo, bił ahóóyáh. Shi íinisin dóó baa sodísziníí eíí ha’íí dideeshnííł biká adool-wółgo yaa ne’nilį́į áhidoot’áh dóó bijéí yi’di ída’dínootáł, t’áa’ íiyisíí t’áa bááh dóó tó yilzį́įgi yá oohhááh.
Ni éiyá t’áałahígo bee ak’ihojidlí baa ahéeh diníizį́į́łii eíí nihi yee’ bááh dóó tó yilzį́į́h góne’ siidáh, biizhá t’áała’í éí doodáo naaki bízhi’ yikéé’ sizį́į bił. Ła’ shi áadi naasháa dooyę́ę danízin ndi azee’ál’į́įdi dóó dine’é yik’idadéez’į́į́’ éí doodáo nihich’ą́ą́h nidaabááh nléi dzíghaidi éí doodáo tsitahdi. T’óó eíí ni háiida Óodląníí bił ahíidii’ásh dóó bááh dóó tó yilzį́į́h bee ahéhee’ diniizį́į́ł dóó Diyin God joobe’íí ayóó’iini’ní. Díí ak’ihojidlí yiníłta’ dóó bee nilnííh.
Bá yáłti’í Joseph Smith dóó hane’ yá’at’éehii ninálya biniinaa, naaki bee ak’ihojisdli’ bíídiidzóhii eíí nihí t’áa Damǫ́ǫ bááh dóó tó yilzį́įhgo chonéil’į́į́h—hasht’éel’į́į́h, bik’isohodíziih, dóó atáakááh Diyin God. Ni Diyin Ii’sizį́į yee lą́ ni’ííłééh baa ahéeh díniizíiłgo eíí sodízin bizaad diyingo ál’į́į́h, bee’ádziil bee hólǫ́nii jooba’go áyiił’į́į́h, éí aZhe’é Diyiníí yá ye’ííł’į́į́h.
Ni yiwóhgo ayóó’o’o’nínii baa ákoninízin diileeł, éí ná ni’ádeet’ą́ǫ nik’ihójidlį́hígíí ná bíighah silį́į́’ ahéhee’, ni bee bił aha’diinit’ą́ ánii áneinil’į́įhgo “áłahjį’ bí beenílnííh.”5 ni azhą́ dah ayóó’o’o’ní dííní dóó Diyin Ii’sizį́į baa ahééh diníiziił, éí aZhe’é Diyiníí áłahjį’ nił hólǫ́ǫ doogo naadeet’ą́ t’áá bee ádeeheenídzíí’ be’íílíigo. Ni t’áá Damǫ́ǫ bik’eh néiiniltáh dóó t’áá be’áha’-deet’ą́ benínánilníh bik’eh.
Damǫ́ǫgo íiyisíí bee díílní tó bee ni’doolzíi’go bee bił áha’diinít’ą́nę́ę ayóó’i’ííníshní dóó aZhe’é Diyiníí ba’áłchiní bá baa’áhasyą́. Eíí bee ádeehadíínizí’ę́ę be’díílíiłgo na’nítin góne’ haanídzih éí doodáo bee’ádziil áłhiikáhgi nijéí t’áa’át’é bee ánt’į́įgo ne’óodlą’ dóó nik’is dóó niláh bee ayóó’-iini’nínii noosééł. Náa’ áłdó’ náanish naadeet’ą́nę́ę bininídlíigo biyílnish.
T’ahdíí Damǫ́ǫgo Bountifulgi, nléí Utah biyi’ diigan danilį́į naaníshtiih ńt’ę́ę́’, náa’ áłdó’ nléí Idahodi Damǫ́ǫgo naa’níshtiih ńt’ę́ę́’. Benáshniih shich’ooní áłchiní yazhí yił náalnishjí biká anáshwo’, daane’í baa náshnił dóó náahashdlá t’éi shináanish.
Lą’í náahaidi índa Ii’sisį́į binahjį’ baa ákoniizį́’ii eíí doo ayóó nanitł’áhígíí binshishnishíí aZhe’é Diyiníí ba’áłchiní bił da’ílį́. Bikee’ ts’ída tsídeesyis, ła’ dikwíishį́į́ nááhai ndi Ábiilzį́ bá náashnish ch’ééh be’ésléhii yéédaalnííh.
T’áá Damǫ́ǫgo áneiilnishígíí áłahjį’ doo yiit’į́į da hait’áo aká iilwódígíí, nihi dah Bóhólníihii yá nidaanishíí doo bééłt’éego í’iilníił da. Ndi Bóhólníihii bił haz’ąnii hazhóó’ígo náás kóyoolííł dóó ła’ dimiil yazhí nááhaidi ayóó’áhonóolnindoo t’áá bee ááha’níihí baa hódoolzhish. Diyin Ii’sizį́į bee índa nizhǫ́nii yidiiltsááł.
Dine’é Sodízin bá hooghan ch’ééh íidooł’į́į́ł yaa laanáá danízinígíí t’óó bąąh nidahódookáł. Shí New Jerseydi t’áa dikwihí Damǫ́ǫgo bááh dóó tó yilzį́į́gi nidaakáh dóó ła’ hooghan haz’ą́ądoo, t’áa shí shighandoo. Tsosts’idíín-áshdla’ nááhaidą́ą́’, Philadelphiagi tó bee shi’doolzį́į́’ ákwii So-dízin t’áała’í ályaago nléí Pennsyvania éí doodáo New Jersey dę́ę́’ nídaakáh. Nléí Princetongi kin áłts’íísigo bii’ yah ánjijáh, ákwe’é k’ad naakigo lą’í yah ánajáh. Dóó índa dikwiishį́į́ yiską́, danée-séłí nléí Philadelphia Pennsylvania aTáá’ Bíghan yiidlísh bitsijį’ bee ééhaniihgi dayiił’a’.
T’ah ánii naasháo, t’áa áłtsisígo Albuquerque, New Mexicojí kin ályaadóó na’nítin bá hahóódzoo na’nítiní nishłíí ńt’ę́ę́. Díijį́ áádi aTáá’ Bíghan ályáo dį́įdę́ę́’ tséik chodayóoł’į́.
Shí Albuquerquedóó nléí Cambridgejį’, Massachusettsgóó ólta’ biniiyé dah diiyá. Akwe’é kin ałts’íísigo nléí Massachusetts dóó Rhode Islanddę́ę́’ Damǫ́ǫgo áłah na’ádleeh. Shí dadaask’idgóó Damǫ́ǫgo bááh dóó tó yilzį́į́ kin bitah tándishdaah, agháago kin bik’é nida’jiidéego éí doodáo ła’ bighan hasht’eh nályáago biyi’. K’ad áádi aTáá’ Bíghan baa hashti’íí Belmontgi si’ą́ dóó téik dah daaskid bitahgóó nááznil.
Shí íídą́ą́’ doo hazhó’ó yish’į́į daíí eíí Bóhólníihii yee’ Bí Ii’sizį́į dine’é yik’ih yá yiiłį́įgo Damǫ́ǫ-go dóó dahooghangóó bááh dóó tó nidaalzį́į́h. Baa ákonisin, ndi hahgooígíí doo yis’į́į da dóó Bó-hólníihii kin nidéidoonił dóó bihaz’ą́ ayóó’át’é íidoolííł. Áyałti’í ła’, yit’į́ ałyáa bee, yiyiíłtsą́ dóó yaa na’íizoh nihí k’ad déiilts’ą́ dóó danhidiis’áá’. Nephi ádííniidii eíí doo ts’ída t’óó’ ahonii’yóí diidléeł da, ndi bee ádinídinii eíí ts’ída nizhǫ́nii deiidiiltsééł.
“Dóó áhoodzaaígíí eíí shí yee’ Diyin God Biyazhí biSodizin Bíghan nesh’į́, dóó lą’í da’átahda. …
“Dóó áhoodzaaígíí eíí shí, Nephi, Diyin God Bíyazhí yee bi’átse’ii yiiłts’ą́, eíí Bíyazhí biSodízin bíghanjí dayóodląníí éí bik’ih dahazlį́į́’, dóó Bóhólníihii bidine’é yił áha’diist’ą́nę́ę, éí nahasdzáán ałtso aheez’áágóó yikáá’ ádiitą́ą́d; dóó diyin k’ehjí iiná bee bits’á honiyéé’ ádaat’é dóó Diyin God be’átse’ biyi’ ayóó’at’áo bił hólǫ́.”6
Díí hoolzhish biyi’, benált’áo náás baa hoone’ kwii áhoot’ée dooígíí dóó honáasdi bee nihá hwii doo’ááłíí Na’nítin dóó Aha’diist’ą́ biyi’ náháadzo:
“Nihí ńléédę́’ii t’ahdoo bida’doohtííh da ayóó’át’éii aZhe’é yee nihik’izh doodlííłígíí bíla’ yee dah yoojíh dóó nihá hasht’eet’áo;
“Dóó k’ad doo t’áa’ ałtsoní bee hinóhná bíighah da; akót’ée ndi, t’áá nihił hózhǫ́, háálá náásjį’ ni-hees’ísh. Haz’ą́nii nihí dóó áádóó bee ak’ihodlį́ nihí, dóó ahool’áo be’at’į́ nihí.
“Dóó t’áá haishį́į́ t’áá’ ałtsoní baa yi’nilíí yaa ahééh nínii ayóó’at’é ádoolnííł; dóó díí nahasdzáá binaadééł bá bíhiidoo’níł, azhą́ ła’ neeznádiinjí’, aoo’, biláahgo.”7
Shí eíí shii’di baa ákoniizíí’ ahéhee’ ąą kweeníilgo iiná łáhgo áyoolííł Diyin God be’ak’ihojidlí dóó ayóó’oo’ní Sodízin Bíghan nihokáá’ ąą noosééł. Áko Sodízin Bíghan nihokáá’góó yihidiikaíí be’óodlą’ bóhonitáhígíí bitáhóó ts’ída ąą kót’įįh, áádi ts’ída Diyin God nihiká anilkééd deiiłní.
Łahda ákot’éii nahónit’á biyi’ óóldahgo, t’áá Alma bidine’é bee átidabidil’įní gi’át’áo Amulon biyáagi, éí hééł ts’ída nidaazígíí nidéiijidgo ábiiláá:
“Dóó áhoodzaíí eíí ti’náakaigo Bóhólníihii biinéé’ yee bich’į’ haadzíí’, kóníigo: nihi tsíítsiin déi’ ádaalééh dóó yá’at’ééh bee dayoołhééł, háálá bee shił ahada’sidóht’ą́nígíí éiyá shił bééhózin; dóó shidine’é bił áłha’dinisht’áah dóó ąąh shijéé’dóó ch’ídeesh’ish.
“Dóó nihiwos bikáá’jí éiyá yééł aszóligo ádeeshłííł. Eíí azhą́ deiyínołjeedgo doo baa ákodanóhsin dadoo, azhą́shį́į́ ąąh shoojée’ ndi; dóó díí nihá íishłáago náásee’ aanííjí shá bee nisoozį́į doo, dóó ts’ída eíí t’áa’aaníí nihił béédahódooziiłíí eíí, Bóhólníihii Diyin God nishlį́į, shidine’é ti’dahoo-níihgo baa deeshááł.
“Dóó k’ad áhoodzaíí eíí Alma dóó dabik’is yéél bił danidáago nidéiiłjihdéé éiyá ászolí ádaalyaa; aoo’, Bóhólníihii bítse’go ádabiilao eíí yééł doo bił nidanitł’ágóó nidéiiłjid, dóó yaa bił dahózhǫ́ dóó Bóhólníihii ałtso íinizinígíí yił déiyikááh.”8
Ní dóó shí aaníí yiiltsą́ eíí Bóhólníihii bibee náhaz’áanii haa’íshį́į́ bik’eh hóniil’į́ siidlį́į’, t’áá’ íiyi-síí nihił nanitł’ágo eíí, baa ahééh níizinígíí bí yidiizts’ą́ą́’ ha’íshį́į́ t’áá’ iidą́ą́’ nihá áyiilaíí dóó biká sodíilzingo nihítse’go íiniidłą́ągo yiidááł, t’áała’í biláahgo Bí nił hóóshǫǫd t’áa bił nitse’ ániilaa.
Nihí dah ha’íi lá she’íina’ bee ádeeshłííł dóó díí Damǫǫ biyi’ bee hódinóhsingo ahéhee’ dóó bee níhitse’ dóó ła’ diné eíí náasdi bee níhodinóotahíí biká.
Nihí bee hwiidooł’ááł t’áa nihí dóó nihighandóó Diyin God ałtso nihá áyiiláii ahéhee’ dabididóóh-niił. Nihí Bóhólníihii nihił bééhodoozííł biká bich’į’ sodółzin áko Bá dóó ła’ dine’é bee bá adoolííł. Íiyisíí, Diyin Ii’sizį́į háishį́į́ doo bił haldin da éí doodáo bi naalyéhé adiníí Bóhólníihii bá baa díínááł.
Shi yee’ nihísodízin bee nihił hódooní dishní, dóó bee nihił hóone’ bik’e ó’oołíigo, nihí Damǫǫ biyi’ nihił hózhǫ́ǫdoo dóó nihijéí biyi’ biináodoo. Shí eíí Diyin God aZhe’é nilį́į neehósin dóó ayóó’anó’ní dishní. Yisda’iinííł ná ni’ídáh. Nízhi’ yee hósin t’áá Bá yáłti’í Joseph bízhi’ yee yiyíí-zhi’í gi’át’áo nléí yił yit’į́ í’diilyaadą́ą́’. Shí eíí ts’ída aaníí díí Jesus Christ biSodízin Bíghan át’é dishní dóó Bí eíí bee bił ałha’diyint’ą́nii yidósindoo. Jesus Christ bízhi’ binahjį’, amen.