Church Auditing Department Report, 2016
Sa Unang Pangulohan sang Ang Simbahan ni JesuCristo sang Mga Santos sa Ulihing Mga Adlaw
Dear Brethren: Bilang gintalana sang bugna sa Seksyon 120 sang Doktrina kag Mga Kasugtanan, ang Konseho sa Paggamit sang mga Ikapulo—nga ginalakipan sang Unang Pangulohan, sang Korum sang Napulog-duha ka Mga Apostoles, kag sang Pangulohang Bishopric—nagatugot sa paggasto sang pundo sang Simbahan. Ang mga organisasyon sang Simbahan nagagasto sang mga pundo suno sa gin-aprobahan nga mga budget, mga panulin, kag mga sulundan.
Ang Church Auditing Department, nga ginalakipan sang mga titulado nga mga propesyonal kag hilway sa tanan nga iban pa nga mga departamento sang Simbahan, may responsibilidad sa paghimo sang mga audit para sa katuyoan sang paghatag sang nagakaigo nga pagpasalig parte sa mga amot nga nabaton, mga gasto nga ginhimo, kag sa pag-amlig sang mga manggad sang Simbahan.
Basi sa mga audit nga ginhimo, ang Church Auditing Department may ara sang opinyon nga, sa tanan nga importanteng bahin, ang mga amot nga nabaton, mga gasto nga ginhimo, kag ang manggad sang Simbahan sa tuig 2016 gin-record kag gingamit suno sa gin-aprobahan nga mga budget, mga panulin, kag mga sulundan sang accounting. Ang Simbahan nagasunod sa mga sulundan nga ginatudlo sa mga miyembro sini subong sang paggamit sang budget, paglikaw sa utang, kag pagsupot para sa panahon sang pagkinahanglan.
May pagtahud nga nagasumitir,
Church Auditing Department
Kevin R. Jergensen
Managing Director