Rengul a mla Melakl el Dil
Me bo deruul a rokui el sebechel el moua a rengul a melakl el dil, el meral ngara deureng er a klengeltengat el ngmai a soad.
Ngak a ngeltengat el mla mesiou el teloi ra Resanto ra chelsel a Pacific ra klengar ngak. Klaumerang, beltik el reng, ma meringel el klengar tirkal blak a rengrir el Santo a smisichii a renguk, e rullak el mereng a saul, ma deureng. A cheldechederir a di uai kemiu.
Ak mla mo mdengei el kmo tirkal Santo a betok a losisiu er ngii el di ua mesobil redil el Osobel a mle omes er Ngii a “ledengchokl … e lomes ra rechad el me omechei a udoud ra blil: e betook el mle merau a lilechang a betook el udoud.
“E ng mlei a tal chebuul melakl el dil, e milchei a teblong el udoud. …
“Ngii a mle oleker ra roltirakl er ngii, e dilu er tir el kmo, A kmal kmung er kemiu, ngkal chebuul melakl el dil a mla lochang a betook, er tirkel rokui el mla melechang a udoud:
“Tem le … melechang a betok; e ng di ngii a mle lochang aikel rokui lolab, ikel rokui ngarngii er ngii.”
Ng mle kekerei a ududel, e ng di a denguu ra Osobel e ng kmal mle klou, le ngii el lilechang a rokui. Seikid el taem, e a Osobel a mlo mui el medengelii ngkal redil, le sengk er ngii a mle ochotii a rengul el mo er Ngii. A klungel ma delchel a beltik el reng ma klaumerang er ngii a mle mesisiich meng mle medengei el kmo ng lochang e a ikel “soal” a di mo ungil besul.
Ak mla mesang tial osisiu el reng ra Resanto ra Pacific. A tal kekerei el beluu ra tara ikal iuns, e a klou el chad ma bechil a kilengei ra ongit ra remisionari el mo meral olengit ra Dios el kirel a suobel el tir a milsuub el kmo ng klemrang. Chelsel tial teletael, a te dirrek el mle omdasou ikel mo dubech ruriul alsekum e te kongei ra nger el tir a nguu el mo chedal a mla moluut el ebangeklio. Te mle olsengerenger e meluluuch el mo medengelii a klemrang ra Ikelesia ma kleemrang el kirel a Babier er a Mormo. A nger ra nglunguchir a mlei el chelellakl e bleketakl el nger: “Oi! Ng klemrang!”
Sera lenguu tial sioning, e te mililt el mo metecholb. Ng dimlak el beot el tekoi. A omelilt er tir el mo metecholb a kmal klou al temellii ra klengar tir. Ng mlo diak loureor, mlo diak a deruchellir ra buai, mlo diak a resechelirir, diak a ngeso, beltikel reng, me a omengull ra rechad ra telungalek er tir. Te di me merael mora ikelesia ra bek el Sandei, el diak lungil kasues tir mar sechelirir mar tonari er tir el merael ra bitang.
Tiaikid el meringel el teletael, a ngkal ungil odam a luleker ngii el kirel omelilt er tir el mo chedal a Ikelesia. A beot e mesisiich el nger ngii a mle “Ng klemerang, ng uaisiei? Ng mle bleketakl a omelilt er kemam.”
Tirkal terung el beches el mla obult el Santo a meral ulebang a rengul a melakl el dil. Tir, a uai ngkel mesobil dil, “a lilechang a rokui” el sebechir, aikel roki el ngarngii er “tir.” A uriul ra klaumerang e outekangel er tir ra meringel el taem, e tem lo kebekakl. Te ngilai a ngeso ra rerechedal a Ikelesia, e mlo mesisiich loeak a omesiou er tir ra ngerchelir ra Ikelesia.
Uriul ra lechang a “rokui,” a kmal ungil sils er tir a mlei er sera bol moak el telugnalek el mora ulebongel ra chelsel a templo. Ng uai tirkel ulebult ra taem ra Alma, “el Rubak a millisiich er tir meng mlo kebekakl a chelngelir, e mlo ungil a rengrir e klou a rengrir ra ikel rokui el soal a Rubak.” Tiaikid a rengul a mekakl dil ulecholt er tirkal ungil chad.
Ak muut el melekoi ra tara teletael el rengul a melakl dil a mlo mui el chemolt. Chelsel a beluu ra Samoa, aki mle oureor lobengterir a remerredel ra beluu el mo sebechir a remisionari el mo olisechakl ra ebangkelio. Sesei el rak ra memong, ak mle chadecheduch ngak ma merredel ra tara hang el misionari er kid a dimlak el kengei er tir, el betook el betook el rak. Dimlak el kemanget el taem ra uriul ra kungedecheduch ra ngarbab el merredel e tial hang a kongei ra Ikelesia, meng mlo sebechir a remisionari el mo olisechakl er tirkel sorir el mesuub ra ebangkelio ma osisecheklel.
Uriul ra betook el rak, ruriul ra tial mengasireng el teletael, ak mle melemlim a renguk el mo medengei el uase ngera uchul ma ngarbab el merredel a kilengei. Ak mle oker tiang, e ngkal merredel el kulngedecheduch er ngii a millekoi el kmo, “A chad a sebechel kiei ra iilkolk el telkib el taem, e ng di ngarngii a taem e ng mo oureng el tuobed el mei ra llomes.”
Ngkal ngarbab el merredel, ra lekengei er tial beluu, a mle ochotii a rengul a melakl dil— el reng el mo medemdemk sel bo lodengelii a llomes ma klemrang el mocholt. Ngkal merredel a mle soal mo mechei a uldelid el siukang, e mochemau a ultok, e dechor el mesisiich me luchul a rebebil bol ngeltengat. Ngkang a merredel el mlo omdasou el kirel a klengar ma deureng ra rechedal e diak lomdasou ra uldelid el siukang, omeruul, ma klisichel. Ng mlo mechei aikal betook el sebekreng e oltirakl ra tekingel a President Thomas S. Monson a mla olsiechakl el kmo: “Sel doltirakl ra okesiu ra Osobel, e kid a mo llomes el mora klengar ra rebebil.”
A ulebongel, ek luut louchais ra teletael ra delongelir a Resanto ra Pacific el ngii a melemolem el delalm ra chelsel a renguk. Bebil rak ra memong, ak mle counselor ra bisop ra tara beches el ward ra American Samoa. Ng mle oketiu ma kltiu a rechedal a ikelsia el ouemsingd el chad ra sers, kombalii, oureor ra kabelment, ma telungalek er tir. A First Presidency ra lotebedii a tekoi el kmo a templo a mochu dechor ra Samoa, e ng mlorngii a deureng ma omereng el saul er kemam el rokui. Sel taem e a de bora templo eng di kired el mora Hawaii malechub a New Zealand. Tia mle meringel a cheral lomerael el diak el sebechir a rebetok er tirkal chad ra Ikelesia el kudmeklii.
Tiakikd el taem a rechad ra ikelesia a mle kirir el melechang a sesei el udoud el mo olngeseu ra okedecherul a templo. Tiaikid el uldasou, a rechad ra bishopric a ulengit ra rechedal a ward el mo ngara nglunguuch el kirel aikel sebechir lodars. A sils a miltutk el bek el telungalek a mlo kldibel e odars a ngeso er tir. Uriul, ra bocha lomes aikal ngeso, e a rechedal a bishopric a kmal mlo mechas a rengrir ra klaumerang ma blekerurau lomerellir tirkal chedal a ward.
Ngak el medengei a techerelbesir a bek el telungalek, e ak mlo omelchesiu el mechas a renguk, e mengull, e ngariou a renguk. Tir a meral, mle oba reng ra mesobil dil, ra chelechal taem el mle odars “aikel” ngarngii er tir loba deureng er sel yaksok el kirel okedechrul a templo ra Rubak ra Samoa. Tirkal telungalek a mla odars aikel sebechir el mora Rubak, lultuil ra klaumerang el kmo ng diak bol chebuul. A sengk er tir ochotii a rengul a mesobil dil. Tirkel rokui el uldars a mle semeriar e ungil a rengrir le reng ra melakl dil lobang a mle ultuil ra klauemrang ra ikel medechel el klengeltengat el kirir ma telungalek er tir, ma rokui el chad ra Samoa ma American Samoa, ra betook el telcheroll el merael mei. Ak medengei el uase aikel uldersir, ma reng ra mesobil dil, a ble lodengei e kilengei a Rubak.
A rengul a melakl dil el lilechang a teblong el udoud a reng ra locha rokui e mo kurusii; loutekangel ra ringel, odechelakl, ma otub; e otekau a rokui el berraod. A rengul a mesobil dil a reng el medengei, omelchesiu, e medengeli a llomes ra klemerang e meruul a rokui el mo medngelii a klemerang. Ng dirrek el olngeseu ra rebebil el mo medengelii osisiu el llomes e mo ngara osisiu el deureng. E dirrek, a rengul a mesobil dil a blakelreng locha rokui el kirel a teketekel a rengedel a Dios ra beluulechad.
Bodedak el rokui el Santo ra beluulechad e bod obang a rengul a melakl dil, e meral ngara deureng ra klengeltengat el mo mekeek aikel “soad.” A nglunguchek el mora dersta er kid a ongit el mo otekau a berraod er kid, e bo decharm, e mo mesisiich a rengud lolngeseu e meruul. Ak yaksok el kmo a Rubak a diak bol cheroid er kau. A rengul a mesobil dil a mui ra omereng el saul el Osobel a mlara “klengitelreng, e medengelii a chelebuul” me kid lak bo desiseb ra “osisiu el teletael.” Ng diak el iior ra chelitechetud ma telitur kid, le iakikid a uchul, e Ngii a melemolem loldars ra Chimal, el mildeel el kired. Ngii a mo sobecheklid alsekum eng meral soad el mo oba llomes ra ebangkelio er Ngii, e osiik er Ngii, e kognei er Ngii meng “ngosukid.”
A kuchais ra klaumerang er ngak ra dmolech el beltikreng el sebeched lochotii kid el oltirakl e chedal a Rubak el Jesus Kristo. Ng betik a renguk e ldubech ra President Thomas S. Monson el profet ra Dios ra beluulechad. A Babier ra Mormon a tara sioning ra Jesus Kristo el mora beluulechad, e ngak a siotai ra rokui el mo menguiu er ngii e bo betik a tekoi el mer kau. Tirkel rokui el kongei ra ongtil a Rubak el mei er Ngii a mo metik ra budech, beltik el reng, ma llomes. A Jesus kristo a ngarbab el Okesiu e Olsobel er kid. Ng di okiu a Jesus Kristo, ma mengasireng el Tngakireng er Ngii, e kid a mo nguu a diak a ulebengelel klengar. Aikang ak sioning el ngara Chedaol ngklel, ngi el Jesus Kristo, amen.