Na Motema Mobimba
Tosengeli kozala balandi ya Yesu baye bazali na esengo mpe bazali na motema mobimba kati na mobembo na biso moko ya kimoyekoli.
Ntango mosusu, esungaka mpo na koyeba nini kozela.
Pene ya nsuka ya mosala na Ye, Yesu ayebisaki Bayekoli na Ye ete bantango ya mpasi ekoya. Kasi Alobaki lisusu, “Tala ete botungisama te.”1 Iyo, Asengelaki kokende, kasi Asengelaki kotika bango moko te.2 Asengelaki kotinda Molimo na Ye mpo na kosunga bango bamikundola, batikala ngwi, mpe bazwa kimia. Nkolo akokisi elako na Ye ya kozala na biso, bayekoli na Ye, kasi tosengeli kokoba kotalela Ye mpo ete asalisa biso koyeba mpe kosepela na kozala na Ye kati na biso.
Bayekoli ya Klisto bakutanaki mbala mingi na bantango ya mpasi.
Moninga na ngai moko atindelaki ngai mokanda moko ya kala uta na Nebraska Advertiser, Midwestern United States newspaper, ekokomama na sanza ya motoba 9, 1857. Ekomami: “Na tongo ya lelo kompani moko ya Bamormon elekaki kokendaka mobembo na bango na Salt Lake. BasiBasi (ya mpiko) bazalaki kotambola na makalo ya maboko lokola banyama, [mwasi] moko akweyaki na potopoto wana ya moindo, yango esalaki mwa botelemi moke ya bato wana. Bana mike batambolaki na mpasi na bakazaka na bango ya [kokamwa] bazalaki na mokano kaka lokola bamama na bango.”3
Nakanisaki ebele na ntina ya mwasi oyo akweyaki na potopoto. Mpo na nini azalaki kobenda ye moko? Azalaki mwasi monzemba? Nini epesaki ye bokasi na motema, mpiko, boyiki mpiko mpo na kosala mobembo wana na kati ya potopoto, atiaki biloko na ye nyonso likolo ya likalo ya maboko mpo na kokende na ndako ya esobe oyo ayebaki te—bantango mosusu bazalaki kotiola bango na batali?4
Mokambi Joseph F. Smith alobaki na ntina ya bokasi na nbango ya motema ya basi bapionie oyo, kolobaka: “Okoki kobongola makanisi ya mwasi moko oyo na bomipesi na bango na Eklezia ya Yesu Klisto ya Basantu ba mikolo mya nsuka? Okoki kozipa makanisi na bango na etinda ya Profeta Joseph Smith? Okoki kozipa makanisi na bango na etinda ya bonzambe ya Yesu Klisto, Mwana ya Nzambe? Te, ata moke te na mokili bokoki kosala yango. Mpo na nini? Mpo ete bayebaki yango. Nzambe abimisaki yango epai na bango, mpe basosolaki yango, mpe nguya moko te na mabele ekoki kolonga bango uta na maye bayebi ete ezali solo.”5
Bandeko mibali mpe basi, mpo na kozala lokola mibali mpe basi oyo ezali libiangi ya mokolo na biso—bayekoli oyo batimolaki na bozindo mpo na kozwa bokasi ya kokoba kobenda ntango basengamaki kotambola na esobe, bayekoli na makanisi ete Nzambe nde abimisamaki epai na biso makambo maye, balandi ya Yesu baye bazali na esengo mpe bamipesi mobimba na mobembo na biso moko ya kimoyekoli. Lokola bayekoli ya Yesu Klisto, tondimelaka mpe tokoki kokola na babosolo misato ya ntina.
Ya yambo, Tokoki Kobatela Mayokani na Biso, Atako Ntango Ezali Mpasi.
Ntango bondimi na yo, libota na yo, to lobi na yo ekoya etungisami—ntango ozali komituna mpo na nini bomoi ezali mpasi makasi ntango ozali kosala makoki nyonso mpo na kotosa nsango malamu—mikundola ete Nkolo ayebisaki biso tozela mitungisi. Mitungisi ezali eteni ya moango mpe elakisi te ete osundolami; ezali eteni ya maye malakisi kozala ya Ye.6 Ye azalaki, nsima na nyonso, “moto ya mawa, mpe amesanA na mpasi.”7
Nayekoli ete Tata na Lola amitungisaka mingi na bokoli na ngai lokola moyekoli ya Yesu Klisto mpe Ye azali na bolendisi na ngai. Nakoki ntango nyonso kolinga te yango ezala bongo—kasi ezali bongo!
Kozanga mikakatano, ememaka nguya te. Nguya oyo tosengeli na yango mpo na kolonga moto ya mokolo na biso ezali ya Nkolo nguya, mpe nguya na Ye etambolaka elongo na mayokani na biso na Ye.8 Mpo na koyekola na bondimi na biso ntango tokutani na bikumbaki ya makasi—tosala makasi mokolo na mokolo mpo na kosala maye toyokanaki na Mobikisi ete biso toko sala, atako mpe mingi mingi ntango tozali ya kolemba, mawa, mpe totungisami na mituna ebele mpe makambo—ezali malembe malembe kozwa pole na Ye, bokasi na Ye, bolingo na Ye, Molimo na Ye, kimia na Ye.
Ntina ya kotambola na nzela ya liyokani ezali kopusana pene ya Mobikisi. Ye azali mokambi, bokobi na biso ebonga nie te. Ezali bokimi mbangu te, mpe tokoki te kokokanisa mobembo na biso na ya basusu’. Atako ntango tokwei, Ye azali wana.
Ya Mibale, Tokoki Kosala na Bondimi.
Lokola bayekoli ya Yesu Klisto, tososolaka ete bondimi epai na Ye esengaka mosala—mingi mingi na bantango ya mpasi.9
Mibu ebele eleki, baboti na ngai bakanaki kobongisa ndako. Butu yambo tapi ya sika eya, mama na ngai asengaki bandeko na ngai ya mibali balongola biloko ya ndako mpe bakata tapi ya kala mpo batia ya sika. Ndeko na ngai ya mwasi ya mibu sambo, Emily, azalaki kolala. Kasi, ntango alalaki, balongolaki na malembe biloko nyonso na kisuku na ye, mbetu balongolaki te, mpe nsima bakataki tapi. Malamu, lokola bandeko mibali ya mikolo bazalaki kosala yango mbala mosusu, bakanaki kosala liseki. Balongolaki biloko nyonso ezalaki na kisuku na ye na oyo ezalaki na efelo mpe batikaki kisuku na ye mpamba. Nsima bakomaki mokanda mpe babambaki na efelo: “Ndeko Emily, tolongwe. Tokokomela yo nsima ya mikolo moke mpo na koyebisa yo esika tozali. Tolingi yo, libota na yo.”
Na tongo ntango Emily ayaki na mesa te mpo na komela tii, bandeko na ngai ya mibali bakendaki kotala ye—bakutaki ye, mawa mpe azalaki ye moko na sima ya ekuke ekangama. Emily akanisaki likambo oyo sima ya mikolo: “Nalembaki nzoto. Kasi nini elingaki esalema soki na fungolaki ekuke? Nalingaki nayoka nini? Nalingaki kolumba solo nini? Nalingaki nayeba ete natikalaki ngai moko te. Nalingaki nayeba ete balingaka ngai mpenza. Makanisi ekomelaki ngai te ete nasala eloko songolo na lolenge nazalaki. Natikaki mpe nazalaki kaka na kisuku na ngai kolelaka. Mpe nsima soki kaka nafungolaki ekuke.”10
Ndeko na ngai ya mwasi akanisaki na oyo ye amonaki, kasi ezalaki likanisi lolenge makambo ezalaki te. Ezali ntina te lokola biso, lokola Emily, tokoki kotondisama na mawa to mpasi to kolemba nzoto to komituna to kozala biso moko to nkanda to komitungisa mpo na oyo ekoki kokomela biso te mpo na kosala eloko moko na pete, kofungola ekuke, kosala na bondimi na Yesu Klisto?
Makomi etondisami na bandakisa ya mibali mpe basi, bayekoli ya Klisto, oyo ntango bakutani na mpasi, basalaki na pete—oyo bazalaki na bondimi mpe batambolaki.11
Na bato na maba oyo bazalaki koluka lobiko, Klisto alobaki “Kende komilakisa yo moko epai ya banganganzambe. Mpe esalamaki ete, ntango bakendaki, bapetolamaki.”12
Bakendaki komilakisa bango moko epai ya banganganzambe lokola soki basilaki kokangolama, mpe na etape ya mosala, wana oyo basalakia.
Nalingi koloba lisusu soki likanisi ya kozwa mokano na mpasi na yo eyokisami mpasi, nasengi ete mokano na yo ezala ya kosenga lisungi epai ya moninga songolo—to ndeko ya libota mokambi ya ekliezia, to moto oyo ayebi makambo. Oyo ekoki kozala litambe yayambo ya elikya.
Ya misato, Tokoki Kozala Motema Mobimba mpe Kosepela na Bomipesi na Biso13
Ntango bileko ya mpasi eyei, namekaka komikundola ete naponaki kolanda Klisto yambo naya na mabele mpe ete mitungisi na bondimi na ngai, na bokolongono na ngai, mpe na bokasi na ngai ezali eteni ya ntina oyo nazali awa. Mpe nakokaki te solo kokanisa ete mitungisi ya lelo etindaka na motuna etali bolingo ya Nzambe mpo na ngai to ebongola bondimi na ngai mpo na Ye na Ye. Mikakatano elakisi te ete moango ekwei; ezali eteni ya moango ntina mpo na kosunga ngai naluka Nzambe. Nakomaka mingi lokola Ye ntango nayikaka mpiko na bompikiliki, mpe elikya, lokola Ye, ntango nakomi na nsuka, nasambela na motema moko.14
Yesu Klisto azalaki ndakisa ebonga nie ya Tata na biso ya bolingo na motema na Ye moko—ya kosalaka bolingi na Ye, kotala te motuya.15 Nalingi kolanda ndakisa na Ye na kosalaka lolenge moko.
Nafulamaki na motema moko, na makanisi ya kimoyekoli ya mwasi akufela mobali oyo atiaki mpata mibale ya ye na kati ya tempelo. Apesaki nyonso ya ye.16
Yesu amonaki bompikiliki na ye, na esika basusu bazalaki komona bobele bozangi na ye. Lolenge moko ezali solo mpo na moko na moko na biso. Amonaka bozangi na biso te lokola bokwei kasi kutu lokola libaku ya kosalela bondimi mpe kokola.
Bosukisi
Bayekoli na ngai ya Yesu Klisto, na motema na ngai mobimba, naponi kotelema na Nkolo. Naponi kotelema elongo na basali na Ye—Mokambi Russell M. Nelson mpe Bapostolo na Ye—mpo na bolobeli na bango mpo na Ye mpe bakalaka ya makuli mpe mayokani oyo ekangisi ngai epai ya Mobikisi.
Ntango natatabani, nakokoba kolamuka, koyekama na ngolu mpe nguya ya Yesu Klisto. Nakotikala na liyokani na ngai elongo na Ye mpe nakoyanola mituna na ngai na boyekoli ya liloba ya Nzambe, na bondimi mpe na lisungi ya Molimo Mosantu, oyo botambwisi natielaka elikya. Nakolukaka ntango nyonso Molimo na Ye na kosalaka makambo ya mike mpe ya pete.
Oyo ezali nzela na ngai ya kozala moyekoli.
Mpe kino mokolo bampota ya mikolo nyonso ya bokufi ekobikisama, nakozela Nkolo mpe na kotia motema epai na Ye—na ntango na Ye, bwanya na Ye, mwango na Ye.17
Loboko na loboko na bino, nalingi kotelema elongo na Ye mpo na libela. Na motema moko. Koyebaka ete tolingaka Yesu Klisto na mitema na biso nyonso, Apesaka biso nyonso lokola mbano.18 Na nkombo ya Yesu Klisto, amene.