Bimekoleli ya Kimoyekoli
Koyekola na ntina ya Klisto mpe banzela Ye akambaka biso mpo na koyeba mpe kolinga Ye.
Emekoleli ya Bondimi
Na ntongo ya lelo bana na biso mibale mpe bankoko na biso misato na Amerika ya Nordi, mpe pene ya ndambo ya mokili bamonaki bongengi ya moi kobimaka na bonkonzi na esti. Bana misato mpe bankoko nsambo mosusu na Afrika, mpe ndambo mosusu ya mokili bamonaki molili moke moke komiyingisa likolo na bango wana ezalaki moi kozinda na nsuka ya mokili na westi.
Likambo oyo ezangi kotala ntango moi ebimaka mpe ya butu ezali moko ya likundoli ya mokolo na mokolo ya bosolo oyo eyangelaka bomoi na biso oyo tokoki kobongola te. Ntango totosaka mpe tokokanisaka maye tosalaka na bosolo ya seko oyo, tokutanaka na kimya mpe boyokani ya kati. Ntango tosalaka yango te, tobulanganisami, mpe makambo masalamaka lokola ezelaka biso yango te.
Moi mpe butu ezali ndakisa ya bimekoleli oyo Nzambe apesi moto nyonso oyo asili kofanda na mabele, ya makambo lokola ezali solo. Ezali bosolo ya ntembe te ya bozali na biso bato na bomoi oyo ete tokoki kokakola te engebene na bamposa na biso moko mpe kokende na yango. Namikundolaki likambo oyo ntango nyonso nazwaka mpepo uta na Afrika mpo na koya na likita linene, kozongisa montele ya nzoto nsima bangonga 10 kati na mokolo moko.
Ntango nyonso tosalaka keba mpo na komona, tomonaka ete Tata na Lola apesi biso matatoli ekoka ya bosolo mpo na koyangela bomoi na biso mpo ete tokoyeba Ye mpe tokozwa mapamboli ya kimya mpe esengo.
Na nzela ya Profeta Joseph Smith, Molimo ya Nkolo alobi: “Mpe lisusu, nakopesa epayi na bino emekoleli na makambo nyonso, ete bokosama te; mpo Satana apalangani epayi nyonso na mboka, mpe akendaka mpo na kokosaka bikolo.”1
Koliyolo anti-Klisto akweyaki mpo na kokosama ya boye, kondimelaka te bozali ya Nzambe mpe boyei ya Klisto. Mpo na ye profeta Alma atatolaki: “biloko nyonso bilakisi ete ezali na Nzambe moko; iyo, kutu mabele, mpe biloko oyo ezali likolo ya etando na yango, iyo, mpe botamboli na yango, mpe lisusu mioto ya minene nyonso oyo mikotambolaka na lolenge ya bileko na yango mitatoli ete ezali na Mozalisi Monene.”2
Ntango Koliyolo albetaki sete ete apesama elembo moko yambo akoka kondimela, Alma akomisaki ye baba. Kokitisamaka na nzela ya mpasi na ye, Koliyolo atubelaki na bonsomi ete bakosaki ye na zabolo.
Tosengeli te kokosama. Likamwisi ya bomoi ya mayele ezalaka liboso na biso ntango nyonso. Mpe kotalaka mpe kokanisaka moke likolo ya makamwisi ya moke lola engengisami na mioto ya kotanga te mpe mioto minene mingi etindikaka molimo ya motema ya kondima mpo na koyemba loyembo “Seigneur mon Dieu, Que tu es grand!”3
Iyo, Nzambe Tata na biso ya Lola azali na bomoi, mpe Amilakisaka Yemei epai na biso ntango nyonso na bandenge ebele.
Emekoleli ya Bomikitisi
Kasi mpo na kopesa matondi, kondimela, mpe kokoba kati na Nzambe, mitema na biso esengeli kozala ya boyambi na Molimo ya bosolo. Alma ateyaki ete bondimi eyaka nsima ya bomikitisi.4 Mormon abakisaki ete ekoki kosalama te ete moto kani oyo azali “mosokemi mpe na motema kokita,” te azala na bondimi mpe alikya mpe ayamba Molimo Mosantu.5 Mokonzi Benyamina asakolaki ete moto kani oyo atiaka na esika ya liboso nkembo ya mokili azali “monguna ya Nzambe.”6
Nakomipesaka na libatisi mpo na kokokisa bosembo nyonsso, ata soki azalaki sembo mpe mosantu, Yesu Klisto alakisaki ete bomikitisi liboso ya Nzambe ezali ezalela ya ebandeli ya bayekoli na Ye.7
Bayekoli nyonso ya sika basengeli kolakisa bomikitisi liboso ya Nzambe na nzela ya bokuli ya libatisi. Boye, “banso baoyo bamikitisaka liboso ya Nzambe, mpe balingi kobatisama, mpe bayaka na mitema ya kobukana mpe milimo ya mawa … bakoyambama na libatisi kati na eklezia na ye ”8
Bomikitisi etindaka motema ya moyekoli na boyamboli mpe botosi. Molimo ya Nzambe azali bongo na makoki ya komema bosolo na motema wana, mpe akomona esika ya kokotela.9
Ezali bozangi bomikitisi nde epesaka mingi nzela na bokokisi ya esakola ya Apostolo Paulo na mikolo oyo ya nsuka:
“Mpo bato bakolinga komisalela bangomei, bilulalula, kotuta ntolo, lolendo, bakotuka, bakozanga botosi na baboti, bakozanga botondi, bakozanga bosantu,
“Na kozanga bolingo ya bomoto, bakobuka mibeko, kofunda ya lokuta, bakowana, kanza, bakoboya oyo wana ezali malamu.”10
Libengisi ya Mobikisi mpo na koyekola uta na Ye ezali libengisi moko ya kobwaka bilulalula ya mokili mpe kokoma lokola Ye azali—mosokemi mpe na motema kokita, ya komikitisa. Nsima nde tozalli na makoki ya kokamata nkanga na Ye oyo ezali pete—ete kozala moyekoli ezali mokumba te kasi esengo, lokola Mokambi Nelson ateyaka biso na bokasi mpe mbala na mbala.
Emekoleli ya Bolingo
Koyekola oyo etali Klisto mpe ndenge na Ye ekambaka biso mpo na koyeba mpe kolinga Ye.
Alakisaki biso ndakisa ete na ezalela ya bomikitisi ekoki solo kosalama toyeba mpe tolinga Nzambe Tata na bomoto na biso nyonso mpe tolinga basusu lokola tomilingaka biso moko, kolongolaka eloko moko te. Lotomo na Ye na mabele, ntango oyo Ye atiaki nyonso mibale bolingi na Ye mpe nzoto na Ye likolo ya lotale, ezalaki emekoleli mpo na kotia na misala mibeko oyo likolo na yango nsango malamu na Ye ezwami. Mibeko nyonso mibale ezali kotala libanda mpe etali lolenge nini tozali na basusu, kasi etali koluka litomba to nkembo ya moto ye moko te.
LIkambo ya kokamwa mpe ya kotuka na yango ezali ete ntango toyekamisi makasi na biso ya malamu mpenza likolo na bolingo ya Nzambe mpe basusu, topesami makoki ya komona motuya na biso moko ya bonzambe lokola bana mibali mpe bana basi ya Nzambe, na kimya mpe esengo mobimba oyo boyebi oyo ememaka.
Tokomaka moko na Nzambe mpe na moko na mosusu kati na bolingo mpe mosala. Nsima tokoki kozwa litatoli ya Molimo Mosantu ya bolingo ya peto wana, mbuma oyo Lehi alobeli lokola “sukali mingi, likolo ya nyonso oyo namekaka naino yambo te.”11
Montole oyo Klisto azwaki na kopesaka mpe kosalaka nyonso oyo ezalaki na makoki na Ye mpo na koyingisa emekoleli ya kolinga Tata mpe kolinga biso ezalaki mpo na kozwa nguya nyonso, kutu nyonso oyo Tata azali na yango, oyo ezali bonetoli.12
Libaku na biso ya koleisa kati na milimo na biso bolingo ewumelaka seko ya Nzambe mpe ya moninga na biso ya pene ebandaka na ndako na mimesano ya molimo ya kosangana elongo na Nzambe mokolo na mokolo na losambo ya moto ye moko mpe ya libota na nkombo ya Mwana se Moko, koyekolaka elongo na Bango na nzela ya boyekoli makomi ya moto na moto mpe libota, kotosaka mokolo ya Saba elongo, mpe kozalaka moto na moto na mokanda ya bokoti tempelo, mpe kosalelaka yango elongo mbala nyonso tokokoka.
Wana ezali moko na moko na biso kokola kati na boyebi mpe bolingo ya Tata mpe Mwana, tokoli kati na kotuya mpe kolinga moko na mosusu. Makoki na biso ya kolinga mpe ya kosalisa basusu libanda ya ndako ekolisamaka mingi.
Oyo tosalaka na ndako ezali kimoyekoli ya makasi ya solo ya bompikiliki mpe ya esengo. Mapamboli ya esengo mingi ya nsango malamu ezongisama oyo mwasi na ngai, Gladys, mpe ngai tosepeli na yango na ndako na biso eyei uta na koyekola na koyeba mpe kotosa Nzambe na ndako mpe mpo na kokabola bolingo na Ye elongo na bana na biso.
Emekoleli ya Kosalisa
Bolingo mpo na Nzambe mpe kosalisa moko na mosusu esalemi na ndako mpe lisalisi na basusu libanda ya ndako nsima ya ntango ekolaka mpo na kokoma ezalela ya bolingani.
Oyo eyokanaka elongo na emekoleli ya mosala ya kobulisa kati na bokonzi ya Nzambe oyo etiami liboso na biso na baprofeta mpe bapostolo na bomoi ya Nkolo. Tokomaka moko elongo na bango.
Nsima topesami makoki ya kotalela, kati na bango, epai ya Nkolo “na makanisi nyonso,” mpo ete tokoka “kotia ntembe te” to “kobanga te.”13
Lokola baprofeta mpe bapostolo na bomoi ya Nkolo tokoki kokende liboso na “nsopo … etonda na bolingani epai ya bato banso, mpe … epai ndako ya bondimi, [na] bolamu ekembisa[ka ya biso] makanisi na ye ntango inso; … [mpe ya biso] bondimami [ekokomaka] makasi na miso ya Mzambe; mpe malongi ya bonganganzambe … [kosopanaka] likolo na [ya biso] [mi]limo lokola matanga ya mai ya ntongo uta na lola.”
Elongo na baprofeta mpe bapostolo na bomoi ya Nkolo, biso tokoki mpe kosangana na zolongano ya bolamu ya bondimi elendisami na nzela mosala ya kobulisa kati na oyo “Molimo Mosantu [azali ya biso] moninga ya ntango nyonso, [ya biso] lingenda [ezali] lingenda ebongwanaka te ya bosembo mpe bosolo; mpe [ya biso] mpifo [ezali] mpifo yoko ya libela, mpe na bozangi kosalisa na makasi [etilaka] epayi [na biso] libela na libela.”14 Mpo ete oyo ezali elaka ya mwango ya Tata. Na nkombo ya Yesu Klisto, amene.