Esam Ma Ma Yohk Srihpac
Ma se ma yohk srihpac uh pa kuhpahsr lasr nuh sin Pahpah Inkuhsrao ac Wen Kuloh Nahtuhl, sucu lasr, ac mwet tuhlan lasr, ac lwelah Nguhn in kol kuht.
Ke kuht esam weekend se inge ke utyak luhn Mwet Lahngo ahkfuhwactyeyuck El nuh Jerusalem meet liki na kihsackuhnlah ke iwaclah Lal, nga esam kahs in ahkkweye ac finsrak Lal: “Nga pa akmoulyauk mwet uh liki misa nu ke moul. Kutena mwet su lulalfongi in nga fah moul, el finne misa.”1
Nga luhngse El. Nga luhlahlfongi in El. Nga fahkwack ma pwacye lah El sifilpac moulyak ac moul.
Fahkwack pwacye se inge ahkmisyeyuc ac ahkkweyeyuc ke lusen yac ahkosr tahfuh ma muhtwacn kiyuck, Barbara, el eis monglac lal. Nga ahsroelah.
Nga, kwacna muhta nuhnkuh ke macruht ne tok lasr uh ac tuhkweni lasr.
Nga sruhmuhn meet ke pacl se nga tuhfahna in ohsun nuh sel Barbara ac ohsun se lasr ingacn lutiyucme in orekmakihn kahs se nge “sifwil liye lah fuhkah” ma nga lotwelah ke misin luhk ah. Nga sifwil liacl lah el fuhkah tukun na kuht tuhfahna in ohsun ah mweyen el kahto na pwacye, pwengpweng, ac el arulacna kahfofo ke lwen nuh kwewa. Nga puhla fwefwelac sel ke srihpen el tena sol ac el kuhlwacng. Nga luhngse ohiyac wo lal. Nga puhla lah nga ac el oreklac in tuhkweni. Oacna in tuhkuh fihsrwacsr nuh ke nuhnak luhk uh.
Nga Barbara muhtwacwacack aliyei, ac akohnohki lasr ah fototoeni, tuhsruhk el tiac na puhla wo muh nga fal in macruht nuh sel.
Tiac fal nuh sihk in etuh; Barbara el enenuh in etuh na nuh sel sifacna. Nga etuh lah kuht fin sislah pacl in lalo ac pruhe ke elyah se inge, Barbara el kuh in eis puhla in ahokiyac inkuhsrao.
Kuht tiacna aliyei ke weekend se ke srihpen kuht sislah pacl lasr in lalo ac pruhe kuht in etuh na nuh sesr sifacna. In oacna nga, el eis puhla se oacpacna ma se nga eis ah. Ma sahyac ah, elos fahk, etweyuck tari.
Ke Barbara el som liki kuht, tuhlihk nahtuhsr ah sang nuh ke yot se ke kuclyuck lal ah kuhtuh mwe luti ma Barbara el luhngse elos in esam. Sie mwe luti inge pa “ma yohk srihpac uh pa ma an pahtlac.”
Misenge nga ke akacsruhi ke insiyuck kuhtuh puhla ac nuhnak ke ma ma yohk srihpac.
Ma se meet an, kuhpahsr lasr nuh sin Pahpah Inkuhsrao ac Wen Nahtuhl, Leum Jisus Kraist, pa yohk srihpac emeet uh. Kuhpahsr se inge yohk srihpac nuh ingena ac nuh tok ma pahtpaht.
Ma se ahkluo an, kuhpahsr lasr nuh sin sucu pa kuhtuh sin ma ma yohk srihpac uh.
Lusen pacl nga forfor luti, nga muhtwacta nuh yurin kais sie ac sucu puhs ma sun elyah ke kuhnanuclac luhn acn uh. Puhs selos ayaolac, masrinsrwacl, ac sahngweng. Elos enenuh kahsruh ke ono, mongo, ac acn in muhta.
Elos oacyacpac enenuh sucu lalos.
Nga akihlen lah kuhtuh selos wacngihn mwe insewowo ke sucu fototo lalos, oruh nga sang sucu luhlahp, kawuck, kuh finne mwet ke ward ah in ekihn “sucu.” Kuhpahsr inge yohk srihpac nuh ke nuhnak ac fokoko luhn mahno.
Kuhpahsr inge kuh pac in sang luhngse, engan, insewowo, ac puhla oasr lalos.
Karihngihn kuhpahsr yohk srihpac inge el sulaclah se. Sulaclah in ipin sucu se enenuh olwelah,luhngse, muhtweng, asramsrami, ac nuhnak muhnahs.2 Oasr kuhtuh pacl sahp kuht tiac insese yurin mwet sahyac, tuhsruhktuh kuht kuh in oruh ke ohiyac kuhlwacng. Ke plwacn in macruht kuh ke macruhtlac uh, kuht tena puhtatyang nuh ke luhngse kuh luhngse tiacna tuhkuh nuh sesr oacna in ipin ma se moklweyuck ke sakapot se. Kuht sulwaclah in luhngse ac ahkkweye sie sin sie. Kuht oruh oacna nuh ke kuhpahsr lasr nuh ke sucu sahyac ac nuh sin kawuck suc kuht oruh pacna muh elos sucu lasr.
Sie mwe fahkwack nuh fin facluh ke Sucu fahk lah “plwacn luhn God nuh ke moul ma pahtpaht uh oruh sucu uh in kahlwem kac lah e fah sifilpac sikyak tukun kuht misac uh. Akwuck muhtahl ac olwelah uh kuh in orek ke tempuhl muhtahl uh ac oruh mwet se in kuh in fohlohk nuh yurin God ac nuh sin sucu uh in tuhkweni nwe tok.”3
Sie pac ma ma yohk srihpac pa in ukwe pihrihkyuck luhn Nguhn ke kuhpahsr yohk srihpac lasr ac ke kampare lasr in luhngse mwet tuhlan lasr oacna kuht luhngse kuht sifacna, finne som pacna nuh ke luti lasr ke acn private kuh acn mwet nuhkewa som nuh kac. Nga sa na lotwelah mwe luti se inge ke moul luhk ke nga kuhlwacnsap ekihn bishop se.
Sie ekuh ah, mihsrihsr snow, nga tifoki liki ohfuhs luhk ah ac oasr puhla na fokoko se tuhkuh nuh sihk in som muhtwacta yurin muhtwacn katinmas se ke ward lasr ah. Nga ngwetwacng liye ao intihk ah—ao 10:00 ke fong ah. Nga akuhkuhin muh pahtlaclac in som muhtwacta. Na sahyac pacna, upac snow ah. Nga sulwaclah in muhtwacta yurin tahmtahel sacohk se inge ma se emeet ke litutacng tok ah e wo liki na nga wakral ke arulacna kahinglac pacl uh. Nga kahsruhsr nuh lohm ah ac som an ke mwe an kiyuck ah tuhsruhk nga for na for ke ekuh sacn ke srihpen Nguhn wakreyuc.
Tang na ke lotutang se tok ah, nga yuclac suwohs nuh ke lohm sin muhtwacn katinmas sac. Tuhlihk muhtwacn se nahtuhl ah ikacslah sruhnguhl ah ac suhpwacr muhtahl fahk, “Oh, Bishop, kuloh ke tuhkuh lom an. Ninac el eis monglac lal ke ao luo tari ah”—nga ahsor nuh upac. Nga tiac kuh in muhlkuhnlah puhla se nga puhla ah. Nga tuhng. Suc sahyacn muhtwacn katinmas wowo se inge kena bishop elan fototo nuh sel sruokyac pahol, ahkkweyacl, ac sahp sang mwe insewowo sahflah lal? Nga tena oraclah ke srihpen nga lain pihrihkyuck na fokoko se yurin Nguhn ah.4
Tamuhlwel ac tahmtahel, mukul fuhsr ac muhtwacn fuhsr, ac Tuhlihk Srihsrihk, nga fahkwack na pwacye lah ukwe pihrihkyuck luhn Nguhn uh el sie ma na yohk srihpac ke kuhpahsr lasr nuh kwewa uh.
In ahksahfye, Ke Palm Sacnri se inge, nga fahkwack na pwacye lah in eklac nuh sin Leum, fahkwack ma pwacye Kacl, ac Kuhlwacnsuhpacl pa kuhtuh sin ma ma yohk srihpac uh.
Luhlahlfongi ke Jisus Kraist pa pwelucng ke luhlahlfongi pwacye lasr uh. Fahkwack ma pwacye el mwe loh se kuh ahkpwacyei ma pwacye ne tok ma fihliyucki nuh insiacn ac nguhnihn kais sie sesr yurin Nguhn Muhtahl. Fahkwack ma pwacye kacl Jisus Kraist, isuslac ac ahkkweyeyuck ke Nguhn, ekuhlah moul—el ekuhlah ohiyac in nuhnak ac ohiyac in moul lasr uh. Fahkwack ma pwacye furokuhtlac nuh yurin Pahpah Inkuhsrao ac Wen sefanna Nahtuhl.
Alma el luti:
“Liye, nga fahkwack nuh suwos lah nga etuh tuh ma suc nga sramsramkihn inge pwacye. Ac kowos etuh fuhkah lah nga etuh ke pwacyeiyacn ma inge?
“Liye, nga fahk nuh suwos ma inge ahkkahlwemyeyuck nuh sihk ke Nguhn Muhtahl luhn God. Liye, nga lalo ac pruhe ke lusen lwen pucspucs tuh nga in sifacna etuh ke ma inge. Ac inge nga sifacna etuh tuh ma inge pwacye; tuh Leum God El ahkkahlwemye nuh sihk ke Nguhn Muhtahl Lal.”5
Tiac fal in oasr muhkwena luhlahlfongi pwacye se. Oacna ke eklac lasr nuh sel Jisus Kraist uh kapwack, kuht fahk ma na wacngihn in sruhmuhn Kacl—wolacna, ac kuhlwacng Lal.
Ke toeni in lalo ke Sacnri in lalo uh kuht kwacna lohng kahs inge “Nga kulohkihn” ac “Nga luhngse” yohk liki na kuht lohng kahs inge “Nga etuh” ac “Nga luhlahlfongi.”
Nga suli kowos in fahkwack ma kom puhla kacl Jisus Kraist pacl nuh kwewa. Fahkwack ma pwacye ma kom etuh ac luhlahlfongi ac ma kom puhla, tiac ma kom kulohkihn muhkwena. Fahkwack ma kom sifacna etwaclah ke kom srihke in etaclah ac luhngse Mwet Lahngo, ke moulkihn mwe luti Lal, ac ke kuh in molwelah ac kol kom ke moul lom an. Ke kom fahkwack ma pwacye ma kom etuh, luhlahlfongi, ac puhla, Nguhn Muhtahl ac fah ahkpwacyelah ma pwacye inge nuh selos suc lihpsre luhlahlfongi lom an. Elos e oruh ke srihpen elos tunikom kom eklac mwet na mihs se fahsr tohkohl Jisus Kraist. Elos e liye kalmeyacn mwet tuhma lutlut Lal. Elos e oacyacpac puhla puhla se ma elos tiac puhla meet. Fahkwack ma pwacye uh el tuhkuh ke insiac eklac se kuh in utuck ke kuh luhn Nguhn Muhtahl nuh selos suc ma ikacslah insiaclos in eis uh.
Elos suc ma puhla ma se ke srihpen luhlahlfongi pwacye kom fahkwack ingacn elos e pruhe siyuck sin Leum in ahkpweywelah ma pwacye se elos lohng sum ingacn. Na elos kuh in etuh selos sifacna.
Tamuhlwel ac tahmtahel, nga fahkwack na pwacye ac mwet loh nuh sum lah nga etuh Jisus Kraist el pa Mwet Lahngo ac Mwet in Molwelah luhn facluh. El moul. El pa Wen sifilpac moulyak se nuhtin God, ac pa inge Alu Lal kolyuck sin mwet pahluh ac mwet sap Lal. Nga pruhe tuh sie lwen ke nga som nuh ke facl se tok ingoh, nga kuh in oruh ke luhlahlfongi pwacye se luhk inge fokoko ke fihrihr ac kahlwem uh.
Ke forfor luti luhk, nga lotwelah lah ma se ma yohk srihpac uh pa kuhpahsr lasr nuh sin Pahpah Inkuhsrao ac Wen Kuloh Nahtuhl, sucu lasr, ac mwet tuhlan lasr, ac lwelah Nguhn luhn Leum in kol kuht ke kuhpahsr inge tuh kuht in kuh in fahkwack ma pwacye ke ma ma yohk srihpac ac an paht. Ke inen Jisus Kraist, amen.