“Mi No Save Pilim Spirit i Strong Olsem”

Magiba Natua na Rome Kavera i bin stap long ples Girabu, 80 pela kilomita longwe long Port Moresby. Ol i bin memba bilong London Misinari Sosaiti sios, we i stap olsem wanpela bikpela sios long Girabu. Taim pikinini man bilong ol Vaiba tokim ol em na meri bilong em, Mauveri, i bin baptais igo insait long Sios bilong Jisas Krais bilong ol Seint long Las-de, ol i gat laik long save moa. Ol sinia misinari, Nita and Douglas Campbell, i tisim ol long ristod gospel.

Baptisim bilong Magiba na Rome i bringim kros pait wantaim ol sampela lain bilong ples. Sampela tromoi ston long haus bilong Magiba na Rome taim ol i bung long sakramen miting. Ol narapela i brukim haus na brukim ol samting bilong haus. Ol i putim ol bikpela diwai long pasim rot bilong ol memba long wokabaut i go long sios. Sampela bin tok ol bai sutim ol lain i tanim na kamap konvet. Maski ol dispela hat taim, famili i pas strong na stap strong insait long gospel.

Magiba na Rome na famili

Ol Seint bilong Las-de, wantaim tu ol memba bilong Magiba na Rome famili, long Girabu ples, ca. 1982.

Rome i akseptim koling olsem presiden bilong dispela Girabu Brans. Long 1982, Deanna C. Flake na Dennis D. Flake, husat i bin stap prisaid long misinari wok i kamap long oganaisim dispela brans na setim apat Rome.

Magiba na Rome i redim pinis sakramen odinens wantaim bred ol i fraim long paia namel long ples. Ol i invaitim Deanna na Dennis kam insait long hom bilong ol, wanpela haus antap long pos, ruf na sait wol i pas wantaim banis i ol wokim gut stret. Long hap ol i holim sakramen miting. Rome na ol narapela Sios memba husat i holim opis i no bin save long rit , tasol ol yangpela pikinini bilong ol husat i bin go skul i ritim sakramen prea long Tok Pisin, na ol bikpela man i ripitim bihainim ol, lain bihainim lain.

Long taim bilong miting, Rome i toktok. Em i tok em i bungim moa long 50 narakain kristen grup, tasol “Mi no save pilim dispela kain Spirit bilong Bikpela inap Elda na Sista Campbell i tisim mi long gospel.” Aiwara i pundaun long em na ol narapela long liklik rum.

Bihain, Dennis i lukluk go bek long dispela pawaful spirit Rome i serim long testimoni. “Mi go long ol miting long gaden bilong Gethsemane na ol spesol ekspiriens long temple,” em i tok, “na mi no save pilim stret dispela Spirit strong moa long dispela de long dispela ples i stap long bik bus bilong New Guinea.”