Manatua ʻe he Fānaú ʻa Palesiteni Gordon B. Hinckley

Naʻe akoʻi kitautolu ʻe Palesiteni Kōtoni B. Hingikelī ʻo fekauʻaki mo e ʻofá. Naʻe ʻikai ke ne manavasiʻi ke ʻai ke tau kakata ʻi heʻene fanga kiʻi tukuhua ʻofá. Naʻá ne fakaʻamu ke tau fai hotau lelei tahá he meʻa kotoa pē ʻoku tau fakahokó. Naʻá ne pehē: “Siʻoku ngaahi kaumeʻa ʻofeina kei talavou, ʻoua naʻa ngalo ʻiate kimoutolu ko e fānau moʻoni kimoutolu ʻa e ʻOtuá… . ʻOfa ke angaʻofa atu ʻa e moʻuí kiate kimoutolu, he ko e fānau tonu pē kimoutolu ʻa e ʻOtuá pea ʻoku mou taau mo feʻunga ke maʻu ʻEne ʻofá mo e tāpuakí” (“Ko e Fānau Kimoutolu ʻa e ʻOtuá,” Liahona, Mē 2003, 119).

Te tau manatua maʻu pē ʻa e fakamoʻoni mālohi mo e faʻifaʻitakiʻanga ʻa Palesiteni Hingikelií, ʻa ia ʻokú ne fakatupu e kalanga hotau lotó, “Fakamālō ki he ʻOtuá koeʻuhí ko ha Palōfitá!”

Ko ha niʻihi ʻeni ʻo e ngaahi fakamatala kuo fai ʻe ha fānau ʻo e Siasí ʻo kau kia Palesiteni Hingikelī:

Naʻá ne fofonga ʻofa mo angalelei.

ʻApikale H., Sikotilani

Ko ha palōfita moʻoni ia, pea naʻá ne fai ha fanga kiʻi talanoa mālie mo lelei.

Seisoni L., ʻIutā, USA

Ko ha tangata lelei ia.

Feauai S., Haʻamoa

Naʻá ne ʻofa he taha kotoa pē ʻi he funga ʻo e māmaní.

ʻAmelita L., Kuinisilani, ʻAositelēlia

Naʻá ne hoko ko haku kaumeʻa.

Sonatane B., Siamane

Naʻá ne tokanga mai kiate au.

Luisi W., Silei