Laipelí
NGAAHI MAKAMAILE ʻI HE PALESITENISĪ ʻA GORDON B. HINCKLEY
ʻI he Manatu ʻOfa: Gordon B. Hinckley

NGAAHI MAKAMAILE ʻI HE PALESITENISĪ ʻA GORDON B. HINCKLEY

Lolotonga e ngaahi taʻu naʻe hoko ai ʻa Palesiteni Kōtoni B. Hingikelī ko e Palesiteni ʻo e Siasí, naʻá ne:

  • Mātā e tupulaki ʻa e kāingalotu ʻo e Siasí mei he toko 9 miliona tupú ʻo aʻu ki he toko 13 milioná.

  • Fakatapui ha ngaahi temipale ʻe 63, ʻo kau ai ʻa e temipale ʻi Palemailá, Nāvū mo e Nofoʻanga Fakafaʻahitaʻu Momokó, ʻa ia naʻá ne fuofua fanongonongo hono langa kinautolú ʻi he 1997.

  • ʻAʻahi tuʻo 90 tupu ki ha ngaahi fonua mavahe mei he ʻIunaiteti Siteití pea tuʻo lahi ʻene folaua ʻa e ʻIunaiteti Siteití ke ʻaʻahi ki he Kāingalotu ʻo e Siasí. Kuo laka hake he maile ʻe taha miliona kuó ne folaua heʻene hoko ko e Palesiteni ʻo e Siasí.

  • Fakafeʻiloaki ki he Siasí pea mo e māmaní, fakataha mo e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ʻa e, “Ko e Fāmilí: Ko ha Fanongonongo ki Māmani” (Liahona, ʻOkatopa 2004, 49) pea mo e “Ko e Kalaisi Moʻuí: Ko e Fakamoʻoni ʻa e Kau ʻAposetoló” (Liahona, ʻEpeleli 2000, 2–3).

  • Mātā hono tānaki mai ʻa e kōlomu ʻe ono ʻo e Kau Fitungofulú—ʻa e Tolú ki he Valú—ki he tuʻunga fakatakimuʻa ʻo e Siasí.

  • Mātā hono fakamafola ʻo e konifelenisi lahí ʻi ha ngaahi lea fakafonua ʻe 80 tupu, pulusi ʻo e Liahoná ʻi ha ngaahi lea fakafonua ʻe 51 pea mo hono liliu ʻo e Tohi ʻa Molomoná pe ngaahi konga kuo filifili mei ai, ki ha ngaahi lea fakafonua ʻe 106 pea tānaki atu ki ai mo hono pulusi ia ʻe ha ngaahi kautaha faipaaki lalahi.

  • Tokangaʻi hono langa mo fakatapui ʻo e Senitā Konifelenisí, ʻa ia naʻe liunga tolu e toko lahi ʻo e kakai ʻe lava ke nau sio tonu ai ʻi he konifelenisi lahí. Naʻá ne fakatapui foki mo e Tāpanekale ne toe fakaleleiʻí.

  • Feʻiloaki tuʻo lahi mo ha kau taki ʻo e ngaahi fonuá pea mo ha kau taki fakapuleʻanga, mei he palesiteni ʻo ʻAmeliká ki he tuʻi ʻo Tongá pea mo e palesiteni ʻo Kaná.

  • Fakahinohinoʻi e kau taki lakanga fakataulaʻeikí ʻi ha ngaahi fakatahaʻanga ako fakatakimuʻa ne fakamafola ʻi he satelaité.

  • Fanongonongo ʻa hono fokotuʻu ʻo e Paʻanga Tokoni Fakaako Tuʻumaʻú.

  • Hā tuʻo lahi ʻi he televīsone fakafonua ʻo ʻAmeliká mo ʻAositelēlia.

  • Kole ki he kāingalotu ʻo e Siasí ke nau lau e Tohi ʻa Molomoná ʻi he ngaahi māhina fakaʻosi ʻo e taʻu 2005, pea ko hono olá ko e tokolahi ange ʻo e kakai ne nau lau ʻa e tohí, ʻi ha toe faʻahinga taimi ʻi he hisitōliá.

  • Faʻu ha ngaahi tohi naʻe fakataua ʻi he ʻIunaiteti Siteití.