Feinga ‘a e Musiumé ke Fakahū Mai ha Ngaahi Fakatātā Ki he Fe‘auhi ‘Aati ‘a e Siasí

ʻOku fakataumuʻa hono ʻoatu ʻe he Musiume Hisitōlia mo e ʻAati ʻa e Siasí ha fakaafe ki he kāingalotú ke ʻomi haʻanau ngāue fakaʻaati ki he Feʻauhi ʻAati Fakavahaʻa Puleʻanga Hono Valú ke kau mai ki ai ha ngaahi feituʻu kehekehe ʻo e funga māmaní.

ʻOku fakahoko fakataʻu tolu ʻa e feʻauhí ni pea ʻoku fakaʻaliʻali ai ha ngāue ʻa ha Kāingalotu poto pe angamaheni he ʻātí mo ha niʻihi pē ʻoku ʻikai ke nau taukei he ʻātí. ʻOku fakatefito ʻa e feʻauhi ʻo e taʻu ní ʻi he kaveinga ko e “Ko Hono Manatua ʻo e Ngaahi Meʻa Fakaofo ʻa e ʻOtuá.” ʻE fili ke fakaʻaliʻali ha ngaahi ʻaati ʻe 225 nai ʻoku fekauʻaki mo e kaveingá ni ʻi he kamataʻanga ʻo Māʻasi 2009.

Koeʻuhí ke faingofua ki he kau ʻaati ʻi he funga māmaní, ʻe tali e ngaahi tohi kole ʻe fakafou mai ʻi ha polokalama foʻou ʻi he ʻInitanetí. Kuo pau ke ʻomi ʻa e ngaahi tohi kole kotoa ʻi he ʻInitanetí pe meilí ki muʻa ʻi he ʻaho 10 ʻo ʻOkatopa, 2008.

Ke maʻu ha fakamatala ki hono ʻomi ʻo e tohi kolé ʻi he meilí, fetuʻutaki ki he musiumé ʻi he:

Eighth International Art Competition

Museum of Church History and Art

45 N. West Temple Rm. 200

Salt Lake City UT 84150-3470, USA

ʻOku ʻatā ʻa e feʻauhí ki he kāingalotu ʻoku taʻu 18 pe motuʻa ange ʻi he ʻosi ko ia ʻa e taʻu 2008. Ko e ʻaati ko ia ʻe fili ke fakaʻaliʻalí, te ne fakakau ʻa e ngaahi meʻa ʻoku hoko ki he Kāingalotu ʻo e Saisí ʻi he ngaahi feituʻu kotoa pē. ʻE lava ke maʻu ha toe fakamatala lahi ange fekauʻaki mo e kaveingá, ngaahi tuʻutuʻuní, anga hono siviʻí pea mo hono fakahū maí ʻi he lds.org/ artcompetition.