Dali Paminaw sa Tingog sa usa ka Propeta

Pagpakita sa Gugma nga anaa sa Inyong Kasingkasing

Ni Presidente Thomas S. Monson

Gikan sa “The Doorway of Love,” Liahona, Okt. 1996, 4, 5, 6.

Si Presidente Monson ganahan og balak. Siya mokutlo kanunay og mga balak diha sa iyang mga pakigpulong, lakip na ang balak sa ubos, “Kinsa ang Nahigugma sa Hilabihan?” Kini giimprinta sa daan nga libro sa eskwelahan nga nakatabang sa pagtudlo sa mga bata kon unsaon pagbasa.

President Thomas S. Monson

Ang gugma makahimo og kausaban. Ang gugma makaayo sa kalag. Apan ang gugma dili motubo sama sa mga sagbot o mobundak sama sa ulan.

Si Jesus nagtudlo, “Ako magahatag kaninyog bag-ong sugo, Nga kinahanglan maghigugmaay kamo ang usa sa usa; maingon nga Ako nahigugma kaninyo, kinahanglan maghigugmaay usab kamo ang usa sa usa” (Juan 13:34).

Ang gagmayng mga bata makakat-on sa leksyon sa gugma. Sila andam kaayong motubag sa usa ka paboritong bersikulo:

“Gihigugma ko ikaw, mama,” ang bata nga si John miingon;

Dayon, gisul-ob ang iyang kalo, nakalimot sa iyang buhatunon,

Ug sa garden nga may swing miadto siya,

Gibiyaan ang iyang mama nga sa kahoy nagdala.

“Gihigugma ko ikaw, mama,” ingon si Nell nga ang aping pula;

“Gihigugma ko ikaw labaw pa sa masulti sa dila;”

Dayon siya nanungog ug nagmug-ot nianang adlawa,

Nalipay lamang ang iyang mama sa dihang siya milakaw aron magduwa.

“Gihigugma ko ikaw, mama,” ang bata nga si Fan miingon;

“Tabangan ko ikaw kutob sa akong mahimo karon;

Kay walay klase, pagkamalipayon ko gayud!”

Mao nga ang bata iyang gitabyog hangtud kini nakatulog.

Dayon, hinayng milakaw, ang silhig iyang gikuha,

Ug ang salog gisilhigan, ug ang kwarto gilimpyohan;

Sa tibuok adlaw bisi ug malipayon siya,

Matinabangon ug malipayon ang bata nga ingon niana.

“Gihigugma ko ikaw, mama,” miingon na usab sila—

Tulo ka gagmayng mga bata mangatulog na;

Unsa sa inyong hunahuna ang nasabtan sa inahan

Kinsa kanila ang nahigugma kaniya sa hilabihan?¹

Ang tinguha sa pagbayaw, ang kaandam sa pagtabang, ug ang kamabination sa paghatag nagagikan sa kasingkasing nga puno sa gugma. Ang tinuod nga gugma usa ka timailhan sa gugma ni Kristo.

Mubo nga sulat

1. Joy Allison, “Kinsa ang Nahigugma sa Hilabihan?” sa McGuffey’s Third Eclectic Reader (1879), 146–47.

Tulo ka mga Kahulugan sa Gugma

Ang gugma adunay labing minus tulo ka nagkalain-laing mga kahulugan: (1) Kini usa ka pagbati sulod sa inyong kasingkasing. (2) Kini usa ka pulong nga mahimo ninyong isulti. (3) Kini usa ka buhat. Ang labing maayo nga paagi sa pagpakita sa gugma nga inyong gibati sulod sa inyong kasingkasing mao ang pagsulti sa uban nga kamo nahigugma kanila ug pagbuhat usab og usa ka maanindot nga butang alang kanila.

Tan-awa ang mga hulagway sa ubos. Unsa man ang mabuhat sa usa ka bata sa matag sitwasyon aron sa pagpakita og gugma alang sa usa ka tawo? Kolori ang upat ka mga eksena.

Mga paghulagway pinaagi ni Scott Jarrard