Այցելող ուսուցիչների ուղերձ, Հուլիս 2010
Ամրացնել ընտանիքները և տները
Ուսումնասիրեք այս նյութը և, ինչպես հարմար է, քննարկեք այն քույրերի հետ, ում այցելում եք: Օգտագործեք հարցերը, որոնք կօգնեն ձեզ ամրացնել ձեր քույրերին և դարձնել Սփոփող Միությունը ձեր իսկ կյանքի ակտիվ մասը:
Սուրբ գրություններից. Ծննդոց ԺԸ.19; Մոսիա 4.15; ՎևՈւ 93.40; Մովսես 6.55–58
Ամրանալ ամեն հնարավորության դեպքում
«Մեզնից յուրաքանչյուրը ընտանեկան տարբեր իրավիճակում է գտնվում: Որոշ ընտանիքներում կան մայր և հայր և երեխաներ: Որոշ զույքեր տանը այլևս երեխաներ չունեն: Եկեղեցու շատ անդամներ ամուրի են, ոմանք՝ միայնակ ծնողներ: Կան նաև միայնակ ապրող այրիներ:
Անկախ նրանից, թե ինչպիսին է մեր ընտանիքը, մենք բոլորս կարող ենք աշխատել ամրացնել մեր ընտանիքները կամ օգնել մյուսներին դա անել:
[Մի անգամ] ես մնացի իմ քրոջ աղջկա ու նրա ընտանիքի տանը: Այդ երեկո, մինչև երեխաները կգնային քնելու, մենք անցկացրեցինք կարճ ընտանեկան երեկո և սուրբ գրությունների ուսումնասիրություն: Նրանց հայրը պատմեց Լեքիի ընտանիքի մասին, թե ինչպես էր նա սովորեցնում իր երեխաներին այն մասին, որ նրանք պետք է ամուր բռնեին երկաթյա ձողից, որը Աստծո խոսքն է: Երկաթյա ձողից ամուր բռնելով նրանք ապահով կլինեին և կգնային դեպի ուրախություն և երջանկություն: Եթե նրանք բաց թողնեին երկաթյա ձողը, ապա կենթարկվեին կեղտոտ ջրերի գետում խեղդվելու վտանգին:
Երեխաներին այս ցուցադրելու համար նրանց մայրը դարձավ «երկաթյա ձողը», որից նրանք պետք է կառչեին, իսկ նրանց հայրը խաղաց սատանայի դերը, որը փորձում էր քաշել երեխաներին և հեռացնել ապահով ու երջանիկ վիճակից: Երեխաներին դուր եկավ պատմությունը և նրանք սովորեցին, թե որքան կարևոր է երկաթյա ձողից ամուր բռնելը: Սուրբ գրությունների պատմությունից հետո եկավ ընտանեկան աղոթքի ժամանակը: …
Սուրբ գրությունները, ընտանեկան երեկոն և ընտանեկան աղոթքը կամրացնեն ընտանիքները: Մենք պետք է օգտագործենք ամեն մի հնարավորություն, որպեսզի ամրացնենք ընտանիքները և օգնենք միմյանց մնալ ճիշտ ուղու վրա:1
Բարբարա Թոմփսոն, Սփոփող Միության գերագույն նախագահության երկրորդ խորհրդական:
Ի՞նչ կարող ենք մենք անել
-
Ընտանիքները և տները ամրացնելու ի՞նչ գաղափարներ կկիսեք ձեր քույրերի հետ: Մինչ դուք խորհեք նրանց անհատական հանգամանքների շուրջ, Հոգին գաղափարներ կառաջացնի ձեր մտքում:
-
Ի՞նչ նախապատվություններ կարող եք դուք փոխել այս ամիս՝ ավելի լավ ամրացնելու ձեր իսկ ընտանիքը ու տունը:
Մեր պատմությունից
Հենց սկզբից էլ Սփոփող Միությունը պատասխանատվություն է ունեցել ամրացնել ընտանիքներն ու տները: Մարգարե Ջոզեֆը Սփոփող Միության վաղ ժողովներից մեկի ժամանակ սովորեցրել է քույրերին. «Երբ դուք տուն գնաք, երբեք չզայրանաք կամ չկոպտեք ձեր ամուսնուն, բայց թող այսուհետև բարությունը, գթությունը և սերը զարդարեն ձեր գործերը»:2
1914թ. Նախագահ Ջոզեֆ Ֆ. Սմիթը Սփոփող Միության քույրերին ասել է. «Որտեղ էլ որ կա անտեղյակություն կամ թեկուզ հասկացողության պակաս ընտանիքի վերաբերյալ, … այնտեղ է լինում կամ մոտ է այս կազմակերպությունը, և իսկական օժտումներով ու ոգեշնչմամբ, որ պատկանում են կազմակերպությանը, նրանք պատրաստվում են և հոժար են, որ իրենց ուսուցում տան՝ այդ կարևոր պարտականությունների վերաբերյալ»:3
© 2010 by Intellectual Reserve, Inc. Բոլոր իրավունքները պաշտպանված են: Printed in USA. Անգլերենի հաստատումը. 6/09: Թարգմանության հաստատումը. 6/09: Visiting Teaching Message, July 2010-ի թարգմանությունը: Armenian: 09367 201