2011
Restawrazzjoni ta’ Kollox
Frar 2011

Messaġġ tal-Għalliema taż-Żjajjar, Frar 2011

Restawrazzjoni ta’ Kollox

Studja dan il-materjal, u kif xieraq, iddiskutih mal-aħwa li inti żżur. Uża l-mistoqsijiet sabiex jgħinuk issaħħaħ lil ħutek u biex tagħmel lis-Soċjetà tal-Għajnuna parti integrali minn ħajtek.

Relief Society seal

Fidi • Familja • Għajnuna

Il-Profeta Joseph Smith organizza s-Soċjetà tal-Għajnuna bħala parti essenzjali mill-Knisja. Bħala presidenza, nittamaw li nistgħu ngħinuk tifhem għaliex is-Soċjetà tal-Għajnuna hija essenzjali għal ħajtek.

Nafu li n-nisa tat-Testment il-Ġdid urew fidi f’ Ġesù Kristu u pparteċipaw fil-ħidma Tiegħu. Luqa 10:39 jitkellem dwar Marija, li “niżlet bilqiegħda f’ riġlejn il-Mulej tisimgħu x’ kien qiegħed jgħid.” F’ Ġwanni 11:27 Marta tat xhieda ta’ Kristu: “Weġbitu, Iva, Mulej: Jiena nemmen li inti l-Messija, l-Iben ta’ Alla, dak li ġie fid-dinja.” L-Atti 9:36, 39 jitkellem dwar “waħda mid-dixxipli jisimha Tabita, … mara tagħmel ħafna għemejjel tajba. … U r-romol kollha daru miegħu … juruh l-ilbiesi u l-imnatar li kienet għamlitilhom.” Febi, f’ Rumani 16:1–2, kienet “sservi lill-knisja” u “għajnuna għal ħafna.”

Dawn il-mudelli ta’ fidi, testimonjanzi u servizz komplew fil-Knisja f’ dawn l-aħħar jiem u ġew formalizzati permezz tal-organizzazzjoni tas-Soċjetà tal-Għajnuna. Julie B. Beck, president ġenerali tas-Soċjetà tal-Għajnuna, għallmet: “Hekk kif is-Salvatur stieden lil Marija u lil Marta fi żmien it-Testment il-Ġdid sabiex jipparteċipaw fil-ħidma Tiegħu, l-istess in-nisa ta’ din id-dispensazzjoni ġew uffiċjalment ikkummissjonati sabiex jipparteċipaw fil-ħidma tal-Mulej. … L-organizzazzjoni tas-Soċjetà tal-Għajnuna fl-1842 organizzat fl-imkien il-qawwa kollettiva tan-nisa u l-ħidma speċifika tagħhom biex jibnu s-saltna tal-Mulej.”1

Inwettqu l-ħidma tagħna hekk kif niffokaw fuq l-għanijiet tas-Soċjetà tal-għajnuna: li nkabbru l-fidi u ntejbu lilna nfusna, insaħħu lill-familji tagħna u lil djarna, u nfittxu u ngħinu lil dawk fi bżonn.

Nixhed li s-Soċjetà tal-Għajnuna ġiet organizzata b’ mod divin biex tassisti fil-ħidma tas-salvazzjoni. Kull oħt tas-Soċjetà tal-Għajnuna għandna f’ idejha rwol essenzjali biex titwettaq din il-ħidma sagra.

Silvia H. Allred, l-ewwel kunsillier fil-presidenza ġenerali tas-Soċjetà tal-Għajnuna.

Mill-Iskrittura

Ġoel 2:28–29; Luqa 10:38–42; Efesin 1:10

Mill-Istorja Tagħna

Sister Julie B. Beck għallmet li “aħna nafu permezz tal-Profeta Joseph Smith li s-Soċjetà tal-Għajnuna kienet parti formali mir-Restawrazzjoni.”2 Il-proċess tar-restawrazzjoni beda bl-Ewwel Dehra fl-1820 u kompla “linja wara linja, preċett wara preċett” (D&C 98:12). Meta s-Soċjetà tal-Għajnuna ġiet organizzata formalment fis-17 ta’ Marzu, 1842, il-Profeta għallem lin-nisa dwar il-post essenzjali tagħhom fil-Knisja rrestawrata. Huwa qal, “Il-Knisja ma kenitx għadha ġiet organizzata b’ mod perfett qabel ma ġew organizzati n-nisa.”3

© 2011 mill- Intellectual Reserve, Inc. Id-drittijiet kollha riservati. Printed in Germany. Approvazzjoni bl-Ingliż: 6/10. Approvazzjoni tat-traduzzjoni: 6/10. Traduzzjoni ta’ Visiting Teaching Message, February 2011. Maltese. 09762 159

Noti

  1. Julie B. Beck, “Fulfilling the Purpose of Relief Society,” Liahona, Nov. 2008, 108.

  2. Julie B. Beck, “Fulfilling the Purpose of Relief Society,” 108.

  3. Teachings of Presidents of the Church: Joseph Smith (2007), 451.

X’ Nista’ Nagħmel?

  1. Dan ix-xahar x’ għajnuna nista’ nagħti lil ħuti nisa biex bl-eżempju tiegħi nuri kif tkun il-fidi ta’ dixxiplu mara ta’ Ġesù Kristu?

  2. Liema tagħlim mill-evanġelju rrestawrat għandi nistudja biex dan ix-xahar insaħħaħ it-testimonjanza tiegħi?