Fakaafeʻi ʻe ha Feʻauhi Tā Valivali ke Tuʻukimuʻa e Toʻu Tupú

ʻOku hanga ʻe he Musiume Hisitōlia ʻo e Siasí ʻo fakaafeʻi e toʻu tupu taʻu 13 ki he 18 ke nau kau atu ki he fuofua Feʻauhi Tā Valivali Fakavahaʻa Puleʻanga maʻá e Toʻu tupú.

ʻOku totonu ke faʻu ʻe he kau tā valivalí ha ngaahi ngāue ʻe fakahaaʻi ai ʻa e ʻuhinga ʻo e “tuʻu hake pea ulo atu” (vakai T&F 115:4–6).

Kuo pau ke toki faʻu e ngāue fakaʻātí kimui ange ʻi he ʻaho 1 ʻo Sānuali 2009. Ko kinautolu ʻe kau atu ki aí kuo pau ke nau taʻu 13 ʻi heʻene aʻu ki he ʻaho 1 ʻo Sānuali 2012, pea ʻe lava ke nau fakahū fakahangatonu mai ha ngāue fakaʻaati ʻe taha ʻi he ʻInitanetí ʻo kamata mei he ʻaho 2 ʻo Sānuali 2012, ʻo toki tāpuni ʻi he ʻaho fakaʻosí—ko e Falaite, 1 ʻo Sune 2012. Ko e lahi ʻo e fakatātaá kuo pau ke ʻoua naʻa toe lōloa ange ʻi he ʻinisi ʻe 84 (213 cm) ʻi hono fua lōloá. ʻOku talitali lelei foki mo ha faʻahinga founga tā valivali ʻi he mītiá (artistic media) ʻi he feʻauhí.

ʻE ʻoatu e fakaikiiki ki he founga hono fakahū maí ʻi he tuʻasila ko e lds.org/youthartcomp.

Ko e kau ikuná, ʻe kole ange ke nau ʻomi ʻa e foʻi tatau totonu (original) ʻo ʻenau fakatātaá ki he musiumé ke fakaʻaliʻali ai mei he ʻaho 16 ʻo Nōvema 2012 ki he ʻaho 17 ʻo Sune 2013.