Bōktok Būraimere n̄an M̧weo

Kōjeram̧m̧an ko an Priesthood Rej Pād n̄an Aolep

Kom̧ maron̄ kōjerbal katak in im m̧akūtkūt eo n̄an katak eļapļo̧k kōn unin kōnono eo an Būraimere an allōn̄ in.

Ke Joseph Smith eaar ukoote Bok in Mormon, e im rijeje eo an Oliver Cowdery eaar wōr juon aer kajjitōk. Raar ilo̧k n̄an wōjke ko n̄an jar kake. Ke raar jar, juon rikwōjmeļan in lan̄ eaar walaļtak jān lan̄ ilo juon kedo̧ in meram. Rikwōjmeļan in eaar Jon Ripeptaij. Eaar likit pā ko pein ioon Joseph im Oliver im leļo̧k n̄an erro Priesthood eo an Aron. Innām Jon Ripeptaij eaar kakien Joseph im Oliver n̄an peptaij i doon. Juon tōre tok ālik, Rijilōk Piter, Jemes, im Jon raar itok n̄an laļ in im kar kapit Joseph im Oliver n̄an Priesthood eo an Melkizedek. Priesthood eo an Anij eaar bar juon alen pād ioon laļ in. (Lale Joseph Smith—History 1:14–72.

Kōn priesthood eo jemaron̄ bōk kōjeram̧m̧an ko im kain̄i ko raiboojoj. Kōjeram̧m̧an kein ekoba ko kar leļo̧k n̄an nin̄nin̄ ko, im n̄an ajri ro jen ro jemāer ak rikabwijer priesthood ro jet rerreo. Jej aikuj barāinwōt bōk kain̄i ko jet n̄an jepļaak n̄an ippān Jemedwōj Ilan̄. Jet iaan kain̄i kein ekoba peptaij kōn tulo̧k ilo dān, bōk menin letok eo an Jetōb Kwojarjar, im kain̄i ko rekwojarjar ilo tampeļ me remaron̄ liāpe baam̧le ko ippān doon n̄an indeeo. Barāinwōt ilo tampeļ eo, kain̄i ko remaron̄ kōm̧m̧an n̄an armej ro remej ro raar jab bōk kōjeram̧m̧an ko an ko̧jpeļ in. Kōjeram̧m̧an ko an Priesthood Rej Pād n̄an Aolep.

Al im Jeje Ko Rekwojarjar

• Kālet juon al kōn priesthood eo jān Children’s Songbook

• Lale Doctrine and Covenants 84:35

Kwe Wōt

Ilo Peral of Great Price, elōkļo̧k n̄an Joseph Smith—History 1:68–73. Kōjerbal eoon kein n̄an jipan̄ eok kanne būļāān̄ kein ilaļ. Ilo ioon juon bar peba edik, je men ko jet kwar katak jān am̧ riiti eoon kein.

1. “Priesthood eo an Aron … ej kabwijer kii ko an kwaļo̧k an , im an ko̧jpeļ eo an .”

2. eo kar im̧aantata n̄an peptaij.

3. Oliver Cowdery eaar peptaij .

4. Jon Ripeptaij eaar m̧akūtkūt ium̧in tōl eo an , , im .

5. Tokālik Piter, Jemes, im Jon raar leļo̧k Priesthood eo ioon Joseph im Oliver.

Uwaak ko: 1. enjeļ raņ, ukweļo̧k; 2. Oliver Cowdery; 3. Joseph Smith; 4. Piter, Jemes, Jon; 5. Melkisedek.

M̧akūtkūt an KJE Priesthood eo Ej jipan̄ Armej ro

Priesthood eo ej kajoor eo an Anij n̄an jerbal im kōjeram̧m̧an armej ro kōn kain̄i ko im kōjeram̧m̧an ko. Ilo pija kein, jin̄aik eok make ilo ijin.

Rikabwijer priesthood ro rej kōjeram̧m̧an im leto-letak kwojkwoj eo. Pijaik eok make ioon jea eo, pojak n̄an bōk kwojkwoj eo.

Kōjeram̧m̧an ko an priesthood remaron̄ in kemour rinan̄inmej eo. Pijaik eok make ilo pāāt eo, ejjab em̧m̧an am̧ mour.

Baam̧le ko remaron̄ liāp ippān doon kōn kain̄i ko an tampeļ. Pijaik baam̧le eo am̧ im̧aan in tampeļ eo.

Peptaij im bōk menin letok eo an Jetōb Kwojarjar rej kain̄i ko an priesthood. Pijaik eok make ilo am̧ jutak im̧aan jikin peptaij eo.

Tuanmiin̄: The Restoration of the Melchizedek Priesthood, jen Kenneth Riley © 1965 IRI; inset: pija jen Phyllis Luch © 1988 IRI; Bless Them in His Name, jen Walter Rane © IRI; right: pija ko jen Rebecca Miller