N̄on Kokajur Jodrikdrik Ro
Nuknuk im Baotokūm “Kōm̧m̧an bwe Jetōb Kwojarjar EO EN Tōl”
Photograph © Busath Photography
Āinwōt ro ripinej jenkwan Kraist, jej kwaļo̧k ad kautiej ānbwinnid “ilo aolep iien ko im ilo aolep men otemjeļo̧k, im ilo aolep jikin ko” jān mour kōn jet jon̄ok ko.
Kim eaar jab oktak an ekkōņak nuknuk ko rem̧m̧an. Raan eo ļo̧k juon iaar kajjitōk kōn ļōmņak eo an kōn ta eo ej ļōmņak ej juon lukko ekarbōb, juon nuknuk lōn̄ ekarbōb, im juon nuknuk in aaō ekarbōb. Ijeļļo̧kin jon̄ak in waļōn̄tak in nuknuk eo ejejjet n̄an tōrerein im tōrerein kōnwaan, kōm eaar kōnono kōn pedped in katak ko rekūtbooj karbab in nuknuk im apan̄ eo loe nuknuk ko rekarbab me etoojļo̧k. Kōm kar itok limo in tipdiki wāween ko n̄an kaitokļo̧k juon lukko. Āliktata Kim eaar ba, “Eļan̄n̄e ejjab po̧ būruwō n̄e Ij jino kōņak nuknuk eo, ej meļeļe in ke ejjab ekkar im ejjab po̧ būruwō n̄an kōņak e. Iaar jeļā n̄an jab wiaiki. Iaar bar kōrool e n̄an jikin nuknuk eo.”
Ilo an Kim kajjieon̄ mour erreo, Jetōb Kwojarjar emaron̄ tōl e ilo an kālōt nuknuk ko an. Ej mour kōn jon̄ok ko an karbab ilo nuknuk im jab kajjieon̄ in ukōt kien ko an nuknuk im paotokin. Emeļeļe bwe ānbwinin ej juon tampeļ (lale 1 Korint 3:16) im bwe eaar wōr juon an eddo n̄an kea kake, kōjparok, im jejjet kanuknuki.
Ilo an juon tampeļ ekkal, kōjparok eo eļap ej bōk jikin n̄an lale bwe ej kōjparok im aiboojoj, ilowaa im namōj. Juon kii n̄an karōk tampeļ ko ej meļeļe juon tampeļ rej bōk jikin m̧weo im̧ōn Irooj—ej m̧weo Im̧ōn. Jej kautiej tampeļ ko āinwōt em̧ ko rekwojarjar ijo ro wōt rereeo remaron̄ deļo̧n̄e ie. Jej kautiej tampeļ ko kōnke kain̄i ko rekwojarjar im bujen ko jej bōk koņaad ie n̄an kōm̧m̧an bwe jen jepļaak n̄an Jemedwōj Ilan̄.
Ānbwinnimi eļapļo̧k an aiboojoj jen tampeļ eo eaiboojoj ioon laļ in. Kom̧ij m̧aan ak kōrā ro rejitōn bōro nejin Anij! Ejja pedped kein wōt—rej jutak kōn, nōbar, im kautiej—rej jerbal eļapļo̧k n̄an kōjparok im bōbrae eo kom̧ij leļo̧k n̄an ānbwinnimi.
Jutak ilo etan
Kajjojo wiik ilo ad bōk m̧ōttan kwojkwoj eo, jej bōk iood etan Rilo̧mo̧o̧r. Jej ripinej jenkwan ro An ioon laļ in. Juon iaan unin tōl ko ilo N̄on Kokajur Jodrikdrik Ro ej kwaļo̧k: “Kōn weween am nuknuk im baotokūm, komaron̄ kwaļo̧k n̄an Irooj bwe kwo jelā jon̄an aorōk eo an ānbwinūm. Kwomaron̄ kwaļo̧k bwe kwōj juōn ri kaloran Jisōs Kraist.”1
N̄e juon jiron̄ enaaj riiti ennaan in, ej ļōmņak ejjab kōņaan etetal epaakeļo̧k lain in nuknuk eo ejjab karbōb. Eaar m̧ōkaj an kōmakūt jabdewōt men ilo nuknuk ko an me rejjab ekkar āinwōt juon ripinej jenkwan Rilo̧mo̧o̧r eo. Eaar ba, “In kar jeļā eļan̄n̄e Ij jamin kar kajjieon̄ jabdewōt men ilo im̧ōn wia ko me Iaar jeļā ijjab aikuj in kōņaki. Etke kapo?” Pedped eo an ripinej jenkwan eaar jipan̄ e kōm̧m̧ane kālet eo epen.
Pija ko jen Cody Bell
Kautiej
Āinwōt ro ripinej jenkwan Kraist, jej kwaļo̧k ad kautiej ānbwinnid “ilo aolep iien ko im ilo aolep men otemjeļo̧k, im ilo aolep jikin ko” (Mosaia 18:9) ilo errā n̄an ļoor jon̄ak ko. Irooj ej aikuji bwe ro wōt me rerreo remaron̄ delo̧n̄ ilo tampeļ. Kālet eo am ewānōk ej menin kam̧ool eo ilo am kautiej Irooj im ānbwinnūm̧.
Jej aikuj barāinwōt kwaļo̧k kautiej n̄an ānbwin ko an ro jet im jipan̄ er mour kōn mour ko rewānōk. Elder M. Russell Ballard an Doulul eo an Jon̄oulruo Rijilōk ro eaar ba: “[Jiron̄ ro] rej aikuj in meļeļe bwe eļan̄n̄e rej kōnak nuknuk ko im relukkuun bab, lukkuun kadu, ak eļap aer pelļo̧k, rejjab leļo̧k wōt meļeļe ko rejjab jimwe n̄an likao ro rej iaio ippaer, ak rej barāinwōt boktok n̄an kōļmenļo̧kjeņ ko aer make meļeļe ko bwe aorōk ko an kōrā ej pedped ion kōnaan ko an. Men in ejjanin kar im ejjamin naaj pād ilo meļeļe ko an leddik ro nejin Anij im eļap aer tōmak.”2
Jiron̄ ro, kautiej ānbwinūmi im jipan̄ ro jet, eļaptata likao ro, dāpij ļōmņak ko im m̧akūtkūt ko rewānōk. Kautiej ānbwinūm̧, jeļā bwe mour jim̧we aolep raan enaaj lewaj n̄an eok aorōk eo an indeeo.
Kautiej:
Jen Elder Robert D. Hales Jen Doulul eo an Jon̄oulruo Rijilōk ro kar katakin kōj: “Āinwōt an baj peļaakin tampeļ eo kwaļo̧k kadkadin kwojarjar eo im kautiej e n̄an ta eo enaaj bōk jikin itulowan tampeļ eo, nuknuk ko ad rej kwaļo̧k kadkadin aiboojoj eo im kwojarjar eo make itulowad. Wāween kadkadin ad nuknuk ilo ad kwaļo̧k kautiej … kain̄i ko im bujen ko indeeo im men̄e jej kōpooj kōj make n̄an būki.”3
Kwaļo̧k am̧ kautiej kōn en̄taan in pinmuur eo an ad Rilo̧mo̧o̧r ilo am̧ kōņak “nuknuk in Jar ko rem̧m̧an” n̄an bōk kūņam̧ ilo kain̄i eo an kwojarjar eo. “Likao ro rej barāinwōt dāpij jejjet in aer erreo ilo baotokier ilo kain̄i eo an kwojkwoj eo.”4 Jiron̄ ro, nuknuk karbōb.
Jerkak! Kwon juon waanjon̄ak kōn karbab in nuknuk ilo m̧weo, ilo jikuuļ, ilo piij ko, ilo eeb ko, ak ilo ikkure ko. Ļoor waanjon̄ak eo an Kim ilo kālet am nuknuk, kōm̧m̧an bwe Jetōb kwojarjar en tōl eok ilo kālōt ko am̧. “Kwōn kajitōk ippam make, ‘Ilo jekjek in aō kōpoojak en ke kar emman aō ļōmņak n̄e iaar pād imaan mejen Irooj?’”5
Eļan̄n̄e kwonaaj mour kake pedped kein jilu—jutak ilo etan, jeļā ņae, im kautiej—n̄e konaaj kālōt nuknuk ko am̧, kwonaaj romaak (lale Doctrine and Covenants 115:5) āinwōt ripijen jenkwan ro rejitenbōro an Rilo̧mo̧o̧r.