Dear Amiga
Iakwe jān Mexico! Iaar lukkuun in m̧ōņōņō in bōk lōta eo am̧ im ron̄ kōn raan in kemeem eo am̧ ej itok wōt. Ej āinwōt kwoj ikum̧kūm jidik n̄an diwōjļo̧k jān Būraimere. Imaron̄ ke jiron̄ eok kōn tōre eo Iaar etal n̄an Doulul eo an Jiron̄ ro?
Iaar ikum̧kum̧ in emm̧akūt jān Būraimere barāinwōt. Iaar inepata bwe emaron̄ kar ejjeļo̧k m̧ōtta. Iaar mijak bwe iaar leddik eo ediktata ijelo̧kin juon iaan ro rerūtto.
Ak aolep men raar em̧m̧an. Bisop eo eaar intōrpiu ippa m̧okta jān raan in kemeem eo aō im eaar jiron̄ eō bwe oktak eo enaaj juon men em̧m̧an. Ilo Jabōt eo, Iaar jook im kar pād wōt ilo ruum̧ eo an Būraimere. Jeram̧m̧an, juon iaan ritōl ro an Doulul eo an Jiron̄ ro eaar lo eō ijo. Eaar ba, “Iaar kōtmāne bwe Inaaj kar lo eok ijin! Itok, ej iien n̄an etal n̄an kūlaaj.”
Sister Diaz eaar karuwaineneik eō ilo iien kōpeļļo̧k eo, im eaar letok n̄an eō jilu bok ko me Iaar iakwi: Non Kokajur Jodrikdrik Ro, Young Women Personal Progress, im juon jōnōļ. Ke Iaar reto-reitak ipeļaakin ruum̧ eo, Iaar kile bwe Iaar jeļā kajjien jet iaan leddik ro jān Būraimere. Jet iaan leddik ro me Iaar jaje kajjier raar ba iakwe n̄an eō. Eaar m̧ōkaj aō en̄jake aenōm̧m̧an ijelo̧kin mijak.
Men ko raar jino em̧m̧an tok ālik. M̧akūtkūt ko ilo mutual raar lukkuun wōr tokjāer n̄an eō kōnke raar katakin eō kilen mour kōn ko̧jpeļ in im kilen aer jipan̄ baam̧le eo aō im ro m̧ōtta. Im etal n̄an kāām kajjojo iiō elukkuun in limo! Kiiō Ij juon Laurel, Ij kōjatdikdik n̄an kadedeļo̧k Personal Progress eo ilo iien eo em̧ōkaj. Ijjab kōņaan kōttar n̄an kōņak m̧arm̧ar in medallion ilo Doulul eo an Jiron̄ ro bwe en kakememej eō kōn wāween Aō epaakeļo̧k Jema Ilan̄ ilo aolepen iiō kein.
Kōn menin jab mijak, m̧ōtta. Peran im etal n̄an Doulul eo an Jiron̄ ro. Ij kalim̧m̧uri eok kwojamin inepata.
iakwe
Maribel
Pija jen Brad Clark