Karuwaineneik juon Season Ekāāl an Mour
Kwoj ke mour ilo juon jikin ijo kōļar in wōjke ko reoktak n̄e ej iien mōļo? Rein emān m̧ōttad rej. Noah B., Dylan L., Patrick M., im Ben M. rej aolep jokwe ilo Prince Edward Island turōk turear in Canada. Āinwōt wōjke ko, ļaddik rein jilu rej pojak n̄an juon tōre in mour kāāl. Rej aolep jino tōpar 12 ilo iiō in, im meļeļe in bar iakwe n̄an Būraimere im iakwe n̄an Doulul eo an Likao ro. En̄in ej ta eo raar ba kōn aer eddōkļo̧k im aer wōnm̧aanļo̧k.
Kwon erom Kwe Make
Ke Noah eaar emm̧akūt tok n̄an ijin, ro m̧ōttan raar jipan̄ e ukōt kilen mour ioon āne eo. Kiiō, āinwōt eo erūtto tata ilo kurup in, ej jipan̄ er kilen mour ilo Doulul eo Likao ro. “Iaar inepata kōn kar bōke im n̄an jeļā kajjien ro jet,” Noah eaar ba kōn ijjino ilo Doulul eo an Likao ro. “Etal n̄an m̧akūtkūt ko eaar lukkuun jipan̄.” Al in Būraimere eo em̧m̧an tata ippān Noah ej ritariņae ro an Hilamōn, im kōn wāween an lo doulul eo an priesthood—ilo aer pād ippān doon, im juon wōt.
An naan in kapilōk? “Kwon erom Kwe Make”
Kautiej Priesthood eo
N̄an Patrick, bōk priesthood eo ejjab kōn tōpar juon iiō. Ej kōn erreo im kōppopo. “Kwojjab bōk priesthood eo kōnke 12 am̧ iiō,” Patrick eaar ba. “Kwoj aikuj in kōppopo.”
Dylan eaar meļeļe ewi jon̄an an aorōk kōppopo. Eaar kajjieon̄ in m̧ōkajļo̧k n̄an m̧ōn jar eo 15 minit m̧oktaļo̧k n̄an pojak ilo jetōb n̄an leto-letak kwojkwoj eo. “Iaar leto-letak kwojkwoj eo jilu ak emān alen, im kajjojo iien Jetōb ej un̄ir būruwō. Ijjab ļōmņak inaaj kar iminene kake,” eaar ba.
Ben eaar ba bwe leto-letak kwojkwoj eo ej kakememej e kōn Kōjota eo Āliktata: “Jisōs eaar jutak ijo. Kōm̧ ar jutak ijo Jisōs eaar jutak ie, im Eaar kōņaan bwe kōm̧in pād ijo.”
Reilo̧k n̄an Tampeļ eo
Ben ej jerbale n̄an bōk Faith in God Nōbar eo im reim̧aanļo̧k n̄an kōm̧m̧ani peptaij ko kein kajuon n̄an ro remej. “Ijjan̄in kar pād ilowaan tampeļ eo, ak aolep armej ro rekōn kwaļo̧k aer naan in kam̧ool kōn mejatoto eo im en̄jake eo rej en̄jake ālkin aer etal,” Ben eaar ba.
Noah eaar ilo̧k ilo loļo̧k eo an kein kajuon n̄an tampeļ jem̧aanļo̧k. Eaar ba bwe likao ro ilo doulul eo an raar kōm̧m̧an em̧m̧an n̄an e āinwōt baam̧le eo. “Komaron̄ en̄jake ikūm̧kūm̧, ak enaaj wōr armej ro ijen renaaj jipan̄ eok,” eaar ba. “Kwonaaj en̄jake ruwainene.”
Noah
Dylan
Patrick
Ben
Pija jen Marissa Widdison