Semirit

Omusomus A Awora Pwapwa

Preseten Uchtdorf a aitikich pwe sipwe omusano tipisin chon ach famini. Kopwe kuna met Joseph me Anna ra finata mi efisi ngeni ar famini.

Joseph me fefinan kukkun, Anna, ra urumot fengen. Anna a sonani eu pisekin urumot seni Joseph. Met mi och pwe Joseph epwe fori?

Joseph a song ren Anna. Anna a kechiw. Inen Joseph a song ren i pokiten a fiu ren fefinan. Joseph a mefi netipengau pokiten met a finata ese och.

Joseph a omusano tipisin Anna me a kuna pwan eu pisekin urumot ne urumot ren. Ra urumot fengen non pwapwa. Iner a pwapwa pwe Joseph mi kirokiroch ngeni fefinan me ra awora kinamwe non ewe famini. Joseph a mefi pwapwa pokiten a finata pwe epwe omusano tipisin Anna.

Mwirin, mi namwot pwe Joseph me Anna repwe anisi iner ne fori aner mongon nekunion. Joseph ese aninis. Met mi och pwe Anna epwe fori?

Anna a ngunungun ngeni inan.Anna a anini pokiten a anaemon chok ne fori ewe angang. Nupwen ra ani mongon nekunion ir meinisin rese pwapwa pokiten ra anini fengen.

Anna a omusano tipisin Joseph me a aninis ne fori mongon nekunion. Iner a kinisou ren an Anna aninis. Ewe famini mi pwapwa ne mongo fengen non mongon nekunion. Anna a mefi murino pokiten a finata ne omusano Joseph.

Ifa usun om finata ne omusano ekkoch a awora pwapwa non om famini?