Serafo
Iotek me Kinamwe
Won eu pwin ua anini ren inei me ua mefi netipengau. Iwe ua finata pwe upwe iotek. Ina mo pwe ua netipengau me use mochen fori mettochun “ngun,” ua sinei pwe ika upwe iotek epwe anisiei pwe upwe pwapwa me usap mochen anini. Mwirin inei a tou seni ewe rum, ua poputa ne iotek. “Semei mi Napanap won Nang, ua feito ngonuk non ei pwin pokiten …” Ap. Ua suki mesei me ua kouno ne afangera pei; ena ese ititoch. Ua sotuni sefan. “Semei won Nang, ua mochen …” Ena mi pwan ititingau. Ua mefi Setan a sotuniei ai upwe fangano ne iotek ren ai upwe tungor ngeni Semei won Nang pwe epwe anisiei.
Non ena chok fansoun ua angei eu memef pwe upwe apasa kinisou! Iwe ua fori, me chommong mettoch mi tonong non ai ekiek usun ekkewe mettoch ua tongeni apasa ai kinisou ren ngeni Semei won Nang. Nupwen ua wes ne apasa ai kinisou ngeni I, ua aporausa ewe osukosuk ua nom non.
Mwirin ua mefi kinamwe non netipei, me ua mefi eu mettoch non nguni pwe ua sinei pwe Semei won Nang me semei me inei mi tongeiei me pwe ngang emon noun Kot. Ua tongeni omusomus ngeni inei me ua tongeni etiwa an omusomus ngeniei.