Bitir

N’ag Fan e ma Feek i Yib e Falfalen’

Ke fil President Uchtdorf ni thingar di n’ag faned ko tabinaew rodaed. Muguy rogon e n’en ni ke rrin’ Josef nge Anna ke buch ko tabinaew rorow.

Josef nge walagen nib achig nib bulyol, Anna, e yow be fafal u ta’abang. Me male’ Anna ko taline gosgos ku Josef. Mang e thingari rrin’ Josef?

Ke domomuw Josef ngak Anna. Me yoer Anna. Me puwan e nina’ rok Josef ngak ni kar cham gow e walagen nib bulyol. Me kireb ko tafney rok Josef nike rrin’ ban’en nib tagan.

Me n’ag fan Josef rok Anna me pir’eg reb e taline gosgos ni nge fafal ngay. Miyow fafal u ta’abang nib mangil rogon. Ke falfalen’ e nina’ rorow nib gol Josef ko walagen ma ke tay fare gapas u lan fare tabinaew. Ke falfalen’ Josef nike n’ag fan.

Ta’aboch, ma ba tu’uf ngak Josef nge Anna ni ngar ayuwegnew e nina’ rorow ko abich ni balayal’ Dani ayuw Josef. Mange nge rrin’ Anna?

Me nonon Anna ngak e nina’ rok. Me tugthin nag Anna ni go’ir e be rrin’ e murwel. Napan e abich ma dani falfalen’ gubin e gidii’ e kan tugthin.

Me n’ag fan Anna rok Josef me pii’ e ayuw. Me falfalen’ e nina’ rorow ko ayuw rok Anna. Me falfalen’ fare tabinaew ni yaed bay u ta’abang ni ngan abich ko balayal’. Ke mangil rogon Anna ni ke n’ag fan.

Urogon ni n’ag fan rom e ra n’anggin ban’en ko falfalen’ ko tabinaew rom?