Mulwol ni Ngan Fil ni Ngan Nang, October 2012

Tay Fan e Pi Ma’g Rodaed

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.

siasing/Llecheklel

Chiyliy ko Relief Society

Mich,Tabinaew, Ayuw

Visiting teaching e rogon e gachalpen nge kanawo’ ni ngad tay faned e pi m’ag rodad napan ni gadad be ayuweg ma gadad be gel nag gadad. M’ag e ba thothup ma ba tawa’ath u thilin Got nge pifaak. “Napan ni gadad ra nang ni gadad e bitir ko fare m’ag, ma gadad nang ko gadad mini’ nge n’en ni be tafney nag Got ngodad,” e ke yoeg Elder Russell M. Nelson ko fare Ulung ko fare L’agruwi Apostle. “Motochiyel Rok e kan yoloey nga lan gum’racha’daed. Ir e Got rodaed ma gadaed e gidii’ Rok.”¹

Gadad ni visiting teacher ma rayog ni ngad gel niged e picha’an ni gadad ma guy ko murwel roraed ni ngar ted e m’ag roraed nib thothup. Napan ni ran rrin’, ma gadad be ayuweg raed ni ngar fal’eged rograed ko pi tawa’ath ko yafas nib manechubog. “Gubin e ppin u lane ra Galasia ney nike ngongliy e m’ag ngak Somoel e bay e mat’won raed nib thothup ni ngar ayuwegned e ya’el, man gagyeg nag e ppin u fayleng, ni ngan gel nag e pi tabinaew u Zion, man toey fare gil’ilungun Got,”² e ke yoeg Elder M. Russell Ballard ko fare Ulung ko fare Ragag nge L’agruw i Apostle.

Napan ni gadad ra ngongliy ma gadad cha’ariy e pi m’ag rok nib thothup, ma gadad mang e talne murwel u lan pa’ Got. Rayog ni ngad ngongliyed e tin nib michu wan’ dad ngay ma gadad gel niged e mich rok bee’ ngak e Chitamangiy nu Tharmiy nge Yesus Kristus.

Ko fapi Chep Nib Thothup

1 Nephi 14:14; Mosiah 5:5–7; 18:8–13; Doctrine and Covenants 42:78; 84:106

Cheppin Rodad

Fare temple e bang ni yibe pining e magaer ni fan ko gidii’en Got, ke dag Somoel ngak Profet Joseph Smith u lane 1833. Bang ni bay e n’en ni ngan rrin’ ni fan ko picha’an ni kan pining raed ni ngar murwel gaed ko oren e pi calling nge ofis roraed nib thilthil; ni yaed ra mangil u fithik e n’agan’ ko murwel roraed, ma, lane kenggin e yilen, u lane gubin ban’en nib mu’un ko fare gil’ilungun Got u dakean e fayleng (muguy ko D&C 97:13–14).

Pi sister ko Relief Society u Nauvoo, Illinois, napan e 1840 ni kan ayuwegned giyad ni ngar fal’eged giyad ko pi gam’ing u temple. U lan boech e gam’ing ko fare priesthood nib tolang ni pi Gidii’en Got ko Tin Tomur e Rran u lane Nauvoo Temple, gelngin Got e ra m’ug (muguy ko D&C 84:20). Me yog nap’an nira yul’yul’ e pi Saints ko m’ag roraed, biney e gelngin eke chathowliy nagraed me ayuwegraed ko gubin e sikeng ulane erran nge duw ni bay yib.³

U lane Galasia e daba’, ppin nib yul’yul’ nge pumo’on u dakean e fayleng e yaed ma pigpig u lane temple man ulul ni ngan pir’eg e gelngiy u lane tawa’ath ni rayog ni ngeyag ni kemus u dakean e pi m’ag u temple.

© 2012 ko Intellectual Reserve, Inc. Gubin ni mat’won ma bay. Nni yoloey u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko Visiting Teaching Message, October 2012. Yapese. 10370 905

Mange Rayog Nggu Rin?

Urogon nima gel nigeg e pi m’ag?
Urogon ni gube ayuweg e pi sister ni gube ayuweg ni ngar cha’ariyed e pi m’ag roraed?