Fal’ Yangren
Meybil nge Gapas
Reb e balayal’ mu gomow tugthin e nina’ rog ma kari kireb ko tafney rog. Ere mug dugliy ni ra gu meybil. Ba kireb e tafney rog ma dabug ni ngug “yul’yul’,” ma gumanang ni meybil e ra ayuweg neg ni ngug falfalen’ ma dabkug tugthin. Napan ni chuw e nina’ rog u senggil, mug tabab nag e meybil rog. “Chitamangiy nibay u Tharmiy, Ku gub Ngom e biney e balayal ya …” Dangay. Mug bing owcheg mug tal ug feleg pa’ag; binem e dani fal’ lingan. Mug gay rogon biyay. “Chitamangiy nu Tharmiy, Ba tu’uf rog e …” Binem e ku dani fal’ lingan. Mug thamiy ni be gay rogon Satan ni dabkug meybil ni ngug ning e ayuw ngak e Chitamangiy nu Tharmiy.
Tumgin mug thamiy ni nggog e magaer! Ere mug goeg, ma pi tafney e tabab i yib nga laniyaen’ug nge gubin e pin’en ni rayog ni ngug pining e magaer ngak e Chitmangdad nu Tharmiy riy. Napan ni gu mu’ i pinning e magaer Ngak, mug weliy e magawon nike buch.
Napan ni gu mu’ mug thamiy e gapas rog, ba thomthom nib thothup ni gumanang ni Chitamangdad nu Tharmiy nge galabthir rog e gub tu’uf roraed ma gag e bitir ku Got. Me yag ni ngug sirow ko nina’ rog mug accept nag e sirow rok.