Naan in Katak an Kōrā
Kautiej Bujen ko Ad
Lukkuun jar im ekkatak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā en m̧ōttan eo emourur tata ilo mour eo am̧i make.
Tōmak, Baam̧le, Deeor
Naan in katak an kōrā ej juon en̄jake eo ad āinwōt rikaļoor im juon wāween n̄an kautiej bujen ko ad ilo ad jerbal im kōkajoorļo̧k doon. Juon bujen ej juon kalim̧m̧ur ekwojarjar im kalim̧m̧ur indeeo ikōtaan Anij im ajri ro Nejin. “N̄e jej kile bwe jej ajri in bujen eo, jejeļā wōn kōj im ta eo Anij ej kōtmāneik kōn kōj,” Elder Russell M. Nelson jen Doulul eo an Jon̄oulruo Rijilōk ro eaar ba. “Kakien ko An rej jeje ilo būruwōd. E ej ad Anij im jej armej ro An.”1
Āinwōt rūkaki in loļo̧k m̧ōko ro an kōrā jemaron̄ kōkajoorļo̧k jabdewōt jej loļo̧k ilo kijejeto ko aer n̄an kōjparok bujen ko aer rekwojarjar. Jej kōm̧m̧ane menin, jej jipan̄ er m̧aanjappopo n̄an kōjeram̧m̧an ko an mour indeeo. “Aolep sister ilo Kabun̄ in ro raar kōm̧m̧an bujen ippān Irooj ewōr ippāer juon mālim ekwojarjar n̄an jipan̄ lo̧mo̧o̧ren jetōb ko, n̄an tōl kōrā ro laļ in, n̄an kōkajoorļo̧k m̧ōko ilo Zaion, im n̄an kalek aelōn̄ in kiin̄ eo an Anij,”2 Elder M. Russell Ballard jen Doulul eo an Jon̄oulruo Rijilōk ro eaar ba.
Ilo ad kōm̧m̧an im kōjparok bujen ko rekwojarjar, jej erom kein jerbal ilo pein Anij. Jenaaj maron̄ kwaļo̧k tōmak ko ad im kōkajoorļo̧k tōmak ko an doon ilo Jemedwōj Ilan̄ im Jisōs Kraist.
Jān Jeje ko Rekwojarjar
1 Nipai 14:14; Mosaia 5:5–7; 18:8–13; Doctrine and Covenants 42:78; 84:106
Jān Bwebwenato eo Ad
Tampeļ eo ej juon jikin kam̧oolol n̄an aolep armej ro rekwojarjar, Irooj eaar kwaļo̧k n̄an Rikanaan Joseph Smith ilo 1833. Ej juon jikin katakin n̄an aolep ro me kar kūr er n̄an jerbal in kwaļo̧k eo ilo aolep kūr ko im opiij ko roktaktak; bwe ren maron̄ weepān ilo meļeļe kōn jerbal in kwaļo̧k eo aer, ilo ļōmņak, ilo pedped, im ilo katak, ilo aolep men ko reiookļo̧k aelōn̄ in kiin̄ eo an Anij ioon laļ in (lale D&C 97:13–14).
Sister ro ilo Doulul eo an Kōrā ilo Nauvoo, Illinois, ilo jinoin 1840 ko kar jipan̄ doon pojak n̄an kain̄i ko an tampeļ. Ilo kain̄i ko an priesthood eo eutiejļo̧k me Armej ro Rekwojarjar ilo Raan-ko Āliktata raar būki ilo Nauvoo Temple, kajoor eo an rikanij eaar waļo̧ktok (lale D&C 84:20). “Ilo an Armej ro Rekwojarjar kōjparok bujen ko aer, kajoor in ej kōkajoorļo̧k im rejtake er jen mālijjon̄ ko ilo raan ko im iiō ko rej pād im̧aam.”3
Ilo Kabun̄ in rainin, kōrā ro im em̧m̧aan ro retiljek aolepān laļ in rej jerbal ilo tampeļ eo im wōnm̧aanļo̧k n̄an pukōt kajoor ilo kōjeram̧m̧an ko me maron̄ būki wōt jen bujen ko an tampeļ.
Nauvoo Illinois Temple, jen Scott Goodwin