Jodikdik ro
Jar im Aenōm̧m̧an
Juon jota Iaar akweel ippān jinō im kar lukkuun nana aō mour. Kōn menin Iaar aikuj in jar. Men̄e Iaar pād ilo en̄jake enana im jab kōņaan en̄jake “jetōb,” Iaar jeļā bwe jar enaaj jipan̄ eō m̧ōņōņō eļapļo̧k im dikļo̧k akwāāl. Ālkin an jinō ilo̧k jen ruum̧ eo, Iaar jino jar eo aō. “Jemedwōj Ilan̄ jitōnbōro, Ij itok n̄an Eok jotenin kōnke …” Jab. Iaar kōppeļļo̧k meja im erļo̧ke peiū; naan ko raar jab jejjet. Iaar bar kajjieon̄. “Jemedwōj Ilan̄, Ij aikuj …” Menin eaar bar jab jejjet. Iaar en̄jake an Satan kapilōk eō bwe in ebbeer in jar im kajjitōk ippān Jemedwōj Ilan̄ kōn jipan̄.
Ejjab etto Iaar im̧we n̄an ba kom̧ool! Innām Iaar kōm̧m̧ane, im ļōmņak ko raar jino ipeep jān kōļmenļo̧kjeņ eo aō kōn aolep men ko Imaron̄ kam̧oolol Jema ilo Lan̄ kaki. Ke eaar dedeļo̧k Aō kam̧oolol E, Iaar ekkōnono kōn jorāān eo ej kab waļo̧k.
Tokālik Iaar en̄jake juon aenōm̧m̧an em̧m̧an ilowaaō, en̄jake in jetōb eo em̧m̧an me Iaar jeļā bwe Jemedwōj Ilan̄ im jinō im jema rej iakwe eō im bwe N̄aij juon ajri nejin Anij. Iaar maron̄ in joļo̧k aō bōd ippān jinō im errā ilo joļo̧k bōd eo an.