Mour ko Rem̧m̧an Kar Keememeji

Dan Jones (1810–62)

Elōn̄ļo̧k jen milien mijenede ro kar kūr er jen kar ejaak eo an Kabun̄ in, ak Dan Jones eaar baj lōn̄ļo̧k jen juon milien in. Mijenede in Welsh, Būreejtōn Gordon B. Hinckley (1910–2008) eaar ba, “Kōn jon̄an nōm̧ba in rioktak ro, Dan Jones eaar aikuj in pād ilo io̧ļapļap in ak mijenede ro eļap tōprak ko aer ilo bwebwenato in Kabun̄ in.”¹

M̧okta jen an kar juon mijenede, Dan eaar em̧m̧akūt jān Wales n̄an United States im kar jerbal ilo Mississipi River āinwōt kapen in juon tima ņaetan Maid of Iowa, me eaar bōktok elōn̄ Armej ro Rekwojarjar ilo Raan-ko Āliktata n̄an Nauvoo, Illinois. Eaar kobatok ilo Kabun̄ in ilo 1843 im eaar jino m̧ōttā ippān Rikanaan Joseph Smith.

Mijen eo an Dan eaar kakūrm̧ool kanaan eo āliktata an Joseph Smith. Bon̄ōn̄ eo āliktata bwe Rikanaan Joseph Smith en mej, eaar ron̄ aenikien bū inam̧ōj in wintō in Carthage Jail, kōn menin eaaar kālet bwe en babu ioon laļ. Iturin eaar Dan Jones. Rikanaan eo eaar kajjitōk ippān Dan eļan̄n̄e emijak in mej. Eaar uwaak, “Ilo am̧ ļōmņak, ej ke iien eo in? Ikkitōltōl rot in Ijjab jeļā n̄e mej enaaj kōm̧m̧an bwe en lōn̄ rej lōļn̄o̧n̄.” Innām Joseph eaar kanaan, “Kwonaaj baj lo wōt Wales, n̄an kakūrm̧ool mijen eo kar jitōn̄ eok m̧okta jen am mej.”²

Kalim̧m̧ur eo an Rikanaan eo eaar kūrm̧ool ilo 1845, ilo iien eo Dan im kōrā eo ippān, Jane, kar kūr n̄an jerbal ilo Wales. Dan eaar kōjerbal tōļan eo an n̄an kwaļo̧k ko̧jpeļ in kōn eļap kōttōpar. Eaar jeļā kajin Welsh im kajin English, n̄an kam̧ool rekoot eo me eaar itok limoin kōnono kake me emaron̄ dāpij armej ro an ilo kajin eo aer ium̧win awa ko.

Ilo Wales, Dan eaar je bwebwenato ko kōn Armej ro Rekwojarjar ilo Raan-ko Āliktata, jikin ko, im bok ko ilo Welsh. Ium̧win tōl eo an Dan Jones, mijenede ro ilo Wales raar ejaake 29 branch ko im kar peptaiji enan̄in 1,000 armej ro kajjojo iiō ilo jinoin mijen eo an. Eaar bar kūr kein karuo ilo juon mijen n̄an Wales ilo 1852, im men̄e jum̧ae eaar lapļo̧k ņae Kabun̄ in, eaar wōr 2,000 armej raar peptaij ilo iiō ko emen.

Ke eaar ro̧o̧l n̄an Utah, Dan eaar jipan̄ bōktok elōn̄ rioktak ro jān Welsh n̄an Utah. Ke eaar mej ilo 51 an iiō, eaar jipan̄ bōtok enan̄in 5,000 armej ro n̄an western United States.

Kakememej ko

1. Gordon B. Hinckley, “The Thing of Most Worth,” Tambuli, Mar. 1994, 8; Ensign, Sept. 1993, 7.

2. Joseph Smith, ilo History of the Church, 6:601.

Jān tuanmiin̄: Pija in Mijenede eo jān Welsh Dan Jones. Juon tima, āinwōt tima eo Dan Jones ej kapen in, ej kepaakļo̧k n̄an atartar ilo Nauvoo, Illinois. Dan Jones eaar jipan̄ rim̧m̧akūt ro an Welsh.