Kwon Māletlet IM EROM M̧ōttā
Katak im bōk jeļāļo̧kjeņ im mālōtlōt ilo iien am em̧m̧an ded. Im ļōn̄aj im kōkajoorļo̧k ro ipeļaakūm̧.
Eļan̄n̄e kolukkuun in kōņaan bōk juon mour em̧m̧an, kwonaaj kōņaan ļoor kapilōk eo loe ilo eoon kein. “Katak ilo am̧ em̧m̧an ded; aaet, ekkatak ilo am̧ em̧m̧an ded n̄an kōjparok kien ko an Anij” (Alma 37:35). Wāween katakin emaron̄ waļo̧k kadkad in ilo wāween in ilaļ:
Jej aolep jino kōn jeļāļo̧kjeņ eo epidodo. Jej kobaik jeļāļo̧keņ eo n̄an katak eo me ej itok jān kūlaaj ruum̧ eo im riit. Jej kobaik jeļā ko an mour. Innām jej etal n̄an bun̄tōn ne eo kein kemen: māletlet Ej ijo laļ in ej bōjrak ie. Ak ewōr ippād juon men laļ in ejjeļo̧k ippān. Ilo iien peptaij im kapene, kar letok n̄an kōj menin letok eo an Jetōb Kwojarjar. Pedped wōt ioon tiljek ko ad n̄an kien ko, kain̄i ko, im bujen ko jaar būki iood make ilo peptaij, n̄an kallim̧ur kōn kije im makijkij in pād ilo kweilo̧k eo an kwojkwoj, im n̄an bujen ko an priesthood im tampeļ, jenaaj aolep iien bōk menin letok eo an Jetōb Kwojarjar n̄an katakin im tōl kōj. Jetōb enaaj tōl kōj n̄an m̧akūtkūt im n̄an kōm̧m̧an. Jenaaj aolep bōk menin letok ko an jetōb im taļōn ko (lale D&C 46).
Mālōtlōt koba menin letok ko an jetōb rej tōl n̄an juon meļeļe eo ilo bōro. “Mālōtlōt ej men eo eaorōktata, innām kwōn bōk mālōtlōt: ilo aolep men kwōj jibadek, kwōn jibadek jeļāļo̧kjeņ” (Jabōn Kōņņaan Ko 4:7). Elukkuun aorōk n̄an pukōt mālōtlōt im meļeļe ilo am em̧m̧an ded.
Juon jeļā eo jān ke iaar jodikdik kar katakin eō kōn māletlet. Iaar juon ļaddik jān jikin kweilo̧k, kōn menin jema eaar jilkinļo̧k eō n̄an jerbal ilo jikin menin mour eo an eo ulepa ilo tuiieōn̄ in Utah. Ke Iaar pād ijo, Ikar jab maron̄ meļeļe etke cattle eo, kōn taujin eika in meļaaj ko n̄an kālōt jene, kar likūt bōraer ilo oro̧o̧r lōklōk eo n̄an m̧ōn̄ā ujooj ilo turājet in oro̧o̧r eo. Konan̄in ke kar ļōmņak kōn ewi jon̄an ad āinwōt menin? Iien otemjej jenaaj būjbūj m̧aan ļo̧k n̄an lo ta eo jon̄ak ko itulik rej, eļaptata ippān jodikdik ro ad. Āinwōt armej ro—bwe armej ilo lukkuun piktokin—jej lale n̄an iuun lōn̄ļo̧k ok ko im iuun bōrād m̧aanļo̧k. Etke jej kōm̧m̧ane?
Jemaron̄ bōk eļap lan̄lōn̄ ilo mour in ilo jab būjbūj m̧aan ļo̧k n̄an jon̄ok ko. Kememej, “Māletlet ej men eo eaorōktata,” im kōn māletlet in, “Kwōn jab deļo̧n̄ ilo iaļ an ro ri nana, im kwōn jab etetal ilo iaļ an armej re jab wānōk. Kwōn ilo̧k jān e, kwōn jab etal ilo e, kwōn oktak jān e im etal wōt” (Jabōn Kōnnaan Ko 4:14–15). Jab epaaktok. Jab likūt bōram̧ ilo wea lōklōk ko an oro̧o̧r eo.
Ewōr Ke ro M̧ōttam̧ Rem̧m̧an?
Kwonaaj jeļā bwe, ippānļo̧k katak kein kōn māletlet, bok in Jabōn Kōnnaan ko ebarāinwōt katakin kōn wāween kālet ro m̧ōttad rem̧m̧an: “Kwōn jab deļo̧n̄ ilo iaļ an ro rinana, im kwōn jab etetal ilo iaļ an armej ro re jab wānōk” (Jabōn Kōnnaan Ko 4:14). “Nejū, kwōn jab etetal ipaer ilo iaļ; kwōn dāpij neōm̧ jān aer iaļ: bwe re kijooror in kōm̧m̧an nana” (Jabōn Kōnnaan Ko 1:15–16).
Pija ko jen Keith Larson
Ekōjkan am jeļā eļan̄n̄e ewōr ro m̧ōttam̧ rem̧m̧an? Inaaj lewaj n̄an eok ruo teej ko. Eļan̄n̄e kwonaaj kōjerbal teej kein, kwoj jamin ilo̧k ilo iaļ ko rekamijak im jebwābwe jān “iaļ in erānin im eaidik eo ej tōlļo̧k n̄an mour indeeo” (2 Nipai 31:18).
-
Ro m̧ōttam rem̧m̧an rej kapidodoik n̄an mour kōn kien ko n̄e kwoj pād ippāer. Juon m̧ōttām eo em̧ool enaaj kōkajoorļo̧k eok im jipan̄ eok mour kōn pedped ko an ko̧jpeļ in me enaaj jipan̄ eok niknik n̄an jem̧ļo̧kin.
-
Juon m̧ōttām eo em̧ool enaaj kōm̧m̧an bwe kwōn kālōt iaļ ko an im iaļ ko an Irooj, ak jamin kajeer eok jān iaļ in erānin im eaidik. Rikapo eo ej ito-itak ilo laļ in im kōņaan eļap n̄an ad kajjojo wōtlo̧k. Eļan̄n̄e ro m̧ōttam̧ rej kōjāār eok ilo iaļ ko renana, ilo̧k jān er kiiō. Kālōt ro m̧ōttan ilo māletlet.
Kwe Kain M̧ōttā Rōt?
Kiiō Ij kajjitōk juon kajjitōk epen: kwe kain m̧ōttā rōt?
Menin eļapļo̧k ilo mour jān kōjparok kōj make. Em̧ōj kōmālim kōj n̄an kotak im n̄an kōkajoorļo̧k aolep ro ipaļaakid. Irooj ekōņaan bwe jen aolep jepļaakļo̧k n̄an Ippān.
Kwoj juon meram n̄an ro jet, im ejjeļo̧k juon men ekauwōtata ļo̧k jān jorrāān. Kememej wōn kwe: kwoj juon waanjon̄ak n̄an laļ in, n̄an ro m̧ōttam̧, n̄an būratōr im sister ro am̧. Kwe eo rej kalimjōk e. Kememej wōn kwe: kwoj juon waanjon̄ak n̄an laļ in, n̄an ro m̧ōttam̧, n̄an būratōr im sister ro am̧. Kwe eo rej kalimjōk e.
Jabōn Kōnnaan Ko 4 ej wōnm̧aanļo̧k wōt:
“A iaļ an ro rū wānōk ej āinwōt meram ilo iien raantak, eo ej meramļo̧k wōt m̧ae iien e lukkuun raan.
“Iaļ an ro ri nana ej āinwōt marok: re jaje ta eo ej ļōkatipi er” (eoon 18–19).
Rejjab lukkuun jeļā etke rej likjab. Ejjeļo̧k aer meram̧, ejjeļo̧k aer tōl.
Kwojeļā ke ta jekjek eo n̄an pedped ioon juon im̧ōn meram n̄e ejjeļo̧k meram ijo? Marok ļep ej waļo̧k, im jej jebwābwe.
N̄e juon kapen ej luuji kajoor in jarom̧, ejjeļo̧k an kein kwaļo̧k kajien ijello̧k wōt men ko me rej jerbal ilo jab kōjerbal jarom̧. Ej en̄jake an ejjeļo̧k jipan̄ āinwōt n̄e ej pād ilo juon baļuun juon wōt jea ie 40,000 nee (12,200 m) ilo an m̧ūnto m̧ūņtak ilo mejatoto kōn kedo̧ ko. Ejjeļo̧k an jabdewōt kein tōl. Iaar ioon juon en̄jake āinwōt in, im Ij laudin̄din̄ Ij pād ijin. Ej juon en̄jake me Ij jamin naaj meļo̧kļo̧k e. Juon raan kwonaaj barāinwōt lo eok make ilo kain jekjek in. Ejjeļo̧k jabdewōt kauwōtata āinwōt n̄e juon meram ejako, eļaptata n̄e kwoj pedped wōt ioon meram.
Ewōr ke juon eo en ej pedped ioon meram eo am̧ n̄an tōl e? Kwon juon waanjon̄ak em̧m̧an. Kwon juon meram n̄an laļ in im tōl im jirōk kaļoor ro ipeļaakūm̧ ilo iaļ ko rejim̧we. Rej pedped wōt ioom̧ āinwōt juon meram eo etiljek. Pād ijeņ n̄e juon ej aikuji eok.
Jetōb ej meram in tōl eo me ej boktok lan̄lōn̄ im m̧ōņōņō. Kōm̧m̧an bwe jen jab karmejete Jetōb eo n̄an an pād ippād kōnke m̧wilid. O, ekōjkan aō jar me ejjamin naaj make ļo̧k im kabūrom̧ōjm̧ōj ilo “marok im waan” an laļ in (1 Nipai 8:4).
Kōm̧m̧an bwe kōjeram̧m̧an ko an Irooj en pād ippāmi ilo am kajjieon̄ in ekkatak im bōk jeļāļo̧kjeņ im māletlet ilo iien am̧ em̧m̧an ded. Kōm̧m̧an bwe kom̧in barāinwōt bōk māletlet im meļeļe ilo būruwōmi kōn m̧ool ko an ko̧jpeļ in kōn pokake im barāinwōt kōn meram eo an Jetōb, eo Jetōb Kwojarjar. Kwon juon m̧ōttā eo em̧m̧an. Ļōn̄aj im kōkajoorļo̧k ro ipeļaakūm̧. Kōm̧m̧an bwe laļ in en juon jikin em̧m̧an kōnke kwoj pād ijin. Jipan̄ ro m̧ōttam̧ pād wōt ilo iaļ in erānin̄ im eaidik, niknik n̄an jem̧ļo̧kin, im jepļaak kōn nōbar.
Kwon juon meram n̄an laļ in im tōl im jirōk kaļoor ro ipeļaakūm̧ ilo iaļ ko rejim̧we. Rej pedped wōt ioom̧ āinwōt juon meram eo etiljek.