Maksi dhe Mia Shpëtuan Ditën
Maksi u bë gati të luante superheroin. Veshi bluzën e tij të kuqe. Veshi pelerinën e tij të superheroit. Më pas shkoi në dhomën e motrës së tij të vogël.
“Eja, Mia”, tha Maksi. “Le të shkojmë të shpëtojmë ditën!”
Maksi dhe Mia shkuan në dhomën e ndenjjes. Ata panë një shportë plot me rroba.
“A do të më ndihmoni?” pyeti nëna.
“Në rregull”, tha Maksi. “Atëherë ne mund të shkojmë të shpëtojmë ditën.”
Maksi dhe Mia e ndihmuan nënën t’i paloste të gjitha rrobat dhe t’i vendoste ku duhej.
Më pas Maksi pa disa plehra në dysheme. “Le t’i mbledhim gjithë plehrat”, tha Maksi. “Atëherë ne mund të shkojmë të shpëtojmë ditën.”
Maksi dhe Mia vrapuan nëpër shtëpi. Ata larguan të gjitha plehrat që mundën të gjenin.
Panë nënën duke fshirë dyshemenë e kuzhinës. “Mund të të ndihmojmë”, tha Maksi.
Mia ndihmoi me kacinë, ndërsa Maksi fshiu dyshemenë.
“Tani le të shkojmë dhe të shpëtojmë ditën”, tha Maksi.
Nëna hodhi sytë përreth shtëpisë së pastër. Pastaj ajo i përqafoi Maksin dhe Mian. “Mendoj se vërtet e shpëtuat!”
Ilustrimet nga Elise Black